Saha: యువ కథానాయకుడు శివ కుమార్ కాసారం నటిస్తున్న తెలుగు మూవీ ‘సహ’ థియేట్రికల్ రిలీజ్కు సిద్ధమైంది. రొమాంటిక్ డ్రామాగా తెరకెక్కుతున్న ఈ సినిమాపై ఇప్పటికే విడుదలైన ప్రచార కంటెంట్ ఆసక్తిని పెంచుతోంది. ముఖ్యంగా ఇటీవల వచ్చిన గ్లింప్స్ ఎమోషనల్ టచ్తో ఆకట్టుకోగా.. ఇప్పటివరకు విడుదలైన పాటలకు కూడా మంచి స్పందన వస్తోంది. ఇప్పుడు చిత్రబృందం తాజాగా సినిమా రిలీజ్ డేట్ ని కూడా ఆఫీషియల్ గా అనౌన్స్ చేసింది. ‘సహా’ 2026 సెప్టెంబర్ 4న థియేటర్లలో విడుదల కానుంది. విడుదల తేదీని ప్రకటిస్తూ చిత్రబృందం సినిమాపై అంచనాలను మరింత పెంచింది. ఇప్పటివరకు వచ్చిన గ్లింప్స్, పాటలు సినిమాకు సంబంధించిన కథ ఆసక్తిని కలిగిస్తున్నాయి.
సంజు జీవితంలోకి సహా రాకతో..
‘సహ’ (Sahaa: Life of Sanju) అనేది నిశాంత్ దోటి దర్శకత్వంలో సుమైరా స్టూడియోస్ బ్యానర్పై తేజేశ్వర్ వెల్పుచర్ల నిర్మిస్తున్న ఒక ఎమోషనల్ రొమాంటిక్ డ్రామా తెలుగు చిత్రం. శివ కుమార్ కాసారం కథానాయకుడిగా, శ్వేతా లక్ష్మణ్ కథానాయికగా నటిస్తున్న ఈ సినిమా సంజు (శివ కుమార్ కాసారం) అనే యువకుడి జీవితంలో దాదాపు నాలుగు దశాబ్దాల పాటు సాగే ప్రేమ, జ్ఞాపకాల చుట్టూ తిరుగుతుంది. తన గత జీవితంలోని బాధల నుండి కోలుకునే క్రమంలో అతని జీవితంలోకి ‘సహా’ అనే అమ్మాయి ప్రవేశించిన తర్వాత జరిగిన మార్పులను ఈ కథలో ఆవిష్కరించారు. శ్వేతా లక్ష్మణ్, వ్రజన పాండ్య ముఖ్య పాత్రల్లో నటిస్తున్న ఈ చిత్రానికి శేఖర్ చంద్ర సంగీతం అందిస్తుండగా, ఇప్పటికే విడుదలైన పాటలు ప్రేక్షకులను ఆకట్టుకున్నాయి.
గ్లింప్స్తో పెరిగిన అంచనాలు
ఇటీవల విడుదలైన ‘సహ’ గ్లింప్స్ సినిమాపై క్యూరియాసిటీని పెంచింది. అందమైన విజువల్స్, పాత్రల మధ్య కనిపించే కెమిస్ట్రీ ప్రేక్షకులను ఆకట్టుకున్నాయి. మరోవైపు ఇప్పటివరకు విడుదలైన పాటలు కూడా సినిమాకు మంచి బజ్ తీసుకొచ్చాయి. దీంతో సినిమా మ్యూజికల్ ఆల్బమ్పై కూడా ఆసక్తి పెరిగింది. ప్రతిభావంతులైన నటీనటులు, సాంకేతిక నిపుణులతో రూపొందుతున్న ‘సహ’ను ప్రేక్షకులకు ఒక అందమైన, భావోద్వేగభరితమైన సినిమా అనుభూతిని అందించేలా తెరకెక్కిస్తున్నట్లు చిత్రబృందం చెబుతోంది. ఇప్పటివరకు వచ్చిన ప్రచార కంటెంట్కు వచ్చిన స్పందనతో సినిమాపై అంచనాలు పెరిగాయి. మరి సంజు, సహాల ప్రేమకథ థియేటర్లలో ప్రేక్షకులను ఎంతవరకు ఆకట్టుకుంటుందో తెలియాలంటే సెప్టెంబర్ 4 వరకు వేచి చూడాల్సిందే.