హైదరాబాద్ గండిపేట భూముల కబ్జా కేసులో ఏపీకి చెందిన వైసీపీ మాజీ ఎమ్మెల్యే బొల్లా బ్రహ్మనాయుడు చంచల్ గూడా జైలులో రిమాండ్ ఖైదీగా ఉన్న సంగతి తెలిసిందే. ఈ కేసుకు సంబంధించి మరింత లోతుగా విచారణ జరపాలని భావించిన పోలీసులు కోర్టును ఆశ్రయించారు. బ్రహ్మనాయుడును విచారించేందుకు కస్టడీ కోరుతూ పిటిషన్ దాఖలు చేశారు పోలీసులు. ఈ మేరకు సోమవారం ( జూన్ 15 ) బ్రహ్మనాయుడును పోలీసుల కస్టడీకి అనుమతిస్తూ ఆదేశాలు జారీ చేసింది కోర్టు.
పోలీసుల కస్టడీ పిటిషన్ పై ఇవాళ విచారణ చేపట్టిన కోర్టు మూడు రోజుల కస్టడీకి అనుమతించింది. ఈ క్రమంలో మంగళవారం ( జూన్ 16 ) నుండి మూడు రోజుల పాటు కస్టడీకి తీసుకునేందుకు సిద్ధమయ్యారు పోలీసులు.
►ALSO READ | దక్షిణకాశీకి పోటెత్తిన భక్తులు.. శ్రీకాళహస్తీశ్వరుని ప్రాంగణం కిటకిట
ఇదిలా ఉండగా.. ఈ కేసులో బ్రహ్మనాయుడు బాధితుడిని ఆరోపిస్తున్నారు వైసీపీ శ్రేణులు. ఏపీ సర్కార్ తెలంగాణ ప్రభుత్వంతో కుమ్మక్కయ్యి బ్రహ్మనాయుడుపై కేసు పెట్టిందని అంటున్నారు. బ్రహ్మనాయుడు క్లీన్ చిట్ తో బయటికి వస్తాడని ధీమా వ్యక్తం చేస్తున్నారు వైసీపీ నేతలు, కార్యకర్తలు.