అద్భుతమైన ఆడియో అనుభూతిని, మెరుగైన డిస్ప్లే సామర్థ్యాన్ని అందించడంలో ముందుండే సోనీ సంస్థ తన తాజా ఎక్స్పీరియా సిరీస్ ఫోన్ను ఆవిష్కరించింది. వినూత్న హంగులు, దీర్ఘకాలిక బ్యాటరీ లైఫ్తో వస్తున్న ఈ హ్యాండ్సెట్ మార్కెట్లో భారీ అంచనాలను రేకెత్తిస్తోంది. ఆధునిక సాంకేతికతను ఇష్టపడే కొనుగోలుదారులను ఆకట్టుకునేలా రూపొందిన ఈ నూతన సృష్టి పూర్తి వివరాలను తెలుసుకుందాం.
ఎలక్ట్రానిక్స్ సంస్థ సోనీ నుండి ఎక్స్పీరియా 10 సిరీస్లో కొత్త స్మార్ట్ఫోన్ను లాంచ్ చేసింది. సోనీ ఎక్స్పీరియా 10 8వ మోడల్ పేరుతో వచ్చిన ఈ ఫోన్లో గత తరం మోడల్తో పోలిస్తే డిస్ప్లే బ్రైట్నెస్, ఆడియో, బ్యాటరీ లైఫ్, హార్డ్వేర్ షార్ట్కట్ కంట్రోల్స్ వంటి అంశాల్లో పలు అప్గ్రేడ్స్ అందించారు. రోజువారీ వినియోగం, యాక్సెసిబిలిటీని దృష్టిలో ఉంచుకుని ఈ స్మార్ట్ఫోన్ను రూపొందించినట్లు కంపెనీ తెలిపింది.
ఈ కొత్త మొబైల్లో 6.1 అంగుళాల ఫుల్ హెచ్డీ ప్లస్ ఓఎల్ఈడీ డిస్ప్లేను అందించారు. ఇది 2340 × 1080 పిక్సెల్స్ రిజల్యూషన్, 19.5:9 యాస్పెక్ట్ రేషియో, 120హెర్ట్జ్ రిఫ్రెష్ రేట్తో వస్తుంది. గత తరం మోడల్తో పోలిస్తే కొత్త స్క్రీన్ సుమారు 50 శాతం ఎక్కువ బ్రైట్నెస్ను అందిస్తుంది. దీంతో ఎండలో బయట ఉన్నప్పుడు మ్యాప్స్ చూడటం, కంటెంట్ చదవడం వంటి పనులు మరింత సులభంగా ఉంటాయి.
డిస్ప్లేలో యాంబియంట్ లైట్కు అనుగుణంగా కలర్, కాంట్రాస్ట్ను ఆటోమేటిక్గా సర్దుబాటు చేసే టెక్నాలజీని కూడా అందించారు. కార్నింగ్ గొరిల్లా గ్లాస్ విక్టస్ 2 ప్రొటెక్షన్ కూడా దీనికి ఉంది. ఆడియో విభాగంలోనూ ఎక్స్పీరియా 10 8వ మోడల్లో అప్గ్రేడ్స్ చేయగా ఫ్రంట్ ఫైరింగ్ స్టీరియో స్పీకర్లను రీట్యూన్ చేశారు. గత మోడల్తో పోలిస్తే మొత్తం సౌండ్ అవుట్పుట్ సుమారు 15 శాతం పెరిగింది. అలాగే బాస్ రెస్పాన్స్ 30 శాతం పైగా మెరుగుపడినట్లు సోనీ పేర్కొంది. మెరుగైన స్టీరియో సెపరేషన్, వాయిస్ క్లారిటీతో సినిమాలు, మ్యూజిక్, వీడియోలు వినేందుకు మెరుగైన ఆడియో అనుభూతిని అందించనుంది. డిజిటల్ రంగంలో తమ స్థానాన్ని మరింత పటిష్టం చేసుకోవడానికి ఈ సంస్థ నిరంతరం ఆకర్షణీయమైన ఫీచర్లను పరిచయం చేస్తోంది.
ప్రాసెసర్, కెమెరా విశేషాలు
మొబైల్ పనితీరు కోసం ఈ ఫోన్లో 6ఎన్ఎం టెక్నాలజీపై తయారైన క్వాల్కామ్ స్నాప్డ్రాగన్ 6 జెన్ 3 5జీ ప్రాసెసర్ను ఉపయోగించారు. గ్రాఫిక్స్ కోసం అడ్రినో 710 జీపీయూ ఉంది. 8జీబీ ర్యామ్తో పాటు 128జీబీ ఇంటర్నల్ స్టోరేజ్ అందించారు. మైక్రోఎస్డీ కార్డ్ ద్వారా స్టోరేజ్ను ఏకంగా 2టీబీ వరకు పెంచుకోవచ్చు. ఈ ఫోన్ ఆండ్రాయిడ్ 15 ఆపరేటింగ్ సిస్టమ్తో వస్తుంది.
