2026 ఫిఫా ప్రపంచకప్లో బ్రెజిల్కు భారీ షాక్ తగిలింది. ఆరోసారి ప్రపంచ ఛాంపియన్గా నిలవాలన్న బ్రెజిల్ ఆశలు రౌండ్ ఆఫ్ 16లోనే ముగిశాయి. ఉత్కంఠభరితంగా సాగిన మ్యాచ్లో నార్వే 2-1 తేడాతో బ్రెజిల్ను ఓడించి క్వార్టర్ ఫైనల్కు దూసుకెళ్లింది. ఈ ఓటమి అనంతరం బ్రెజిల్ ఫుట్బాల్ దిగ్గజం నెయ్మార్ అంతర్జాతీయ ఫుట్బాల్కు వీడ్కోలు పలుకుతూ తన రిటైర్మెంట్ను ప్రకటించాడు.
హాలాండ్ డబుల్ స్ట్రైక్తో బ్రెజిల్కు షాక్
మెట్లైఫ్ స్టేడియంలో జరిగిన ఈ మ్యాచ్లో బ్రెజిల్ తొలి నుంచే దూకుడుగా ఆడినా, నార్వే ప్రొటెక్షన్ ను ఛేదించలేకపోయింది. మ్యాచ్ 79వ నిమిషంలో ఆండర్స్ స్కెల్డెరుప్ అందించిన అద్భుతమైన క్రాస్ను హెడర్తో గోల్గా మలిచిన ఎర్లింగ్ హాలాండ్ నార్వేకు ఆధిక్యం అందించాడు. కొద్ది సేపటికే మరోసారి హాలాండ్ గోల్ చేసి స్కోరును 2-0కు చేర్చాడు. దీంతో బ్రెజిల్పై ఒత్తిడి మరింత పెరిగింది.
నెయ్మార్ గోల్ చేసినా ఫలితం లేకపోయింది
ఇంజ్యూరీ టైమ్లో లియో ఓస్టిగార్డ్ కాసెమిరోపై ఫౌల్ చేయడంతో బ్రెజిల్కు పెనాల్టీ లభించింది. అదనపు సమయం 10వ నిమిషంలో నెయ్మార్ పెనాల్టీని గోల్గా మలిచినా, అది ఓటమి అంతరాన్ని మాత్రమే తగ్గించింది. చివరకు నార్వే 2-1తో విజయం సాధించి తొలిసారిగా ఫిఫా ప్రపంచకప్ క్వార్టర్ ఫైనల్కు అర్హత సాధించింది.
నెయ్మార్ భావోద్వేగ రిటైర్మెంట్
మ్యాచ్ అనంతరం తీవ్ర భావోద్వేగానికి లోనైన నెయ్మార్ అంతర్జాతీయ ఫుట్బాల్ నుంచి తప్పుకుంటున్నట్లు ప్రకటించాడు. ఆయన మాట్లాడుతూ, “నేను నా వంతు అత్యుత్తమంగా ప్రయత్నించాను. ఇప్పుడు నా ప్రయాణం ఇక్కడితో ముగుస్తోంది. నేను ఇక్కడి నుంచే ప్రారంభించాను.. ఇక్కడే ముగిస్తున్నాను” అని భావోద్వేగంగా చెప్పారు.
బ్రెజిల్ తరఫున నెయ్మార్ అద్భుత రికార్డులు
ఈ మ్యాచ్లో చేసిన గోల్ నెయ్మార్కు అంతర్జాతీయ కెరీర్లో 80వ గోల్గా నిలిచింది. బ్రెజిల్ తరఫున 130 మ్యాచ్లు ఆడిన అతను 80 గోల్స్, 59 అసిస్ట్లు నమోదు చేశాడు. దీంతో బ్రెజిల్ చరిత్రలో అత్యధిక అంతర్జాతీయ గోల్స్ చేసిన ఆటగాడిగా తన కెరీర్ను ముగించాడు. 2013 ఫిఫా కాన్ఫెడరేషన్స్ కప్ విజయంలోనూ, 2016 రియో ఒలింపిక్స్లో బ్రెజిల్కు తొలి ఒలింపిక్ స్వర్ణ పతకం అందించడంలోనూ నెయ్మార్ కీలక పాత్ర పోషించాడు.
బ్రెజిల్కు మరో నిరాశ
ఈ ఓటమితో బ్రెజిల్ వరుసగా ఏడోసారి ప్రపంచకప్ నాకౌట్ దశలో యూరోపియన్ జట్టు చేతిలో పరాజయం పాలైంది. అలాగే 1990 తర్వాత ప్రపంచకప్లో ఇంత తొందరగా టోర్నమెంట్ నుంచి నిష్క్రమించడం ఇదే తొలిసారి.
నార్వే చరిత్ర సృష్టించింది
మరోవైపు ఎర్లింగ్ హాలాండ్ అద్భుత ప్రదర్శనతో నార్వే తొలిసారిగా ఫిఫా ప్రపంచకప్ క్వార్టర్ ఫైనల్స్కు చేరి చరిత్ర సృష్టించింది. ఈ టోర్నమెంట్లో హాలాండ్ ఇప్పటికే ఏడు గోల్స్ చేసి గోల్డెన్ బూట్ రేసులో అగ్రస్థానంలో కొనసాగుతున్నాడు. నార్వే విజయం ప్రపంచ ఫుట్బాల్లో కొత్త అధ్యాయానికి నాంది పలికిందనే అభిప్రాయాలు వ్యక్తమవుతున్నాయి.
Neymar was heartbroken after the match
pic.twitter.com/xxUVGchtSN
— Gamble Bulls (@GambleBulls) July 5, 2026