IND vs SL: శ్రీలంకతో జరిగిన తొలి టెస్టులో శుభ్మన్ గిల్ నేతృత్వంలోని భారత జట్టు 165 పరుగుల భారీ తేడాతో గ్రాండ్ విక్టరీ సాధించి రెండు మ్యాచ్ల సిరీస్లో 1–0 ఆధిక్యంలో నిలిచింది. లంక ముందు 372 పరుగుల లక్ష్యాన్ని ఉంచగా, భారత స్పిన్నర్ల ధాటికి ప్రత్యర్థి బ్యాటర్లు తీవ్ర ఒత్తిడిలోకి వెళ్లి చేతులెత్తేశారు. శ్రీలంక తరఫున సోనాల్ దినుషా, కెప్టెన్ ధనంజయ డి సిల్వా పోరాడినప్పటికీ, గిల్ సేన పూర్తి ఆధిపత్యం ప్రదర్శించి అలవోక విజయాన్ని అందుకుంది. ఈ విజయంతో రాబోయే రెండో టెస్టుకు ఇండియన్ టీమ్ ఫుల్ కాన్ఫిడెన్స్తో సిద్ధమవుతోంది.
డబ్ల్యూటీసీ పాయింట్ల పట్టిక:
ఈ గెలుపుతో వరల్డ్ టెస్ట్ ఛాంపియన్షిప్ (WTC) ఫైనల్ చేరే అవకాశాలను భారత్ మరింత మెరుగుపరుచుకుంది. గాలే టెస్టు విజయం తర్వాత ఇండియన్ టీమ్ పాయింట్ల శాతంలో (PCT) భారీ మార్పులు చోటు చేసుకున్నాయి. గతంలో ఉన్న 48.15 శాతం నుంచి ఏకంగా 53.55 శాతానికి పెరిగింది. ప్రస్తుతం పాయింట్ల పట్టికలో భారత్ ఐదో స్థానంలో ఉన్నప్పటికీ, ఆస్ట్రేలియాపై గెలిచి నాలుగో స్థానంలో కొనసాగుతున్న బంగ్లాదేశ్ (66.67 PCT)తో ఉన్న వ్యత్యాసాన్ని కాస్త తగ్గించుకుంది. పాయింట్ల పట్టికలో ఆస్ట్రేలియా (77.78 PCT) మొదటి స్థానంలో ఉండగా, సౌతాఫ్రికా (75 PCT), న్యూజిలాండ్ (72.22 PCT) వరుసగా రెండు, మూడు స్థానాల్లో కొనసాగుతున్నాయి.
ఫైనల్ బెర్త్ దక్కాలంటే గిల్ సేన ఏం చేయాలి?:
భారత్ డబ్ల్యూటీసీ ఫైనల్ చేరడం సాధ్యమే అయినా, ఆ దారి మాత్రం కాస్త కష్టంతో కూడుకున్నదే. ప్రస్తుతం టీమిండియా ఖాతాలో ఇంకా 8 టెస్టు మ్యాచ్లు మిగిలి ఉన్నాయి. ఇందులో శ్రీలంకతో ఒక మ్యాచ్, న్యూజిలాండ్తో వాళ్ల ఊరిలో 2 మ్యాచ్లు, ఆ తర్వాత సొంతగడ్డపై ఆస్ట్రేలియాతో 5 మ్యాచ్ల సిరీస్ ఉన్నాయి. ఫైనల్ కు అర్హత సాధించాలంటే ఇండియా ఈ 8 మ్యాచ్లలో కనీసం 6 మ్యాచ్లు ఖచ్చితంగా గెలవాల్సి ఉంటుంది. నవంబర్లో జరిగే కివీస్ టూర్ క్లిష్టంగా మారనున్న నేపథ్యంలో, భారత్ అద్భుత ప్రదర్శన చేయడమే కాకుండా పట్టికలో పైన ఉన్న ఇతర జట్ల ఓటములపై కూడా ఆధారపడాల్సి ఉంది.
శ్రీలంక ఆశలు ఆవిరి:
తొలి టెస్టులో ఓటమితో శ్రీలంక ఫైనల్ రేసు దారి మరింత కష్టంగా మారింది. లంక ఇంకా భారత్తో ఒక మ్యాచ్, న్యూజిలాండ్, పాకిస్థాన్లలో అవే సిరీస్లు, సౌతాఫ్రికాతో హోమ్ సిరీస్ ఆడాల్సి ఉంది. కనీసం 60 శాతం PCT సాధించాలన్నా శ్రీలంక మిగిలిన 7 మ్యాచ్లలో కనీసం 6 మ్యాచ్లు గెలవక తప్పదు. కానీ ఇతర జట్ల ఫలితాలతో సంబంధం లేకుండా సేఫ్ జోన్లో ఉండాలంటే లంక జట్టు మిగిలిన ఏడుకి ఏడు మ్యాచ్లు గెలవాల్సి ఉంటుంది.
A clinical victory for #TeamIndia in the Galle Test.
Manav Suthar’s 6 wicket haul in the second innings, guides India to a 165 run win over Sri Lanka.
Scorecard – https://t.co/M9LVyCAp8y #SLvIND pic.twitter.com/QxAhFQGZke
— BCCI (@BCCI) August 19, 2026
INDIA TEAM IS COMING BACK IN WTC 🤞
– 1 Test vs Sri Lanka.
– 2 Test vs New Zealand.
– 5 Test vs Australia.The hope is still left for final qualification. pic.twitter.com/FZEdSsdOqx
— Johns. (@CricCrazyJohns) August 19, 2026