నాలుగు ప్రధాన ఓఎస్ అప్గ్రేడ్స్, 6 సంవత్సరాల సెక్యూరిటీ అప్డేట్స్ అందించనున్నట్లు సోనీ తెలిపింది. కెమెరాల విషయానికి వస్తే వెనుక భాగంలో 50ఎంపీ మెయిన్ కెమెరాను అందించారు. ఇందులో 1/1.56 అంగుళాల ఎక్స్మోర్ ఆర్ఎస్ సెన్సార్, ఎఫ్/1.9 అపర్చర్, 84 డిగ్రీల వైడ్ యాంగిల్ లెన్స్ ఉన్నాయి. హైబ్రిడ్ ఓఐఎస్/ఈఐఎస్ సపోర్ట్ కూడా లభిస్తుంది. దీనికి జతగా 13ఎంపీ అల్ట్రావైడ్ కెమెరా ఉంది. ఇది 123 డిగ్రీల ఫీల్డ్ ఆఫ్ వ్యూతో వస్తుంది. సెల్ఫీలు, వీడియో కాల్స్ కోసం ముందు భాగంలో 8ఎంపీ కెమెరాను అందించారు.
ఈ కొత్త మొబైల్లో 5000mAh బ్యాటరీని అందించగా దీనిని ఒక్కసారి ఛార్జ్ చేస్తే సాధారణ వినియోగంలో రెండు రోజుల వరకు బ్యాకప్ లభిస్తుందని కంపెనీ చెబుతోంది. 30డబ్ల్యూ యూఎస్బీ పీడీ ఫాస్ట్ ఛార్జింగ్కు సపోర్ట్ ఉంది. సోనీ బ్యాటరీ మేనేజ్మెంట్ టెక్నాలజీ ద్వారా సాధారణ వినియోగంలో నాలుగేళ్ల వరకు బ్యాటరీ హెల్త్ను కాపాడేలా ఫోన్ను రూపొందించినట్లు కంపెనీ పేర్కొంది. రోజువారీ పనులతో పాటు మల్టీటాస్కింగ్ సులువుగా జరిగేలా సోనీ సంస్థ తగిన జాగ్రత్తలు తీసుకుంటోంది.
ట్రాన్స్లూసెంట్ డిజైన్
ఎక్స్పీరియా 10 8వ మోడల్లో ట్రాన్స్లూసెంట్ డిజైన్ను ఉపయోగించారు. వెనుక భాగంలో మ్యాట్ క్లియర్ ఫినిష్తో కూడిన ట్రాన్స్పరెంట్ ప్యానెల్ ఉంటుంది. ఫ్రోజెన్ వైట్, ఫరోస్టెడ్ గ్రే, మిస్టి లిలక్ కలర్ ఆప్షన్లలో ఈ ఫోన్ లభిస్తుంది. సైడ్ మౌంటెడ్ ఫింగర్ప్రింట్ సెన్సార్, ఐపీ65/ఐపీ68 వాటర్, డస్ట్ రెసిస్టెన్స్, 3.5ఎంఎం హెడ్ఫోన్ జాక్, ఎన్ఎఫ్సీ, బ్లూటూత్ 5.4, వైఫై వంటి కనెక్టివిటీ ఫీచర్లు ఉన్నాయి.
ఫోన్ బరువు 168 గ్రాములు కాగా మందం 8.3మిమీగా ఉంది. సోనీ ఎక్స్పీరియా 10 8వ మోడల్ ధర యూరప్లో 599 యూరోలుగా నిర్ణయించారు. ఇది భారత కరెన్సీలో సుమారు రూ.66,850 అవుతుంది. యూకేలో ఈ ఫోన్ ధర 549 పౌండ్లు, అంటే సుమారు రూ.71,650గా ఉంది. ఈ స్మార్ట్ఫోన్ యూరప్, యూకే మార్కెట్లలో సెప్టెంబర్ మధ్య నుంచి చివరి వారంలో అందుబాటులోకి రానుంది.
మార్కెట్లో విడుదలైన తర్వాత ఇతర ప్రముఖ బ్రాండ్ల ప్రీమియం ఫోన్లకు ఈ డివైజ్ గట్టి పోటీ ఇవ్వనుంది. అధికారిక లాంచ్ తేదీ సమీపిస్తున్న కొద్దీ ఈ హ్యాండ్సెట్కు సంబంధించిన మరిన్ని ఆసక్తికరమైన వివరాలు వెలువడే అవకాశం ఉంది. టెక్ ప్రియులు ఎంతగానో ఎదురుచూస్తున్న ఈ అద్భుతమైన స్మార్ట్ఫోన్ మార్కెట్లో సంచలనాలు సృష్టించడం ఖాయం. అత్యాధునిక హార్డ్వేర్, ప్రీమియం ఫీచర్లను కోరుకునే ప్రతి ఒక్కరికీ ఈ ఫోన్ చక్కటి ఎంపికగా నిలుస్తుంది.