మనం రోజువారీ జీవితంలో పొద్దున లేచింది మొదలు ఏ చిన్న డౌట్ వచ్చినా వెంటనే గుర్తొచ్చేది గూగుల్ తాతే. అలాంటి గూగుల్ సెర్చ్ బాక్స్ ఇప్పుడు పూర్తిగా మారిపోయింది. గత 25 ఏళ్లలో ఎన్నడూ లేనంత పెద్ద అప్గ్రేడ్ను గూగుల్ ప్రకటించింది. ఇకపై మనం గూగుల్లో కేవలం టైప్ చేయడమే కాదు, సరికొత్త ఏఐ (AI) సాయంతో ఒక సరికొత్త సెర్చ్ ప్రపంచాన్ని చూడబోతున్నాం. ఈ మార్పుతో సెర్చ్ హిస్టరీలోనే ఒక కొత్త రివల్యూషన్ మొదలైందని చెప్పొచ్చు.
జెమిని 3.5 ఫ్లాష్ ఎంట్రీ: ఇప్పటివరకు నార్మల్గా పనిచేసిన గూగుల్ సెర్చ్ బాక్స్, ఇకపై కంపెనీకి చెందిన మోస్ట్ పవర్ఫుల్ ఏఐ మోడల్ ‘జెమిని 3.5 ఫ్లాష్’ ద్వారా రన్ అవుతుంది. ఇక దీనివల్ల గూగుల్ సెర్చ్ వేగం ఆలోచించే విధానం ఊహించని రేంజ్కు వెళ్తుంది. మనం అడిగే ప్రశ్నలను ఇది చాలా ఈజీగా అర్థం చేసుకుని, క్షణాల్లో మనకు కావాల్సిన బెస్ట్ రిజల్ట్స్ను అందిస్తుంది.
ఫైల్స్ అప్లోడ్ చేసి సెర్చ్ చేయొచ్చు: ఈ కొత్త అప్డేట్తో మనకు దొరికిన అతిపెద్ద అడ్వాంటేజ్ ఏంటంటే, ఇకపై మనం ఏదైనా ఫైల్ను ఇన్పుట్గా ఇచ్చి కూడా సెర్చ్ చేయవచ్చు. అంటే ఏదైనా డాక్యుమెంట్, ఇమేజ్ లేదా మరేదైనా ఫైల్ గూగుల్లో అప్లోడ్ చేసి దాని గురించి ప్రశ్నలు అడగవచ్చు.ఇక అంతేకాదు ఏఐ సూచనలతో మనకు మనమే కొత్త ప్రశ్నలను క్రియేట్ చేసుకుని మరింత లోతుగా విషయాలను తెలుసుకునే వీలుంటుంది.
ముచ్చట్లు పెట్టే ఏఐ ఓవర్వ్యూ: గూగుల్ తన ‘ఏఐ ఓవర్వ్యూ’ ఫీచర్ను కూడా మరింత అప్గ్రేడ్ చేసింది. ఇదివరకు ఏదో సమాచారం వెతికి పక్కన పెట్టినట్టు కాకుండా ఇకపై గూగుల్ మనతో ముచ్చట్లు పెడుతున్నట్టుగా, సంభాషణాత్మకంగా మారుతుంది. మనం అడిగే ప్రశ్నల వెనుక ఉన్న ఉద్దేశాన్ని కనిపెట్టి, ఒక ఫ్రెండ్ లాగా వివరాలను వివరిస్తుంది. ఇక దీనివల్ల చదివే వాళ్లకు కూడా బోర్ కొట్టకుండా, విషయం చాలా క్లియర్గా అర్థమవుతుంది.
సాంకేతిక ప్రపంచంలో గూగుల్ తెచ్చిన ఈ మార్పు నిజంగా ఒక సంచలనమే. కేవలం లింకులు వెతికే సెర్చ్ ఇంజన్ స్థాయి నుంచి, మనకు అవసరమైన సాయం చేసే ఒక పర్సనల్ అసిస్టెంట్గా గూగుల్ మారిపోతోంది. ఈ ఏఐ రివల్యూషన్తో రాబోయే రోజుల్లో మన సెర్చ్ ఎక్స్పీరియన్స్ మరింత ఈజీగా ఇంట్రెస్టింగ్గా మారబోతుందనడంలో ఎలాంటి సందేహం లేదు.
గమనిక: గూగుల్ ప్రకటించిన ఈ సరికొత్త ‘జెమిని 3.5 ఫ్లాష్’ ఆధారిత సెర్చ్ ఫీచర్లు ప్రస్తుతం దశలవారీగా వినియోగదారులందరికీ అందుబాటులోకి రానున్నాయి. మీ డివైజ్లలో ఈ మార్పులను చూడటానికి గూగుల్ యాప్ను అప్డేట్ చేసి ఉంచుకోండి.
The post ఇక గూగుల్ కూడా మారిపోయింది..! AIతో సెర్చ్ రివల్యూషన్ స్టార్ట్ appeared first on Manalokam – Latest Telugu News & Updates.