చాలాకాలం తర్వాత వచ్చిన ‘నారీ నారీ నడుమ మురారి’ సినిమాతో హిట్ అందుకున్నాడు శర్వానంద్. ఇప్పుడు శర్వానంద్ నటించిన ‘బైకర్’ సినిమా రిలీజ్ కి రెడీ అవుతోంది. ఒకప్పుడు ‘అఖండ’ దెబ్బకు వాయిదా పడిన ఈ సినిమా, ఏప్రిల్ మూడవ తేదీన ప్రేక్షకుల ముందుకు రాబోతోంది.
అభిలాష్ రెడ్డి కంకర దర్శకత్వంలో, యూవీ క్రియేషన్స్ ప్రతిష్టాత్మకంగా నిర్మిస్తున్న ఈ సినిమా మీద అంచనాలు అంతకంతకూ పెరుగుతున్నాయి. ఇండియాలోనే మొట్టమొదటి పూర్తిస్థాయి మోటోక్రాస్ డ్రామాగా తెరకెక్కిన ఈ సినిమా కోసం, మునుపెన్నడూ లేని విధంగా ఫిజికల్ మేక్ ఓవర్ అయ్యాడు శర్వానంద్. ఈ సినిమా కోసం శర్వా పడ్డ శ్రమ అంతా ఇంతా కాదు.
Also Read : Monalisa: మాది లవ్ జిహాద్ కాదు..ప్రతి మతాన్ని సమానంగానే భావిస్తా!
తాజాగా విడుదలైన ట్రాన్స్ఫర్మేషన్ వీడియో, అలాగే ఫోటోలు చూస్తే.. శర్వా ఈ సినిమా కోసం తన బాడీ లాంగ్వేజ్ పూర్తిగా మార్చేసుకున్నట్టు అర్థమవుతుంది. లుక్ కోసం మాత్రమే కాకుండా, ఒక ప్రొఫెషనల్ రేసర్ బాడీ ఎలా ఉండాలో దానికి తగ్గట్టు అత్యంత క్రమశిక్షణతో కూడిన శిక్షణ పొందినట్లు తెలుస్తోంది. రేసింగ్ ట్రాక్ మీద హై-టార్క్ బైక్లను నియంత్రించడానికి అవసరమైన శారీరక దృఢత్వం కోసం, ఆయన ఎన్నో పవర్ డ్రిల్స్, కోర్ స్టెబిలైజేషన్ వంటి కఠినమైన వర్కౌట్స్ చేశారని తెలుస్తోంది.