చైనాలోని ఓ మెట్రో రైలులో ప్రయాణికులకు ఊహించని పరిస్థితి ఎదురైంది. సాధారణంగా సాగుతున్న ప్రయాణం ఒక్కసారిగా పాముల్లా కనిపించే ఈల్ చేపలతో నిండిపోయింది. డజన్ల కొద్దీ ఈల్ చేపలు కంటైనర్ల నుంచి బయటకు వచ్చి మెట్రో కంపార్ట్మెంట్లో నేలపై పాకడంతో ప్రయాణికులు ఒక్కసారిగా ఆశ్చర్యానికి గురయ్యారు. ఈ ఘటనకు సంబంధించిన వీడియో ప్రస్తుతం సోషల్ మీడియాలో వైరల్గా మారింది.
కొందరు ప్రయాణికులు బకెట్లలో ఈల్ చేపలను తీసుకుని మెట్రోలో ప్రయాణిస్తున్నారు. అయితే ఆ కంటైనర్లు అనుకోకుండా తెరుచుకోవడంతో అందులో ఉన్న ఈల్ చేపలు ఒక్కసారిగా బయటకు వచ్చాయి. పొడవుగా, నునుపుగా ఉండే వాటి శరీరాలు పాములను పోలి ఉండటంతో.. తమ కాళ్ల దగ్గర అవి కనిపించగానే కొంతమంది ప్రయాణికులు మొదట గందరగోళానికి గురయ్యారు.
ఈల్ చేపలు మెట్రో ఫ్లోర్పై వేగంగా అటూ ఇటూ కదలడం ప్రారంభించాయి. వాటిని పట్టుకోవడానికి ప్రయాణికులు నానా యాతనలు పడాల్సి వచ్చింది. ఎవరైనా చేతితో పట్టుకునేందుకు ప్రయత్నిస్తే అవి జారిపోయి మరోవైపు దూసుకెళ్లాయి. అయినప్పటికీ ప్రయాణికులు భయాందోళనలకు గురికాకుండా పరిస్థితిని అదుపులోకి తీసుకునేందుకు ప్రయత్నించారు. కొంతమంది ప్రయాణికులు తమ సీట్ల వద్దకు వెళ్లగా, మరికొందరు చేపలను పట్టుకునేందుకు ముందుకు వచ్చారు. చివరకు పలువురు కలిసి ఒక్కో ఈల్ చేపను పట్టుకుని తిరిగి కంటైనర్లలో ఉంచేందుకు ప్రయత్నించారు. దీంతో కొద్దిసేపట్లోనే మెట్రోలో నెలకొన్న గందరగోళ పరిస్థితి అదుపులోకి వచ్చినట్లు తెలుస్తోంది.
ఈ ఘటనకు సంబంధించిన వీడియో సోషల్ మీడియాలో వైరల్ కావడంతో నెటిజన్లు ఆసక్తికరంగా స్పందిస్తున్నారు. పాముల్లా కనిపించే చేపలు మెట్రోలో అటూ ఇటూ పాకుతుండటం, వాటిని పట్టుకునేందుకు ప్రయాణికులు చేస్తున్న ప్రయత్నాలు వీడియోలో కనిపిస్తున్నాయి. అసాధారణ పరిస్థితి ఎదురైనా ప్రయాణికులు సంయమనం పాటించి, సమిష్టిగా స్పందించడాన్ని పలువురు ప్రశంసిస్తున్నారు. సాధారణ మెట్రో ప్రయాణంలో ఒక్కసారిగా డజన్ల కొద్దీ ఈల్ చేపలు కాళ్ల దగ్గర కనిపించడం ప్రయాణికులకు జీవితంలో మరిచిపోలేని అనుభవంగా మిగిలిపోయింది.
వైరల్ వీడియోను ఇక్కడ చూడండి..
Imagine riding the subway minding your own business when someone suddenly drops a bucket and dozens of SNAKES start slithering across the floor
Fortunately, they weren’t actually snakes.
They were rice eels, a snake-like fish commonly sold alive for cooking.
Writer: Sol…
— Mario Nawfal (@MarioNawfal) August 19, 2026
మరిన్ని ట్రెండింగ్ వార్తల కోసం ఇక్కడ క్లిక్ చేయండి..