Vaibhav Suryavanshi : ఐపీఎల్ 2026 సీజన్ కేవలం ఫోర్లు, సిక్సర్లతోనే కాదు.. మైదానం బయట ఆటగాళ్లు చేసే అల్లరితోనూ ఫ్యాన్స్ను విపరీతంగా అలరిస్తోంది. ముఖ్యంగా రాజస్థాన్ రాయల్స్ శిబిరంలో నవ్వుల పువ్వులు పూయిస్తున్న కొన్ని సరదా సంఘటనలు ఇప్పుడు సోషల్ మీడియాలో వైరల్ అవుతున్నాయి. అటు కుర్రాడు వైభవ్ సూర్యవంశీ రిమోట్ కారు ఆటలు, ఇటు అశ్విన్ వేసిన సెటైర్లు నెటిజన్లను కడుపుబ్బ నవ్విస్తున్నాయి. ఐపీఎల్ 2026 ప్రాక్టీస్ సెషన్లలో రాజస్థాన్ రాయల్స్ యువ సంచలనం వైభవ్ సూర్యవంశీ అందరి దృష్టిని ఆకర్షించాడు. అయితే ఈసారి అతను బ్యాట్తో కాదు, ఒక రిమోట్ కారుతో వార్తల్లో నిలిచాడు. గ్రౌండ్లో రిమోట్ కారును నడుపుతూ వైభవ్ ఎంజాయ్ చేస్తున్న వీడియోను టీమ్ సిబ్బంది రికార్డ్ చేశారు. ఆ సమయంలో రాయల్స్ సపోర్ట్ స్టాఫ్ ఒకరు జోక్ చేస్తూ.. “అబ్బాయికి ఇంకా డ్రైవింగ్ లైసెన్స్ కూడా లేదు, కారు నడుపుతున్నాడు” అని అనడం వీడియోలో వినిపించింది. ఈ సరదా సంభాషణ ఇప్పుడు సోషల్ మీడియాలో మీమ్స్ రూపంలో విపరీతంగా తిరుగుతోంది. తీవ్రమైన ప్రాక్టీస్ మధ్య ఇలాంటి చిన్న చిన్న సరదాలు టీమ్ వాతావరణాన్ని ఉల్లాసంగా ఉంచుతాయని ఫ్యాన్స్ కామెంట్ చేస్తున్నారు.
మరోవైపు, ముంబై ఇండియన్స్తో జరిగిన మ్యాచ్లో వైభవ్ సూర్యవంశీ, యశస్వి జైస్వాల్ ఆకాశమే హద్దుగా చెలరేగిపోయారు. గౌహతి వేదికగా జరిగిన ఈ మ్యాచ్లో వారిద్దరి బ్యాటింగ్ చూసి కామెంట్రీ బాక్స్లో ఉన్న లెజెండరీ స్పిన్నర్ హర్భజన్ సింగ్ (భజ్జీ) అప్రయత్నంగా లేచి నిలబడి సెల్యూట్ కొట్టారు. దీనిపై మన తెలివైన స్పిన్నర్ రవిచంద్రన్ అశ్విన్ తనదైన శైలిలో స్పందించాడు. ఎక్స్ వేదికగా ఒక పోస్ట్ చేస్తూ.. “నా వైపు నుంచి కూడా సెల్యూట్. కానీ మా మిత్రుడు పుజారా మాత్రం సరిగ్గా సెల్యూట్ చేయలేదు” అంటూ చెతేశ్వర్ పుజారాను ట్యాగ్ చేసి ఆటపట్టించాడు.
Just Vaibhav being Vaibhav
pic.twitter.com/qUDNalj9rN
— Rajasthan Royals (@rajasthanroyals) April 9, 2026
Mera bhi
but, my dear friend Pujara dint salute properly
https://t.co/DGkP00hTvT pic.twitter.com/5bmAujnVJM
— Ashwin
(@ashwinravi99) April 8, 2026
అశ్విన్ చేసిన ఈ పోస్ట్ నెటిజన్లను కడుపుబ్బ నవ్విస్తోంది. మైదానంలో ప్రత్యర్థులకు చుక్కలు చూపే అశ్విన్, బయట తన తోటి ఆటగాళ్లతో ఎంత సరదాగా ఉంటాడో ఈ సంఘటన మరోసారి నిరూపించింది. రాజస్థాన్ రాయల్స్ జట్టు ఈ సీజన్లో అటు విజయాలతో పాటు ఇటు సోషల్ మీడియాలో కూడా టాప్ గేర్లో దూసుకుపోతోంది. సీనియర్ ఆటగాళ్లు, జూనియర్ల మధ్య ఉన్న ఈ సమన్వయం మరియు స్నేహం జట్టు విజయాల్లో కీలక పాత్ర పోషిస్తోంది. డిజిటల్ యుగంలో క్రికెట్ అంటే కేవలం ఆట మాత్రమే కాదు, ఇలాంటి హ్యూమర్ కూడా ఒక భాగమైపోయింది.
మరిన్ని క్రీడా వార్తల కోసం ఇక్కడ క్లిక్ చేయండి..