మహారాష్ట్రలోని థానేలో ఒక వైద్యుడిపై రోగి కుమారుడు భౌతిక దాడికి పాల్పడిన ఘటన వైద్య వర్గాల్లో తీవ్ర కలకలం రేపింది. ప్రాణాలను కాపాడే వైద్యులపై జరుగుతున్న వరుస దాడులు సమాజంలో ఆందోళనను పెంచుతున్నాయి.ఈ సంఘటన థానేలోని ఒక ఆసుపత్రిలో చోటుచేసుకుంది. వైద్యుడు ఒక రోగికి చికిత్స అందిస్తూ, ఆ రోగి కుమారుడికి చికిత్సకు సంబంధించిన వివరాలను వివరిస్తున్నారు. అయితే, ఆ యువకుడు పదే పదే ఒకే ప్రశ్నను అడుగుతూ వైద్యుడికి అసహనం కలిగించాడు. అంతటితో ఆగకుండా, అతను డాక్టర్ను ఏకవచనంతో పిలుస్తూ అగౌరవంగా మాట్లాడటం ప్రారంభించాడు.వైద్యుడు తనతో అలా మాట్లాడటానికి కారణం అడగడంతో, ఆ యువకుడు ఒక్కసారిగా రెచ్చిపోయాడు. “నువ్వెవడ్రా పెద్ద డాక్టర్” అంటూ దుర్భాషలాడి, ఏకంగా వైద్యుడిపై భౌతిక దాడికి దిగాడు. అక్కడే ఉన్న ఆసుపత్రి సిబ్బంది వెంటనే స్పందించి వారిని విడదీశారు.