సాండ్‌పేపర్ వివాదంపై మళ్లీ చర్చ.. ఉస్మాన్ ఖవాజా ఆటోబయోగ్రఫీపై మౌనం వీడిన కమ్మిన్స్

Pat Cummins: దక్షిణాఫ్రికా వర్సెస్ ఆస్ట్రేలియా (Australia vs South Africa Test Series) జట్ల మధ్య డర్బన్ వేదికగా ఈరోజు (అక్టోబర్ 9, శుక్రవారం) ప్రారంభంకానున్న మెగా టెస్టు సిరీస్‌కు ముందు 2018 నాటి సాండ్‌పేపర్ గేట్ (Sandpaper Gate) వివాదం మరోసారి చర్చనీయాంశంగా మారింది. ఆస్ట్రేలియా బ్యాటర్ ఉస్మాన్ ఖవాజా రాబోయే తన ఆటోబయోగ్రఫీ ‘సబ్ర్’ (Sabr) ద్వారా ఈ వివాదంపై కొన్ని కొత్త విషయాలు వెల్లడించవచ్చనే ఊహాగానాలు క్రికెట్ వర్గాల్లో హాట్ టాపిక్‌గా మారాయి.

ఉస్మాన్ ఖవాజా ఆటోబయోగ్రఫీ: 

2018 కేప్టెన్ టౌన్ టెస్టులో కామెరాన్ బాన్‌క్రాఫ్ట్ బాల్‌ను సాండ్‌పేపర్‌తో రుద్దుతూ కెమెరాకు చిక్కిన ఉదంతం క్రికెట్ ప్రపంచాన్ని కుదిపేసింది. ఈ notorious బాల్-ట్యాంపరింగ్ ఘటనలో స్టీవ్ స్మిత్, డేవిడ్ వార్నర్, కామెరాన్ బాన్‌క్రాఫ్ట్‌లపై క్రికెట్ ఆస్ట్రేలియా తీవ్రమైన శిక్షలు విధించింది. ఇప్పుడు ఆస్ట్రేలియా ఓపెనర్ ఉస్మాన్ ఖవాజా ప్రచురించనున్న ‘సబ్ర్’ (Sabr) ఆటోబయోగ్రఫీలో ఈ ఘటనకు సంబంధించిన అసలు విషయాలు బయటకు రావచ్చునని భావిస్తున్నారు.

మేము ఆ రోజులను ఎప్పుడో దాటేశాం:  కమిన్స్

ఈ ఆటోబయోగ్రఫీ, అందులో రాబోయే కొత్త విషయాలపై ఆస్ట్రేలియా కెప్టెన్ ప్యాట్ కమ్మిన్స్ (Pat Cummins) స్పందించారు. ప్రీ-మ్యాచ్ ప్రెస్‌కాన్ఫరెన్స్‌లో కమ్మిన్స్ మాట్లాడుతూ.. ఉజ్ (ఉస్మాన్ ఖవాజా) కొన్ని వారాల క్రితం నాకు ఫోన్ చేసి తను పుస్తకం రాస్తున్నట్లు చెప్పాడు. అప్పట్లోనే అన్ని విచారణలు పూర్తయ్యాయి. ఆ ఘటనపై నేను గతంలో మిలియన్ సార్లు సమాధానం ఇచ్చాను.. అది ఎప్పుడో ముగిసిన అధ్యాయం అని పేర్కొన్నారు. ఒక జట్టుగా మేమందరం ఆ రోజులను ఎప్పుడో దాటేశాం.. గత 8-9 సంవత్సరాలుగా మా జట్టు ఎంతో పరిణతి సాధించింది. ప్రస్తుతం నా పూర్తి దృష్టి టెస్టు జట్టుకు విజయాలు అందించడంపైనే ఉందని కమ్మిన్స్ స్పష్టం చేశారు.

►ALSO READ | 10 ఏళ్ల తర్వాత నిక్ మాడిన్సన్ రీఎంట్రీ.. శతాబ్దంలోనే చెత్త రికార్డు నమోదు

నెట్టింట వైరల్ అవుతున్న వీడియోలు: 

ఈ సిరీస్‌కు ముందే దక్షిణాఫ్రికా బ్రాడ్‌కాస్టర్ సూపర్‌స్పోర్ట్ (SuperSport) ఆ నాటి సాండ్‌పేపర్ గేట్ పూర్తి వీడియోను సోషల్ మీడియాలో పోస్ట్ చేయడం ద్వారా పాత జ్ఞాపకాలను మళ్లీ తట్టిలేపింది. దీంతో ఇరు జట్ల మధ్య డర్బన్ వేదికగా ప్రారంభంకానున్న తొలి టెస్టుకు ముందు వాతావరణం ఒక్కసారిగా వేడెక్కింది.

“Tell your story. It’s fine.” 🗣️ Pat Cummins has no concerns about potential sandpapergate revelations in Usman Khawaja’s upcoming autobiography. 📖 https://t.co/fmgsPizKwX

— Test Match Special (@bbctms) October 8, 2026