సిటీలో దాదాపు అందరూ వర్కింగ్ ఉమెన్స్.. పొద్దున్నే వారి హడావిడి అంతా ఇంతా కాదు..పిల్లలను రడీ చేయాలి.. వారికి బ్రేక్ ఫాస్ట్.. లంచ్.. భర్తకు లంచ్ బాక్స్ తాను కూడా అంతో ఇంతో తిని పనికి వెళ్లాలి. కొన్ని రోజులు బ్రేక్ ఫాస్ట్ తినడం కూడా మానేస్తారు.. అలాంటి వారికి పదే పది నిమిషాల్లో టేస్టీగా ఉండే ఆరోగ్యకరమైన మసాలా బ్రెడ్ టోస్ట్ ను ఎలా తయారు చేయాలో ఇప్పుడు తెలుసుకుదాం. . !
ఒక్క బ్రేక్ ఫాస్ట్గా గానే కాదు … లంచ్ .. డిన్నర్ గా కూడా తినొచ్చు. దీన్ని తయారు చేయడానికి పెద్దగా ఏ పదార్దాలు అవసరం లేదు. ఇంట్లో ఉండే రెగ్యులర్ గా వాడేవాగితోనే 10 నిమిషాల్లో తయారు చేసుకోవచ్చు. బ్యాచిలర్స్ అయితే ఇక చెప్పనక్కరలేదు. . వంట రాని వాళ్లు కూడా దీన్ని ఇట్టే చేసుకోవచ్చు.
మసాలా బ్రెడ్ టోస్ట్ తయారీకి కావాల్సిన పదార్థాలు
- బ్రెడ్ స్లైసెస్ – తగినన్ని
- శనగపిండి – 3 టేబుల్ స్పూన్లు
- పెరుగు – 1 టేబుల్ స్పూన్స్
- ఉల్లిపాయ – 1 పెద్దది
- టమాటో – 1
- జీలకర్ర పొడి – అర టీస్పూన్
- గరం మసాలా – 1 టీస్పూన్
- కారం – అర టీస్పూన్
- ఉప్పు – అర టీస్పూన్
- కొత్తిమీర – కొద్దిగా
- నూనె – అర టీస్పూన్
- ఆవాలు – కొద్దిగా
- కరివేపాకు – రెండు రెమ్మలు
- నీళ్లు – పిండి కలుపుకోవడానికి తగినన్ని
మసాలా బ్రెడ్ టోస్ట్ తయారీ విధానం
టమాటాలను.. ఉల్లిపాయను సన్నగా ముక్కలు తరగాలి. తరువాత వెడల్పాటి గిన్నెలో వీటిని వేసి అందులో జీలకర్ర, ఉప్పు, గరం మసాలా , కారం, శనగపిండి, పెరుగు వేసి కొద్ది కొద్దిగా నీళ్లుపోసుకుంటూ బాగా కలపాలి. బజ్జీల పిండిలా ఉండే విధంగా ఈ మిశ్రమాన్ని తయారు చేసుకోవాలి. ఇప్పుడు కొత్తిమీరను వేసి మరోసారి బాగా కలపాలి.
ఇప్పుడు బ్రెడ్ స్లైస్ ను తీసుకొని పైన తెలిసిన మిశ్రమంలో ముంచాలి.. ఈ స్లైస్ కు ఇరు పక్కలా ఉల్లిపాయ ముక్కలు.. టమాటాముక్కలు అంటుకొనిఉండేలా చూసుకోవాలి. అయితే బ్రెడ్ ను పిండిలో ఎక్కువ సేపు ఉంచకూడదు. అలా ఉంచితే విరిగిపోతుంది
ఇప్పుడు స్టవ్ ఆన్ చేసి… కళాయిలో సరిపడ నూనెపోసి కాగనివ్వాలి. నూనె వేడెక్కిన తరువాత కొద్దిగా ఆవాలు.. కరివేపాకు వేయాలి. ఇప్పుడు స్టవ్ పై మరో పక్క పెనం పెట్టి.. పిండిలో ముంచిన బ్రెడ్ స్లైస్ ను పెనంపై వేయించాలి. వేయించేటప్పుడు ఆవాలు.. కరివేపాకు ఉన్న నూనెను స్లైస్పై చల్లాలి. సన్నని మంటపై బ్రౌన్ కలర్కు వచ్చే వరకు కాల్చాలి.
ఇప్పుడు రెండో వైపునకు తిప్పి దోరగా కాల్చాలి. అంతే వీటిని ఇంట్లో ఉండే ఏ చట్నీతో తిన్నా సూపర్ గా ఉంటుంది. పైగా ఇందులో ఉపయోగించే పదార్ధాలన్ని ఎంతో ఆరోగ్యమైనవి.. కూడా.. మరి ఇంకెందుకు ఆలస్యం పదే పది నిమిషాల్లో కమ్మని మసాలా బ్రెడ్ టోస్ట్ ను ఓ సారి ట్రై చేద్దామా మరి..!