సాధారణంగా రాత్రి పూట రొట్టెలు మిగిలిపోతే ఏం చేయాలో తెలియక చాలా మంది ఇబ్బంది పడుతుంటారు. అయితే ఆ మిగిలిన రొట్టెలతో ఎంతో రుచికరమైన, కరకరలాడే రొట్టె దోశను తయారు చేసుకోవచ్చు. దీని తయారీ విధానం ఇక్కడ ఉంది.
కావలసిన పదార్థాలు:
మిగిలిపోయిన రొట్టెలు (3-4)
శనగపిండి (Besan) – అర కప్పు
పెరుగు – 2 స్పూన్లు
తరిగిన ఉల్లిపాయలు, పచ్చిమిర్చి, టొమాటోలు, కొత్తిమీర
అల్లం వెల్లుల్లి పేస్ట్
ఉప్పు, కారం, పసుపు, కొద్దిగా గరం మసాలా
నూనె లేదా నెయ్యి
తయారీ విధానం:
ముందుగా మిగిలిపోయిన రొట్టెలను చిన్న ముక్కలుగా చేసి మిక్సీలో వేసి మెత్తని పొడిలా చేసుకోవాలి. ఒక గిన్నెలో రొట్టె పొడి, శనగపిండి, పెరుగు వేసి బాగా కలపాలి. అందులో తరిగిన కూరగాయలు, మసాలాలు, సరిపడా నీరు పోసి దోశ పిండిలా కొంచెం చిక్కగా కలుపుకోవాలి. ఇప్పుడు పెనం వేడి చేసి కొద్దిగా నూనె రాయాలి. సిద్ధం చేసుకున్న మిశ్రమాన్ని పెనంపై పోసి గుండ్రంగా పరుచుకోవాలి. రెండు వైపులా ఎర్రగా, కరకరలాడే వరకు కాల్చుకోవాలి.
ఈ రెసిపీ వల్ల ఉపయోగాలు కూడా ఉన్నాయి. ముఖ్యంగా ఆహారం వృథా కాకుండా ఉంటుంది. గోధుమ రొట్టెలు, కూరగాయలు ఉండటం వల్ల ఫైబర్, ప్రోటీన్లు అందుతాయి. ఉదయం హడావిడిగా ఉన్నప్పుడు త్వరగా బ్రేక్ఫాస్ట్ సిద్ధం చేసుకోవచ్చు. ఈ రొట్టె దోశను టమాటో కెచప్ లేదా పుదీనా చట్నీతో తింటే చాలా రుచిగా ఉంటుంది. ఇంకెందుకు ఆలస్యం, మీ ఇంట్లో రొట్టెలు మిగిలితే ఈ కొత్త రెసిపీని తప్పకుండా ట్రై చేయండి!
మరిన్ని లైఫ్ స్టైల్ న్యూస్ కోసం క్లిక్ చేయండి..