హిట్ అండ్ రన్ కేసులో నిందితుడైన మాజీ ఎమ్మెల్యే షకీల్ కుమారుడు రాహెల్ కు పోలీసులు షాక్ ఇచ్చారు. దుబాయ్ వెళ్లేందుకు టికెట్ బుక్ చేసుకుని విమానాశ్రయానికి వెళ్లిన రాహెల్ను జూబ్లీహిల్స్ పోలీసులు అడ్డుకున్నారు. రాహెల్ మూడేళ్ల క్రితం జరిగిన హిట్ అండ్ రన్ కేసులో నిందితుడు. ఈ కేసులో ఇటీవలే పోలీసుల ముందు లొంగిపోయి, షరతులతో కూడిన బెయిల్పై బయట ఉన్నాడు. కేసు విచారణ ఇంకా కొనసాగుతున్నందున విదేశాలకు వెళ్లేందుకు అనుమతి లేదని పోలీసులు స్పష్టం చేశారు. రాహెల్ దుబాయ్కు వెళ్లడానికి టికెట్ బుక్ చేసుకున్నట్లు తెలిసిన పోలీసులు అతడిని అడ్డుకొని విచారించారు. కేసు ఇంకా పెండింగ్లో ఉన్నందున విదేశాలకు వెళ్లడానికి కోర్టు అనుమతి తీసుకోవాలని పోలీసులు తెలిపారు.