Vantara University: రిలయన్స్ ఇండస్ట్రీస్ ఎగ్జిక్యూటివ్ డైరెక్టర్ అనంత్ అంబానీ నేతృత్వంలోని ‘వంతారా’ సంస్థ గుజరాత్లోని జామ్నగర్లో ప్రపంచంలోనే మొట్టమొదటి అంతర్జాతీయ వన్యప్రాణి, వెటర్నరీ సైన్సెస్ విశ్వవిద్యాలయాన్ని (Vantara University) ప్రకటించింది. భారతీయ పురాతన ‘గురుకుల’ విద్యా విధానం, ఆధునిక విజ్ఞానాన్ని మేళవించి ఈ యూనివర్సిటీని రూపొందించారు.
లక్ష్యం, ఉద్దేశ్యం:
వన్యప్రాణుల సంరక్షణ, వెటర్నరీ వైద్యం, జంతు సంక్షేమంలో నైపుణ్యం కలిగిన నిపుణులను తయారు చేయడం ఈ విశ్వవిద్యాలయ ప్రధాన లక్ష్యం. ప్రాచీన నలంద విశ్వవిద్యాలయ స్ఫూర్తితో, “నో భద్రాః క్రతవో యంతు విశ్వతః” (మంచి ఆలోచనలు అన్ని దిశల నుండి మనకు రావాలి) అనే నినాదంతో ఇది పనిచేస్తుంది.
Jamnagar Vantara University
కోర్సులు: ఇక్కడ అండర్ గ్రాడ్యుయేట్, పోస్ట్ గ్రాడ్యుయేట్, ఫెలోషిప్ ప్రోగ్రామ్లు అందుబాటులో ఉంటాయి. వన్యప్రాణి వైద్యం, సర్జరీ, పోషకాహారం, జెనెటిక్స్, కన్జర్వేషన్ పాలసీ వంటి ప్రత్యేక అంశాలపై శిక్షణ ఇస్తారు. అలాగే అంతర్జాతీయ స్థాయి క్లినికల్ మౌలిక సదుపాయాలు, పరిశోధనా కేంద్రాలు, విద్యార్థుల కోసం రెసిడెన్షియల్ క్యాంపస్ ఉంటాయి. ఇక స్కాలర్షిప్స్ విషయానికొస్తే.. సామాజికంగా, ఆర్థికంగా వెనుకబడిన విద్యార్థుల కోసం ప్రత్యేక స్కాలర్షిప్లను కూడా అనంత్ అంబానీ ప్రకటించారు.
పునాది వేడుక:
ఈ యూనివర్సిటీ పునాది వేడుక హిందూ సంప్రదాయం ప్రకారం జరిగింది. దేశవ్యాప్తంగా ఉన్న వివిధ అడవులు, చిత్తడి నేలలు, పర్వత ప్రాంతాల నుండి సేకరించిన మట్టి, నీరు, రాళ్లను ఈ కార్యక్రమంలో ఉపయోగించారు. ఇది భారతదేశ జీవవైవిధ్యానికి ప్రతీకగా నిలుస్తుంది. వంతారా యూనివర్సిటీ కేవలం ఒక విద్యాసంస్థ మాత్రమే కాదు, మూగజీవాల పట్ల కరుణ, శాస్త్రీయ దృక్పథం కలిగిన భావి తరాలను నిర్మించే ఒక గొప్ప వేదిక. వన్యప్రాణుల ఆరోగ్యం, పర్యావరణ పరిరక్షణలో భారతదేశాన్ని గ్లోబల్ హబ్గా మార్చడమే దీని అంతిమ లక్ష్యం.
Vantara University
మరిన్ని జాతీయ వార్తల కోసం ఇక్కడ క్లిక్ చేయండి