ఈరోజుల్లో చాలామందికి వారమంతా ఆఫీసులు, పనులతో బిజీగా గడిచిపోతుంది. అందుకే శనివారం, ఆదివారం రాగానే ‘ఈ రోజు ఎలాగైనా కాసేపు ఎక్కువ సమయం పడుకోవాలి’ అని అనుకుంటారు. ఎప్పుడూ లేచే టైం కంటే వీకెండ్స్లో బాగా లేటుగా నిద్రలేస్తుంటారు. ఆలా పిల్లలు కూడా సెలవుల్లో ఎక్కువ పడుకుంటారు. అయితే ఇలా సెలవు రోజుల్లో ఆలస్యంగా నిద్రలేవడం వల్ల మన శరీరంలోని జీవగడియారం (బాడీ క్లాక్) పూర్తిగా అస్తవ్యస్తంగా మారుతుందని శాస్త్రవేత్తలు హెచ్చరిస్తున్నారు.ఆ వివరాలు చూద్దాం.
బెల్జియం శాస్త్రవేత్తల షాకింగ్ రీసెర్చ్: నిద్రకు సంబంధించి కచ్చితమైన సమయ పాలన (టైం మేనేజ్మెంట్) ఎంత ముఖ్యమో బెల్జియం దేశానికి చెందిన శాస్త్రవేత్తలు చేసిన ఒక ప్రత్యేక అధ్యయనంలో తేలింది. ఇక మనం రోజువారీ నిద్రపోయే టైమింగ్స్లో ఒక్కసారిగా మార్పులు చేస్తే, అది మన ఆరోగ్యంపై తీవ్ర ప్రభావం చూపుతుందట. ముఖ్యంగా వీకెండ్లో ఎక్కువ సమయం పడకపైనే గడపడం వల్ల శరీరంలోని అంతర్గత వ్యవస్థలన్నీ కన్ఫ్యూజ్ అవుతాయని వారు చెబుతున్నారు.
జీవగడియారం ఎలా పనిచేస్తుంది?: మన శరీరంలో ఒక అద్భుతమైన నేచురల్ క్లాక్ ఉంటుంది. దీనినే జీవగడియారం అంటారు. ఇది పగటి వెలుగు మన శరీరానికి తగిలే సమయాన్ని బట్టి ఆటోమేటిక్గా రన్ అవుతుంటుంది. అంటే, మనం ప్రతిరోజూ ఉదయాన్నే లేవడం వల్ల బాడీ ఒక రిథమ్కు అలవాటు పడుతుంది. కానీ సెలవు రోజుల్లో ఎండ బాగా పైకి వచ్చే వరకు పడుకోవడం వల్ల ఈ నేచురల్ క్లాక్ డిస్టర్బ్ అయిపోతుంది.
పొంచి ఉన్న ఆరోగ్య సమస్యలు: బాడీ క్లాక్ ఎప్పుడైతే అస్తవ్యస్తం అవుతుందో, అప్పుడు శరీరంలో హార్మోన్ల సమతుల్యత దెబ్బతింటుంది. ఇక దీనివల్ల మనకు తెలియకుండానే అధిక రక్తపోటు (బీపీ), మధుమేహం (షుగర్) మరియు తీవ్రమైన మానసిక ఆందోళన (యాంగ్జైటీ) వంటి పెద్ద పెద్ద ఆరోగ్య సమస్యలు తలెత్తుతాయి. అలాగే రోజంతా నీరసంగా ఉండటం, తలనొప్పి, చిరాకు వంటివి కూడా వేధిస్తాయి.
నిపుణులు చెబుతున్న బెస్ట్ సొల్యూషన్: ఈ సమస్యల బారిన పడకుండా ఉండాలంటే ఒకటే మార్గం.. సెలవు రోజుల్లో కూడా సాధారణ రోజుల్లాగే ఒకే సమయానికి నిద్రలేవడం. వీకెండ్స్ కదా అని నిద్రపోయే, లేచే సమయాలను మార్చకూడదు. ఇక రోజూ ఒకే టైమ్కు బెడ్ దిగడం వల్ల శరీరం క్రమబద్ధంగా ఉంటుంది. దీనివల్ల బాడీ ఎప్పుడూ యాక్టివ్గా ఉండి, గుండె జబ్బులు వంటి దీర్ఘకాలిక రోగాల ముప్పు కూడా తగ్గుతుంది.
ఆదివారం పూట కాసేపు అదనంగా పడుకోవడం వల్ల హ్యాపీగా అనిపించవచ్చు కానీ, అది మన బాడీ సిస్టమ్ను పాడు చేస్తుందని మర్చిపోవద్దు. కాబట్టి, ఇకపై వీకెండ్స్లో కూడా అలారమ్ టైమ్ను మార్చకుండా, కరెక్ట్ టైమ్కి నిద్రలేచి హెల్తీగా ఉండటానికి ప్రయత్నించండి. ఇక మన ఆరోగ్యం మన చేతుల్లోనే ఉందనేది గుర్తుంచుకోండి.
గమనిక: ఈ సమాచారం బెల్జియం శాస్త్రవేత్తల పరిశోధనలు మరియు ఆరోగ్య నిపుణుల సూచనల ఆధారంగా కేవలం మీ అవగాహన కోసం మాత్రమే అందించబడింది. మీకు నిద్రలేమి లేదా ఇతర తీవ్రమైన ఆరోగ్య సమస్యలు ఉంటే వైద్యులను సంప్రదించడం మంచిది.
The post వీకెండ్లో లేట్గా లేస్తున్నారా? బాడీ క్లాక్ డిస్టర్బ్ అవుతుంది! appeared first on Manalokam – Latest Telugu News & Updates.