Billa Ranga Baasha: కన్నడ సూపర్ స్టార్ కిచ్చా సుదీప్ హీరోగా రాబోతున్న ‘బిల్లా రంగ బాషా’ (Billa Ranga Baasha – BRB) అనేది క్రీస్తు శకం 2209 (2209 A.D.) నాటి ఒక ఫ్యూచరిస్టిక్ డిస్టోపియన్ ప్రపంచం నేపథ్యంలో సాగే భారీ సైన్స్ ఫిక్షన్ యాక్షన్-అడ్వెంచర్ మూవీ. ‘విక్రాంత్ రోణా’ దర్శకుడు అనుప్ భండారి తెరకెక్కిస్తున్న ఈ సినిమా హిమాలయాల షెడ్యూల్ను పూర్తి చేసుకుని, ప్రస్తుతం భారీగా నిర్మించిన ‘ద్వారక’ సెట్లో షూటింగ్ను జరుపుకుంటోంది. ‘హనుమాన్’ చిత్ర నిర్మాతలు ప్రైమ్షో ఎంటర్టైన్మెంట్ పతాకంపై కె. నిరంజన్ రెడ్డి దాదాపు ₹75 కోట్ల భారీ బడ్జెట్తో నిర్మిస్తున్న ఈ సినిమాలో సుదీప్ మూడు విభిన్న షేడ్స్ ఉన్న పవర్ఫుల్ పాత్రలో కనిపించనున్నారు. ఈ రోజు చిత్ర బృందం ఈ సినిమాకు సంబంధించిన ఒక క్రేజీ ప్రమోషనల్ క్యాలెండర్ను కూడా లాక్ చేసింది. కిచ్చా సుదీప్ పుట్టినరోజు సందర్భంగా వచ్చే 2026సెప్టెంబర్ 2న ఒక గ్రాండ్ స్పెషల్ పోస్టర్ను, అలాగే 2027 జనవరి 1న టీజర్ను విడుదల చేయనున్నారు. 2027 మార్చ్ 3 న ట్రైలర్ ను, ఇక చివరగా ఏప్రిల్ 4న ప్రపంచవ్యాప్తంగా థియేటర్లలో గ్రాండ్గా విడుదల చేయడానికి మేకర్స్ ప్లాన్ చేస్తున్నారు.
ప్రైమ్షో ఎంటర్టైన్మెంట్ బ్యానర్పై కె. నిరంజన్ రెడ్డి, చైతన్య రెడ్డి ఈ చిత్రాన్ని భారీ బడ్జెట్తో నిర్మిస్తున్నారు. నిర్మాణ విలువల విషయంలో ఎక్కడా రాజీ పడకుండా సినిమాను రూపొందిస్తున్నట్లు తెలుస్తోంది. సుదీప్ స్టార్డమ్కు తగ్గట్టుగా భారీ స్కేల్లో తెరకెక్కుతున్న ఈ ప్రాజెక్ట్పై కన్నడతో పాటు ఇతర భాషల ప్రేక్షకుల్లోనూ ఆసక్తి నెలకొంది. మొత్తంగా చూస్తే, ‘బిల్లా రంగ బాషా’ విషయంలో మేకర్స్ సినిమా విడుదల తేదీ కంటే ముందే ప్రమోషనల్ క్యాలెండర్ను ప్రకటించడం ప్రత్యేకంగా నిలిచింది. 2026 సెప్టెంబర్ 2న సుదీప్ పుట్టినరోజు పోస్టర్తో మొదలయ్యే ఈ ప్రయాణం, 2027 తొలి త్రైమాసికంలో ట్రైలర్, పాటలు, చివరికి 2027 ఏప్రిల్ లో సినిమా విడుదలతో ముగియనుంది. మరి ఇంత భారీ ప్లానింగ్తో వస్తున్న ఈ చిత్రం సుదీప్ కెరీర్లో ఎలాంటి ప్రత్యేక స్థానాన్ని సంపాదించుకుంటుందో చూడాలి.