మన తెలంగాణ/ బోడుప్పల్: తెలంగాణ వ్యాప్తంగా బుధవారం ఇంటర్మీడియట్ వార్షిక పరీక్షలు ప్రారంభమయ్యాయి. మంగళవారం ఉదయం 9 గంటలకు ఇంటర్ ఫస్టియర్ పరీక్షలు ప్రారంభమయ్యాయి. మేడ్చల్ మల్కాజ్ గిరి జిల్లాలోని మేడిపల్లి మండలంలోని పలు పరీక్షా కేంద్రాలను మేడిపల్లి సిఐ ఆర్.గోవిందరెడ్డి సందర్శించి పర్యవేక్షించారు.పరీక్షా కేంద్రాల వద్ద ఎటువంటి అవాంఛనీయ సంఘటనలు జరగకుండా గట్టి పోలీస్ బందోబస్తును ఏర్పాటు చేశారు. పరీక్షా కేంద్రాల పరిసరాల్లో 144 సెక్షన్ అమలులో ఉంటుందని, గుంపులుగా ఉండటం నిషిద్ధమని పేర్కొన్నారు.కాపీయింగ్ను నిరోధించేందుకు పరీక్షా కేంద్రాల సమీపంలోని జిరాక్స్ సెంటర్లను పరీక్షా సమయం ముగిసే వరకు మూసివేయాలని ఆదేశించారు. విద్యార్థులు ఎలాంటి ఆందోళన చెందకుండా ప్రశాంతంగా పరీక్షలు రాయాలని కోరారు. అలాగే, ప్రభుత్వం ప్రకటించిన 5 నిమిషాల గ్రేస్ పీరియడ్ (ఉదయం 9:05 వరకు) నిబంధనను దృష్టిలో ఉంచుకుని, సకాలంలో కేంద్రాలకు చేరుకోవాలని సూచించారు.
