టాలీవుడ్ మెగాపవర్ స్టార్ రామ్ చరణ్, ‘ఉప్పెన’ దర్శకుడు బుచ్చిబాబు సానా కాంబినేషన్లో ఎంతో ప్రతిష్టాత్మకంగా తెరకెక్కిన మోస్ట్ అవైటెడ్ స్పోర్ట్స్ డ్రామా ‘పెద్ది’. ఇక జాన్వీ కపూర్ హీరోయిన్గా నటించిన ఈ చిత్రం భారీ అంచనాల మధ్య ఈరోజు ప్రేక్షకుల ముందుకు వచ్చింది. మరి ఈ సినిమా ప్రేక్షకులను ఏ మేరకు మెప్పించిందో పూర్తి సమీక్షలో చూద్దాం..
కథ: ఒలింపిక్స్లో కోట్ల జనాభా ఉన్న భారతదేశం కేవలం ఒకటి రెండు మెడల్స్తోనే సరిపెట్టుకోవడంపై మినిస్ట్రీ ఆఫ్ యూత్ అఫైర్స్ అండ్ స్పోర్ట్స్ అకాడమీ ఆఫీసర్ పైస్వాల్ (బొమన్ ఇరానీ) తీవ్ర అసంతృప్తితో ఉంటాడు. ఈ క్రమంలో విజయనగరం ప్రయాణంలో అతనికి ‘పెద్ది’ (రామ్ చరణ్) అనే ఒక అసాధారణ మల్టీ స్పోర్ట్స్ ఆటగాడి గురించి తెలుస్తుంది.ఇక క్రికెట్, మల్లయుద్ధం (కుస్తీ), పరుగు పందెం.. ఇలా మూడు విభిన్న క్రీడల్లోనూ పెద్ది పేరు మారుమోగిపోతుండటం చూసి పైస్వాల్ ఆశ్చర్యపోతాడు.
అసలు ఈ పెద్ది ఎవరు? ఆట ప్రపంచంలో, అందులోని గెలుపు కోసం పెద్ది చేసిన పోరాటం ఏంటి? తను కోరుకున్న గుర్తింపు కోసం ఎంతవరకు సిద్ధపడ్డాడు? ఆఖరికి తను అనుకున్న లక్ష్యాన్ని ఎలా సాధించాడు? అనేదే మిగతా కథ..
నటీనటులు : రామ్చరణ్, శివరాజ్కుమార్, జాన్వీకపూర్, జగపతిబాబు, దివ్యేందు, బొమన్ ఇరానీ, తదితరులు
దర్శకత్వం: బుచ్చిబాబు సానా
నిర్మాత: వెంకట సతీశ్ కిలారు, ఇషాన్ సక్సేనా
సంగీతం: ఏఆర్ రెహమాన్
విడుదల తేదీ: 04-06-2026
విశ్లేషణ: దర్శకుడు బుచ్చిబాబు సానా ఎంచుకున్న స్పోర్ట్స్ బ్యాక్డ్రాప్, దానికి జోడించిన ఎమోషనల్ పాయింట్ ఈ సినిమాకు ప్రధాన బలం. క్రీడల నేపథ్యంలో సాగే ఉత్కంఠభరితమైన సీన్స్తో పాటు, అంతర్లీనంగా ఉండే కోర్ ఎమోషన్ను ఎక్కడా పక్కదారి పట్టించకుండా బ్యాలెన్స్డ్గా నడిపించడంలో దర్శకుడు విజయం సాధించాడు. థియేటర్లలో ప్రేక్షకులకు సాలిడ్ స్పోర్ట్స్ ఎపిసోడ్స్ ఒక మంచి విజువల్ ట్రీట్ను ఇస్తాయి.
రామ్ చరణ్: పెద్ది పాత్రలో రామ్ చరణ్ వన్-మ్యాన్ షో చేశాడు. ఈ సినిమా కోసం ఆయన పడిన శారీరక కష్టం ప్రతి ఫ్రేమ్లోనూ కనిపిస్తుంది. ముఖ్యంగా కుస్తీ కోసం సిద్ధమైన తీరు, యాక్షన్ ఎపిసోడ్స్ అద్భుతం. క్రికెట్లో ఒక రకమైన యాటిట్యూడ్ చూపించిన చరణ్, రన్నర్గా సాగే ఎమోషనల్ ట్విస్ట్ సీన్స్లో ప్రేక్షకుల కళ్ళు చెమర్చేలా నటించాడు. ఇక ఇలాంటి ఛాలెంజింగ్ రోల్ను ఒకే చేయడం చరణ్ గట్స్కు నిదర్శనం.
జగపతిబాబు: సినిమాలో అంతకు మించి గుర్తుండిపోయే పాత్ర ‘అప్పలసూరి’గా నటించిన జగపతిబాబుది. స్క్రీన్ టైమ్ తక్కువే అయినప్పటికీ, ఆయన నటన జగపతిబాబు కెరీర్లోనే వన్ ఆఫ్ ది బెస్ట్ గా నిలుస్తుంది. సినిమా పూర్తయ్యాక కూడా అప్పలసూరి పాత్ర ప్రభావం ప్రేక్షకులపై బలంగా ఉంటుంది.
ఇక హీరోయిన్ జాన్వీ కపూర్ తన పరిధి మేరకు ఆకట్టుకోగా, బొమన్ ఇరానీ ఆఫీసర్ పాత్రకు పూర్తి న్యాయం చేశారు.
ప్లస్ పాయింట్స్: రామ్ చరణ్ మూడు వేరియేషన్స్ (కుస్తీ, క్రికెట్, రన్నింగ్)
జగపతిబాబు నటన
స్పోర్ట్స్ ఎపిసోడ్స్
బ్యాక్గ్రౌండ్ స్కోర్
మైనస్ పాయింట్స్: అక్కడక్కడా నెమ్మదించే కథనం
ఇక మొత్తంగా చూసుకుంటే, ‘పెద్ది’ అనేది కేవలం ఒక స్పోర్ట్స్ డ్రామా మాత్రమే కాదు, గుండెలను హత్తుకునే ఒక కదిలించే ఎమోషనల్ జర్నీ. రామ్ చరణ్ అద్భుతమైన పెర్ఫార్మెన్స్, సాలిడ్ ఎమోషన్స్, థ్రిల్లింగ్ స్పోర్ట్స్ సీన్స్ కోసం ఈ సినిమాను థియేటర్లలో ఖచ్చితంగా చూడొచ్చు. ఇది ఒక సాలిడ్ హిట్!
రేటింగ్: 3.5/5
గమనిక: ఈ రివ్యూ పూర్తిగా సమీక్షకుడి వ్యక్తిగత అభిప్రాయం మాత్రమే. దీనిని ఆ దృష్టికోణంలోనే చూడాలి.
The post Peddi Movie Review: ‘పెద్ది’ – స్పోర్ట్స్ బ్యాక్డ్రాప్లో ఎమోషన్ ఎక్స్ప్లోషన్ appeared first on Manalokam – Latest Telugu News & Updates.