కాలేయం మన శరీరంలోని అత్యంత కీలకమైన అవయవం. ఇది విషతుల్యాలను తొలగించడం, జీర్ణక్రియకు సహకరించడం, పోషకాలను నిల్వ చేయడం వంటి అనేక బాధ్యతలను నిర్వర్తిస్తుంది. అయితే.. ఆధునిక జీవనశైలి, ఆహారపు అలవాట్ల కారణంగా ప్రస్తుతం చాలామంది ‘ఫ్యాటీ లివర్’ సమస్యతో బాధపడుతున్నారు. కాలేయంలో కొవ్వు పేరుకుపోవడం వల్ల వచ్చే ఈ స్థితిని నిర్లక్ష్యం చేస్తే, అది కాలక్రమేణా లివర్ సిర్రోసిస్కు దారితీసే అవకాశం ఉందని వైద్యులు హెచ్చరిస్తున్నారు. సరైన జాగ్రత్తలు తీసుకుంటే.. ఈ సమస్యను తొలి దశలోనే సమర్థవంతంగా అదుపులోకి తీసుకురావచ్చు.
ఫ్యాటీ లివర్ను తగ్గించుకోవడానికి వైద్యులు సూచిస్తున్న ప్రధాన మార్గాలు ఇవే..
1. ఆహార నియమాలు
ఆరోగ్యకరమైన కాలేయం కోసం ఆహారంలో మార్పులు అత్యవసరం. చక్కెర, మైదా, జంక్ ఫుడ్స్, మరియు వేపుళ్లకు దూరంగా ఉండటం మొదటి మెట్టు. సోరకాయ జ్యూస్, బీట్రూట్ జ్యూస్ వంటివి ఉదయం వేళ తీసుకోవడం వల్ల లివర్ శుద్ధి అవుతుంది. అలాగే, డైట్లో పెసరపప్పు, ఓట్స్, తాజా ఆకుకూరలు, కూరగాయలను అధికంగా చేర్చుకోవాలి.
Also Read:Car Sold: ఇదెక్కడి పనికిమాలిన ఐడియా రా.. అద్దెకు తీసుకున్న కారును అమ్మడం ఏంటి రా బాబు..
2. వ్యాయామం
శారీరక శ్రమ శరీరంలోని టాక్సిన్స్ను బయటకు పంపి, కాలేయంపై ఒత్తిడిని తగ్గిస్తుంది. ప్రతిరోజూ కనీసం 30 నిమిషాల పాటు వేగంగా నడవడం (బ్రిస్క్ వాకింగ్) చాలా ఉత్తమం. యోగాలో నౌకాసనం, పవన ముక్తాసనం వంటి ఆసనాలు కాలేయం పనితీరును మెరుగుపరుస్తాయి. అంతేకాకుండా, పొత్తికడుపు భాగంలో తేలికపాటి మసాజ్ చేసుకోవడం వల్ల రక్త ప్రసరణ మెరుగుపడి లివర్ చురుగ్గా మారుతుంది.
3. సహజ మూలికలు
కాలేయాన్ని సహజంగా డీటాక్స్ చేయడానికి కొన్ని మూలికలు అద్భుతంగా పనిచేస్తాయి. రాత్రి పడుకునే ముందు త్రిఫల చూర్ణాన్ని తీసుకోవడం, ఉదయాన్నే ఆమ్లా టీ తాగడం వల్ల మంచి ఫలితాలు ఉంటాయి. ఈ నియమాలను క్రమం తప్పకుండా 3 నెలల పాటు పాటిస్తే.. ఎటువంటి మందుల అవసరం లేకుండానే ఫ్యాటీ లివర్ సమస్య నుంచి బయటపడవచ్చు. ఆరోగ్యకరమైన జీవనశైలిని అలవాటు చేసుకోవడమే కాలేయ రక్షణకు శాశ్వత మార్గం.