డ్రై ఫ్రూట్స్ అనగానే మనందరికీ ముందుగా గుర్తొచ్చేది ఎండుద్రాక్ష (కిస్మిస్). రాత్రిపూట వీటిని నీటిలో నానబెట్టి, ఉదయం పరగడుపున తింటే శరీరానికి ఎన్నో పోషకాలు అందుతాయి. అయితే, షాపుల్లో దొరికే పసుపు (గోల్డెన్) కిస్మిస్లు మంచివా? లేక నల్ల కిస్మిస్లు ఆరోగ్యానికి బెటరా? అనే గందరగోళం చాలామందిలో ఉంటుంది. మరి ఈ రెండింటిలో ఏది ఎక్కువ పవర్ఫుల్లో, దేనివల్ల ఎలాంటి ప్రయోజనాలు ఉన్నాయో ఇప్పుడు సింపుల్గా తెలుసుకుందాం..
నానబెట్టిన కిస్మిస్ ప్రత్యేకత: కిస్మిస్లను పచ్చిగా తినడం కంటే రాత్రంతా నీటిలో నానబెట్టి ఉదయాన్నే తినడం వల్ల రెట్టింపు లాభాలు ఉంటాయి. నానబెట్టడం వల్ల వాటి పైపొరలోని ఐరన్, పొటాషియం, కాల్షియం, మెగ్నీషియం, ఫైబర్ మరియు యాంటీఆక్సిడెంట్లు నీటిలో కరిగి శరీరం త్వరగా గ్రహించేలా మారతాయి. ఇక ఇది మలబద్ధకం తగ్గేందుకు, బిపి నియంత్రణలో ఉండటానికి బాగా సహాయపడుతుంది.
నల్ల కిస్మిస్ (Black Raisins) ప్రయోజనాలు: నల్ల ద్రాక్షను సహజంగా ఎండబెట్టడం ద్వారా ఇవి తయారవుతాయి. వీటి తయారీలో ఎలాంటి రసాయనాలు వాడరు. అందుకే వీటిలో యాంటీఆక్సిడెంట్లు, ఐరన్ మరియు ఫైబర్ చాలా ఎక్కువగా ఉంటాయి. ఇక రక్తహీనత (ఎనీమియా)తో బాధపడేవారికి, జుట్టు విపరీతంగా రాలే సమస్య ఉన్నవారికి మరియు రోగనిరోధక శక్తి పెంచుకోవాలనుకునే వారికి నల్ల కిస్మిస్ ఒక పవర్ఫుల్ మెడిసిన్లా పనిచేస్తుంది.
పసుపు కిస్మిస్ (Yellow/Golden Raisins) ప్రత్యేకం: పసుపు రంగు కిస్మిస్లు చూడటానికి ఆకర్షణీయంగా, తినడానికి మెత్తగా మరియు తియ్యగా ఉంటాయి. రంగు మారకుండా ఉండటానికి వీటిని సల్ఫర్ డయాక్సైడ్తో ట్రీట్ చేస్తారు. ఇక ఇవి జీర్ణక్రియను వేగవంతం చేయడానికి, రక్తంలో షుగర్ లెవల్స్ను సమతుల్యం చేయడానికి మరియు థైరాయిడ్ సమస్యలను అదుపులో ఉంచడానికి ఎంతగానో తోడ్పడతాయి.
పోషకాలు, ఐరన్ మరియు యాంటీఆక్సిడెంట్ల పరంగా చూస్తే పసుపు వాటి కంటే నల్ల కిస్మిస్లే ఎక్కువ పవర్ఫుల్ అని నిపుణులు చెబుతున్నారు. అయితే ఈ రెండూ ఆరోగ్యానికి మేలు చేసేవే కాబట్టి, మీ శరీర అవసరాలను బట్టి రెండింటినీ తగిన పరిమాణంలో డైట్లో చేర్చుకోవడం మంచిది.
గమనిక: కిస్మిస్లు ఆరోగ్యానికి ఎంత మంచివైనా సరే, తీపి ఎక్కువ కాబట్టి మధుమేహం (షుగర్) ఉన్నవారు వైద్యుల సలహా తీసుకున్న తర్వాతే తినడం సురక్షితం.
The post నలుపు కిస్మిస్ vs పసుపు కిస్మిస్.. ఆరోగ్యానికి ఏది ఎక్కువ పవర్ఫుల్? appeared first on Manalokam – Latest Telugu News & Updates.