Ram Charan: మాస్ మహారాజా రవితేజ నటించిన ‘ఇరుముడి’ సినిమా థియేటర్లలో మంచి స్పందనతో దూసుకెళ్తున్న వేళ పలువురు సినీ ప్రముఖుల నుంచి చిత్ర బృందానికి ప్రత్యేక అభినందనలు అందాయి. ఈ నేపథ్యంలో సినిమా విజయాన్ని, ప్రేక్షకుల నుంచి వస్తున్న స్పందనను గమనించిన రామ్ చరణ్.. తన సోషల్ మీడియా వేదికగా ‘ఇరుముడి’ టీమ్కు శుభాకాంక్షలు తెలిపారు. రవితేజతో పాటు దర్శకుడు, సంగీత దర్శకుడు, నిర్మాణ సంస్థకు ప్రత్యేకంగా అభినందనలు చెప్పడం, సినిమా కూడా సూపర్ హిట్ టాక్ తో నడుస్తుండటంతో చిత్రబృందం కూడా ఫుల్ జోష్ లో ఉన్నట్లు తెలుస్తోంది.
సోషల్ మీడియా వేదికగా ‘ఇరుముడి’ సినిమాకు ప్రేక్షకుల నుంచి వస్తున్న ఆదరణ చూసి ఎంతో సంతోషంగా ఉందని రామ్ చరణ్ పేర్కొన్నారు. ఈ సందర్భంగా మాస్ మహారాజా రవితేజకు, దర్శకుడు శివ నిర్వాణకు, సంగీత దర్శకుడు జీవీ ప్రకాష్ కుమార్కు, నిర్మాణ సంస్థ మైత్రీ మూవీ మేకర్స్తో పాటు మొత్తం చిత్ర బృందానికి అభినందనలు తెలిపారు. సినిమా కోసం పనిచేసిన ప్రతి ఒక్కరి కృషిని ప్రశంసిస్తూ.. వారికి మరిన్ని విజయాలు దక్కాలని ఆకాంక్షించారు.
ముఖ్యంగా రవితేజపై రామ్ చరణ్ ప్రత్యేక అభిమానం చూపించడం అభిమానుల దృష్టిని ఆకర్షిస్తోంది. తెలుగు చిత్ర పరిశ్రమలో తనకంటూ ప్రత్యేకమైన మాస్ ఇమేజ్ను సంపాదించుకున్న రవితేజ.. వరుసగా విభిన్నమైన కథలను ఎంచుకుంటూ ప్రేక్షకులను అలరించే ప్రయత్నం చేస్తున్నారు. అలాంటి హీరో నటించిన సినిమాకు మరో స్టార్ హీరో నుంచి ప్రశంసలు రావడంతో ‘ఇరుముడి’ టీమ్ ఆనందం వ్యక్తం చేస్తోంది. ఇప్పటికే 100కోట్ల క్లబ్ లో చేరిన ఈ మూవీ మరిన్ని రికార్డులు సృష్టించేందుకు సిద్దంగా ఉంది. ఆడియన్స్ నుంచి పాజిటివ్ టాక్ రావడంతో ఈ సినిమాకి ఫ్యామిలీ ఆడియన్స్ క్యూ కడుతున్నారు.
ఇక రామ్ చరణ్ వంటి స్టార్ హీరో ఒక సినిమా గురించి బహిరంగంగా ప్రశంసలు కురిపించడం చిత్ర బృందానికి మరింత ఉత్సాహాన్ని ఇచ్చే అంశమే. రామ్ చరణ్ తో పాటు సినీ ప్రముఖులు కూడా రవితేజకు అభినందనలు తెలియజేస్తున్నారు. ఇప్పటికే థియేటర్లలో ప్రేక్షకుల స్పందనతో జోరుగా సాగుతున్న ‘ఇరుముడి’కి ఈ అభినందనలు మరింత ప్రచారాన్ని తీసుకొచ్చే అవకాశం ఉంది. సోషల్ మీడియాలోనూ రామ్ చరణ్ పోస్ట్పై అభిమానులు స్పందిస్తూ రవితేజకు, ‘ఇరుముడి’ టీమ్కు శుభాకాంక్షలు చెబుతున్నారు. మొత్తంగా ‘ఇరుముడి’ విజయోత్సాహంలో ఉన్న చిత్ర బృందానికి మెగా పవర్ స్టార్ రామ్ చరణ్ నుంచి వచ్చిన ఈ ప్రత్యేక అభినందనలు మరో హైలైట్గా మారాయి.
Congratulations @RaviTeja_offl garu and the entire #Irumudi team on this massive success.
Wonderful to see the love and response the film is receiving. Ravi Teja garu and the entire team deserve all the appreciation for their hard work.
Wishing @ShivaNirvana garu, @gvprakash,…
— Ram Charan (@AlwaysRamCharan) August 26, 2026