దేవదేవుడు తిరుమల శ్రీవారి లడ్డూ ప్రసాదానికి ఉన్న ప్రాముఖ్యత గురించి ప్రత్యేకంగా చెప్పాల్సిన పని లేదు. తిరుమల లడ్డు ప్రసాదానికి ఉన్న రుచి, పవిత్రత ప్రపంచంలో ఏ ప్రసాదానికి ఉండదు అనడంలో ఎలాంటి అతిశయోక్తి లేదు. అంతటి పవిత్రత ఉన్న లడ్డూ ప్రసాదం సేల్స్ ప్రతి ఏటా రికార్డు స్థాయిలో నమోదవుతూ ఉంటాయి. ఈ ఏడాది కూడా శ్రీవారి లడ్డూ ప్రసాదం సేల్స్ రికార్డు స్థాయిలో నమోదైనట్లై తెలిపింది టీటీడీ.
2025-26 ఆర్థిక సంవత్సరానికి టీటీడీ లడ్డూ విక్రయాల్లో సరికొత్త చరిత్ర సృష్టించిందని తెలిపారు అధికారులు. గతంలో ఎన్నడూ లేని విధంగా రికార్డు స్థాయిలో లడ్డూలు అమ్ముడయ్యాయని తెలిపారు.
►ALSO READ | తిరుమల శ్రీవారి హుండీలో రద్దయిన పాత నోట్లు..టిటిడి ఖజానాలో రూ.400 కోట్ల పాత నోట్లు…
ఈ ఆర్థిక సంవత్సరంలో మొత్తం 13.95 కోట్ల లడ్డూలను భక్తులకు విక్రయించినట్లు తెలిపారు టీటీడీ అధికారులు. ఇక, లడ్డూల విక్రయం ద్వారా సుమారు రూ.567 కోట్లు ఆదాయం వచ్చిందని.. రోజువారీగా సగటున 4 లక్షల లడ్డూలను తయారు చేసి, అదే స్థాయిలో విక్రయాలు జరుపుతున్నట్లు అధికారులు తెలిపారు. ఇది తిరుమలలో భక్తుల రద్దీ ఎంతగా ఉందో స్పష్టంగా తెలియజేస్తోంది.