Virat Kohli as RCB Captain: రాయల్ ఛాలెంజర్స్ బెంగళూరు (RCB) ఫ్రాంచైజీకి సంబంధించి ఒక ఆసక్తికరమైన విషయం ఒకటి తాజాగా వెలుగులోకి వచ్చింది. స్టార్ బ్యాటర్ విరాట్ కోహ్లీ (Virat Kohli RCB captaincy) జట్టును విజయవంతంగా నడిపిస్తున్న రోజుల్లోనే.. ఆర్సీబీ మేనేజ్‌మెంట్ తనను కెప్టెన్సీ బాధ్యతల కోసం పరిశీలించిందని మాజీ ఆటగాడు పార్థివ్ పటేల్ (Parthiv Patel) సంచలన నిజం బయటపెట్టారు.
కోహ్లీ కెప్టెన్సీపై పార్థివ్ హాట్ కామెంట్స్:
* విరాట్ కోహ్లీ 2013 నుంచి 2021 వరకు ఆర్సీబీకి కెప్టెన్‌గా కొనసాగిన విషయం తెలిసిందే. అయితే, ఆకాశ్ చోప్రా నిర్వహించిన యూట్యూబ్ షోలో పార్థీవ్ పటేల్ మాట్లాడుతూ.. 2019 ఐపీఎల్ సీజన్‌కు ముందు ఆర్సీబీ తనను కెప్టెన్సీ బాధ్యతల కోసం సిద్ధంగా ఉండమని కోరినట్లు తెలిపారు. నేను ఈ విషయం గురించి ఎప్పుడూ బహిరంగంగా మాట్లాడలేదు.. కానీ అప్పట్లో నన్ను ‘వచ్చే ఏడాది కోసం సిద్ధంగా ఉండని చెప్పారని పేర్కొన్నారు. అప్పట్లో ఆర్సీబీ కోచింగ్ సిబ్బందిగా ఉన్న ఆశిష్ నెహ్రా, గ్యారీ క్రిస్టియన్ స్వయంగా ఈ ప్రణాళికలో భాగమని వెల్లడించారు.
కోచింగ్ స్టాఫ్ మార్పుతో ఛాన్స్ మిస్:
అయితే, ఆ ప్రణాళికలు ఎందుకు కార్యరూపం దాల్చలేదనే దానిపై కూడా పార్థివ్ పటేల్ క్లారిటీ ఇచ్చారు. మరుసటి రోజు కోచింగ్ స్టాఫ్ మారిపోయింది. నన్ను సంప్రదించిన ఆశిష్ నెహ్రా, గ్యారీ క్రిస్టియన్ స్థానంలో కొత్త కోచ్‌లు వచ్చారు. దాంతో ఆ చర్చలు అక్కడితో ఆగిపోయాయి. ఆ సీజన్‌లో నేను ఒక్క మ్యాచ్ కూడా ఆడలేకపోయానని వివరించారు. మాజీ ఇంగ్లాండ్ ఆల్ రౌండర్ మొయిన్ అలీ (Moeen Ali) కూడా గతంలో ‘స్పోర్ట్స్ తక్’తో మాట్లాడుతూ.. గ్యారీ క్రిస్టియన్ హయాంలో పార్థివ్ పటేల్‌ను ఆర్సీబీ కెప్టెన్‌గా చేయాలనే చర్చ గట్టిగా జరిగిందని ధృవీకరించిన సంగతి తెలిసిందే. పార్థివ్‌కు అద్భుతమైన క్రికెట్ మైండ్ ఉందని, అయితే ఆ ఆలోచన ఎందుకు అమలు కాలేదో తనకు తెలియదని మొయిన్ వెల్లడించారు.
►ALSO READ | వెస్టిండీస్‌తో రెండో టీ20.. ప్లేయింగ్ XIలో మార్పులు: శ్రేయస్ అయ్యర్ టాస్క్ ఇదే!
రజత్ పాటిదార్ సారథ్యంలో టైటిల్స్:
విరాట్ కోహ్లీ 2021 ఐపీఎల్ సీజన్ తర్వాత తన వర్క్‌లోడ్ మేనేజ్‌మెంట్ కారణంగా ఆర్సీబీ కెప్టెన్సీ నుంచి తప్పుకున్నారు. ఆ తర్వాత కాలంలో రజత్ పాటిదార్ సారథ్యంలో ఆర్సీబీ జట్టు అద్భుత ప్రదర్శన కనబరుస్తూ.. 2025, 2026 సంవత్సరాలలో వరుసగా టైటిల్స్ సాధించి తమ చిరకాల కలను సాకారం చేసుకుంది. ఒకవేళ అప్పట్లో ఆ ప్రణాళిక అమలై ఉంటే ఆర్సీబీ చరిత్ర వేరేలా ఉండేదేమోనని క్రికెట్ వర్గాల్లో చర్చ జరుగుతోంది.