ఏప్రిలియా ఇండియా తన హై-పెర్ఫార్మెన్స్ స్కూటర్ శ్రేణిని మరింత విస్తరిస్తూ ఏప్రిలియా SR 175 ట్రిబ్యూట్ ఎడిషన్ను కొత్త మ్యాట్ గ్రీన్ కలర్ ఆప్షన్లో విడుదల చేసింది. క్యామోఫ్లేజ్ స్ఫూర్తితో రూపొందించిన ఈ ప్రత్యేక ఎడిషన్ దేశభక్తి భావనను ప్రతిబింబించేలా రూపుదిద్దుకుంది. ప్రత్యేకమైన డిజైన్ను కోరుకునే యువతను ఆకట్టుకునేలా ఈ స్కూటర్ను మార్కెట్లోకి తీసుకొచ్చింది.
కొత్త డిజైన్తో ఆకట్టుకుంటున్న SR 175
ఏప్రిలియా ప్రత్యేక ఇటాలియన్ ఇంజినీరింగ్కు మిలిటరీ-ఇన్ స్పైర్డ్ డిజైన్ను జోడిస్తూ ఈ కొత్త ట్రిబ్యూట్ ఎడిషన్ను రూపొందించింది. స్కూటర్ బాడీపై ఆలివ్ గ్రీన్, ఖాకీ, బ్రౌన్ రంగుల మ్యాట్ ఫినిష్ క్యామోఫ్లేజ్ నమూనా ప్రత్యేక ఆకర్షణగా నిలుస్తోంది. దీనికి తోడు ఫ్లోరోసెంట్ ఆరెంజ్ హైలైట్స్ను జోడించడం ద్వారా స్కూటర్కు స్పోర్టీ లుక్ను అందించారు. ఫ్రంట్ ఆప్రాన్, సైడ్ ప్యానెల్స్పై ఉన్న “Aprilia”, “SR” బ్రాండింగ్ కూడా ఆరెంజ్ రంగులో ఉండటం ప్రత్యేకంగా కనిపిస్తుంది.
అల్లాయ్ వీల్స్కు స్పోర్టీ టచ్
స్కూటర్లోని బ్లాక్ అల్లాయ్ వీల్స్పై ఉన్న రిమ్ టేప్ డిజైన్లో కూడా అదే ఫ్లోరోసెంట్ ఆరెంజ్ రంగును ఉపయోగించారు. దీంతో మొత్తం స్కూటర్ మరింత ఆకర్షణీయంగా, రేసింగ్ స్టైల్ను ప్రతిబింబించేలా కనిపిస్తోంది.
ఇంజిన్, పనితీరు
డిజైన్లో మార్పులు చేసినప్పటికీ, మెకానికల్ పరంగా ఎలాంటి మార్పులు చేయలేదు. ఏప్రిలియా SR 175 ట్రిబ్యూట్లో అదే 175cc సింగిల్-సిలిండర్ ఇంజిన్ను కొనసాగించారు.
ఈ ఇంజిన్:
7,200 rpm వద్ద 13.08 bhp పవర్, 6,000 rpm వద్ద 14.14 Nm టార్క్ ఉత్పత్తి చేస్తుంది. మెరుగైన పనితీరు, స్మూత్ రైడింగ్ అనుభవం కోసం ఈ ఇంజిన్ను ట్యూన్ చేసినట్లు కంపెనీ తెలిపింది.
ధర ఎంత?
భారత మార్కెట్లో ఏప్రిలియా SR 175 శ్రేణి ప్రారంభ ధర రూ.1.21 లక్షలు (ఎక్స్-షోరూమ్)గా ఉంది. కొత్త మ్యాట్ గ్రీన్ ట్రిబ్యూట్ ఎడిషన్ కూడా ఇదే ధర పరిధిలో అందుబాటులోకి వచ్చే అవకాశం ఉంది.
ప్రస్తుతం అందుబాటులో ఉన్న కలర్ ఆప్షన్స్ కు ఈ కొత్త క్యామోఫ్లేజ్ థీమ్ కూడా చేరడంతో, ప్రత్యేకమైన డిజైన్తో కూడిన హై-పెర్ఫార్మెన్స్ స్కూటర్ను కోరుకునే వారికి ఇది మంచి ఎంపికగా నిలవనుంది. స్టైలిష్ లుక్, స్పోర్టీ పనితీరు, ప్రత్యేక మిలిటరీ-ఇన్ స్పైర్డ్ డిజైన్ కోరుకునే యువతకు ఏప్రిలియా SR 175 ట్రిబ్యూట్ ఎడిషన్ ఆకర్షణీయమైన ఆప్షన్గా మారే అవకాశముంది.