థామ్సన్ భారత మార్కెట్లో మరో సరసమైన స్మార్ట్ టీవీని విడుదల చేసింది. ఈ క్యూలెడ్ (క్వాంటం ఎల్ఈడీ) టీవీ రూ. 10,999 ప్రారంభ ధరతో లభిస్తుంది. ఈ స్మార్ట్ టీవీ అద్భుతమైన ఫీచర్లను కలిగి ఉంది. ఇవి మీ ఇంట్లోనే థియేటర్ లాంటి అనుభూతిని అందిస్తాయి. గతంలో, ఈ కంపెనీ భారతదేశంలో రూ.5,999 నుండి ప్రారంభమయ్యే బడ్జెట్ ధరల శ్రేణిలో అనేక స్మార్ట్ టీవీలను విడుదల చేసింది.
భారతదేశంలో థామ్సన్ స్మార్ట్ టీవీలను SPPL తయారు చేస్తుంది. వీటిని ప్రత్యేకంగా ఫ్లిప్కార్ట్లో మాత్రమే కొనుగోలు చేయవచ్చు. ఈ కొత్త స్మార్ట్ టీవీ సిరీస్ 32-అంగుళాలు, 40-అంగుళాలు, 43-అంగుళాల స్క్రీన్ సైజులలో లభిస్తుంది. ఈ స్మార్ట్ టీవీ సిరీస్ ప్రారంభ ధర రూ.10,999. 40-అంగుళాల, 43-అంగుళాల మోడళ్ల ధరలు వరుసగా రూ.15,999 రూ.16,999గా ఉన్నాయి. ఈ కొత్త స్మార్ట్ టీవీ కొనుగోలుపై కంపెనీ 10% తగ్గింపును కూడా అందిస్తోంది. SBI కార్డ్ వినియోగదారులు ఈ తగ్గింపును పొందవచ్చు.
32 అంగుళాలు – రూ. 10,999
40 అంగుళాలు – రూ. 15,999
43 అంగుళాలు – రూ. 16,999
ఫీచర్లు
ఈ కొత్త థామ్సన్ స్మార్ట్ టీవీ సిరీస్ గూగుల్ టీవీ 5.0 పై పనిచేస్తుంది. అన్ని మోడళ్లు డాల్బీ ఆడియో సపోర్ట్, బహుళ పిక్చర్ మోడ్లతో సహా పర్సనలైజ్డ్ ఇంటర్ఫేస్తో వస్తాయి. డిస్ప్లే బ్రైట్ నెస్ 350 నిట్స్ వరకు ఉంటుంది. నెట్ఫ్లిక్స్, అమెజాన్ ప్రైమ్ వీడియో, యూట్యూబ్ వంటి OTT ప్లాట్ఫారమ్ల కోసం ప్రత్యేక బటన్లతో కూడిన బ్లూటూత్ రిమోట్ను కంపెనీ అందిస్తుంది.
వినియోగదారులు ఈ స్మార్ట్ టీవీలో గూగుల్ ప్లే స్టోర్ ద్వారా 10,000కు పైగా OTT యాప్లను యాక్సెస్ చేయవచ్చు. కనెక్టివిటీ ఎంపికలలో బ్లూటూత్, వైఫై, LAN, HDMI, ఇన్ బిల్ట్ గూగుల్ క్రోమ్కాస్ట్ ఉన్నాయి. ఈ టీవీ ARM కార్టెక్స్ A55 క్వాడ్ ప్రాసెసర్తో పనిచేస్తుంది. దీనికి 1GB RAM, 8GB స్టోరేజ్ జత చేశారు. ఈ టీవీలన్నీ మూడు HDMI, రెండు USB పోర్ట్లతో వస్తాయి.