Indian Hockey Blue Jersey Is Back: ఆసియా గేమ్స్ 2026కి టైమ్ దగ్గర పడుతున్న వేళ భారత హాకీ జట్టు జెర్సీ రంగుపై నడిచిన పెద్ద గొడవకు ఎట్టకేలకు ఎండ్ కార్డ్ పడింది. టీమిండియాను సాంప్రదాయ నీలం (బ్లూ) జెర్సీ నుంచి కాషాయ (శాఫ్రాన్) రంగుకు మార్చడంపై క్రీడా ప్రపంచంలో పెద్ద రచ్చ కొనసాగింది. దీనిపై క్రీడాభిమానులతో పాటు ధనరాజ్ పిళ్లై లాంటి మాజీ దిగ్గజాలు తీవ్ర ఆగ్రహం వ్యక్తం చేయడంతో హాకీ ఇండియా (HI) యూ-టర్న్ తీసుకోక తప్పలేదు. జపాన్ వేదికగా జరగనున్న ఆసియా క్రీడల్లో మన మెన్ ఇన్ బ్లూ మళ్లీ తమ ఐకానిక్ బ్లూ జెర్సీలోనే గ్రౌండ్లోకి దిగుతారని ఇండియన్ హాకీ బోర్డు స్పష్టం చేసింది.
అసలేం జరిగింది?.. ప్రెసిడెంట్ వర్సెస్ సెక్రటరీ వార్:
అసలు ఈ జెర్సీ వివాదం వెనుక హాకీ ఇండియా అంతర్గత వర్గాల్లో పెద్ద యుద్ధమే నడిచింది. బోర్డు ఎగ్జిక్యూటివ్ మీటింగ్లో కనీసం చర్చించకుండా, తనకు చెప్పకుండానే సెక్రటరీ భోలానాథ్ సింగ్ జెర్సీని కాషాయ రంగులోకి మార్చేశారని ప్రెసిడెంట్ దిలీప్ తిర్కీ షాకింగ్ కామెంట్స్ చేశారు. కానీ సెక్రటరీ మాత్రం అందరికీ తెలిసే మార్చామని కౌంటర్ ఇవ్వడంతో బోర్డులో ప్రెసిడెంట్ వర్సెస్ సెక్రటరీ వార్ పీక్స్కి చేరింది. వీరేన్ రస్కిన్హా, పర్గత్ సింగ్ లాంటి లెజెండరీ ప్లేయర్లు కూడా బోర్డు నిర్ణయాన్ని నిలదీయడంతో హాకీ ఇండియా తీవ్ర ఒత్తిడిలో పడిపోయింది.
కాషాయం కలిసి రాలేదా?.. ఐఓఏకు ఇచ్చిన క్లారిటీ ఇదే:
కారణం ఏదైనా, కాషాయ జెర్సీతో ఆడిన హాకీ వరల్డ్ కప్లో భారత మెన్స్ టీమ్ 8వ స్థానానికి పడిపోయి దారుణంగా నిరాశపరిచింది. ఈ బ్యాడ్ ఫామ్, ఫ్యాన్స్ నుంచి వచ్చిన నెగెటివిటీని గమనించిన హాకీ ఇండియా బోర్డు.. ఆసియా గేమ్స్ కోసం ఇండియన్ ఒలింపిక్ అసోసియేషన్ (IOA)కి పంపిన లిస్ట్లో తమ ఫస్ట్ ఛాయిస్ బ్లూ రంగు మాత్రమేనని తేల్చిచెప్పింది. ఆపోజిట్ టీమ్ జెర్సీ కలర్ క్లాష్ అయితే తప్ప కాషాయ రంగును వాడమని, బ్లూ కలరే తమ ప్రైమరీ ఆప్షన్ అని ట్రెజరర్ శేఖర్ మనోహరన్ వివరణ ఇవ్వాల్సి వచ్చింది.
లక్కీ బ్లూ జెర్సీతో వేట మొదలు.. టార్గెట్ గోల్డ్ మెడల్:
ఏదేమైనా వివాదాలు పక్కన పెట్టి మళ్లీ తమ లక్కీ బ్లూ జెర్సీ తొడుక్కుంటున్న హర్మన్ప్రీత్ సింగ్ సేన ఆసియా గేమ్స్లో ఐదో సారి గోల్డ్ మెడల్ కొట్టడమే టార్గెట్గా బరిలోకి దిగుతోంది. మరోవైపు 2022లో బ్రాంజ్ సాధించిన భారత మహిళల జట్టు.. ఈసారి ఏకంగా 44 ఏళ్ల సుదీర్ఘ నిరీక్షణకు తెరదించుతూ ఆసియా గేమ్స్లో టాప్ పీక్స్లో నిలవాలని చూస్తోంది. ఫ్యాన్స్ అంతా కోరుకున్నట్లుగానే మళ్లీ బ్లూ జెర్సీతో మైదానంలో టీమిండియా పూనకాలు తెప్పించడం ఖాయంగా కనిపిస్తోంది.
🚨 India’s Hockey teams are set to return to their traditional blue home kits at the Asian Games.
Hockey India listed blue as the first preference, with saffron as the secondary colour.
[ Via – @sportstarweb ] pic.twitter.com/oe2zuQ9x93
— The Khel India (@TheKhelIndia) September 8, 2026