సోషల్ మీడియాలో ప్రతిరోజూ ఎన్నో రకాల దేశీ లోకల్ టాలెంట్ వీడియోలు వైరల్ అవుతుంటాయి. కొన్ని నవ్వులు పూయిస్తే.. మరికొన్ని అసలు ఇలాంటి ఆలోచన ఎలా వచ్చిందా? అని ఆశ్చర్యపోయేలా చేస్తాయి. తాజాగా అలాంటి ఓ విచిత్రమైన కారు వీడియో సోషల్ మీడియాలో వైరల్గా మారింది. రోడ్డుపై వెళ్తున్న కారును చూసిన నెటిజన్లు ఒక్కసారిగా అవాక్కవుతున్నారు.
వైరల్ అవుతున్న వీడియోలో రద్దీగా ఉండే రోడ్డుపై ఓ కారు ప్రయాణిస్తోంది. అయితే ఆ కారును చూస్తే మాత్రం సాధారణ వాహనంలా కనిపించదు. కారు చుట్టూ భారీ చెక్క ఫ్రేమ్ను ఏర్పాటు చేశారు. బంపర్ నుంచి సైడ్ ప్యానెల్స్, పైకప్పు వరకు మొత్తం చెక్క నిర్మాణంతో కప్పేశారు. దీంతో కారు మొత్తానికి ఓ పెద్ద చెక్క కవచం వేసినట్లుగా కనిపిస్తోంది.
సాధారణంగా కార్లను గీతలు, చిన్నపాటి డ్యామేజ్ల నుంచి రక్షించేందుకు కవర్లు, పెయింట్ ప్రొటెక్షన్ ఫిల్మ్లు, టెఫ్లాన్ కోటింగ్ వంటి వాటిని ఉపయోగిస్తారు. కానీ ఈ వాహనానికి మాత్రం ఏకంగా చెక్కతో రక్షణ కవచం ఏర్పాటు చేయడం సోషల్ మీడియాలో చర్చకు దారితీసింది. ట్రాఫిక్లో చిన్నపాటి ప్రమాదాలు జరిగినా కారు దెబ్బతినకుండా ఉండేందుకు ఇలా చేశారా? లేక మరేదైనా కారణముందా? అంటూ నెటిజన్లు కామెంట్లు చేస్తున్నారు.
ఈ వీడియోపై సరదా కామెంట్లు వెల్లువెత్తుతున్నాయి. కొందరు దీనిని ‘జుగాడ్కు పితామహుడు’ అంటూ ప్రశంసిస్తుంటే.. మరికొందరు కారు రూపాన్ని చూసి నవ్వుకుంటున్నారు. అయితే కామెంట్లలో ఓ ఆసక్తికర విషయం వెలుగులోకి వచ్చింది. ఇది సాధారణ కారు యజమాని చేసిన జుగాడ్ కాదని, ప్రకటన కోసం ప్రత్యేకంగా రూపొందించిన వాహనం కావచ్చని ఓ నెటిజన్ పేర్కొన్నారు.
అలాగే వీడియోలో కనిపిస్తున్న వాహనం మారుతి ఓమ్ని కాదని, మారుతి ఈకో అని కొందరు గుర్తించారు. అయితే ఈ వీడియోకు సంబంధించిన అసలు సందర్భం, ప్రకటన కోసం ఎవరు రూపొందించారనే వివరాలు స్వతంత్రంగా ధృవీకరించడంలేదు. ఏదేమైనా.. చెక్క కవచంతో రోడ్డుపై దూసుకెళ్తున్న ఈ కారు ప్రస్తుతం నెటిజన్లకు ఫుల్ ఎంటర్టైన్మెంట్ ఇస్తోంది.
వైరల్ వీడియోను ఇక్కడ చూడండి..
(@the_india_report)మరిన్ని ట్రెండింగ్ వార్తల కోసం ఇక్కడ క్లిక్ చేయండి..