IRCTC SAI SHIVAM Tour Package Telugu: భక్తులకు షిర్డీ సాయిబాబా దర్శనంతో పాటు నాసిక్, త్రయంబకేశ్వర్ జ్యోతిర్లింగాన్ని సందర్శించే అవకాశం కల్పిస్తూ పర్యాటక ప్యాకేజీ అందుబాటులో ఉంది. ‘సాయి శివం’ (SHR008) పేరుతో అందిస్తున్న ఈ టూర్లో రైలు ప్రయాణం, హోటల్ వసతి, స్థానిక రవాణా, అల్పాహారం వంటి సదుపాయాలు ఉన్నాయి. కాచిగూడ నుంచి ప్రతి శుక్రవారం ఈ యాత్ర ప్రారంభమవుతుంది.
ప్యాకేజీ ముఖ్య వివరాలు
- ప్యాకేజీ పేరు:సాయి శివం (SAI SHIVAM)
- ప్యాకేజీ కోడ్: SHR008
- ప్రధాన ప్రాంతాలు: షిర్డీ – నాసిక్ – త్రయంబకేశ్వర్
- ప్రయాణ విధానం: రైలు
- ప్రయాణ ప్రారంభం: కాచిగూడ రైల్వే స్టేషన్
- ప్రయాణ సమయం: సాయంత్రం 6:40 గంటలకు
- తరచుదనం: ప్రతి శుక్రవారం
- వ్యవధి: 3 రాత్రులు / 4 రోజులు
- తరగతులు: స్లీపర్ (SL), 3AC
- భోజనం: 2 రోజుల బ్రేక్ఫాస్ట్
ప్యాకేజీ ధరలు
జూలై 2026 నుంచి అమల్లో ఉన్న ధరలు:
Comfort (3AC):
- సింగిల్ ఆక్యుపెన్సీ: ₹11,560
- డబుల్ ఆక్యుపెన్సీ: ₹9,430
- ట్రిపుల్ ఆక్యుపెన్సీ: ₹9,240
- 5–11 ఏళ్ల పిల్లలకు బెడ్తో: ₹8,400
- 5–11 ఏళ్ల పిల్లలకు బెడ్ లేకుండా: ₹7,460
Standard (Sleeper/SL):
- సింగిల్ ఆక్యుపెన్సీ: ₹9,870
- డబుల్ ఆక్యుపెన్సీ: ₹7,740
- ట్రిపుల్ ఆక్యుపెన్సీ: ₹7,550
- 5–11 ఏళ్ల పిల్లలకు బెడ్తో: ₹6,710
- 5–11 ఏళ్ల పిల్లలకు బెడ్ లేకుండా: ₹5,770
నాలుగు రోజుల టూర్ షెడ్యూల్
డే 1 – శుక్రవారం: కాచిగూడ రైల్వే స్టేషన్ నుంచి సాయంత్రం 6:40 గంటలకు రైలు నంబర్ 17064 అజంతా ఎక్స్ప్రెస్ లో ప్రయాణం ప్రారంభమవుతుంది. రాత్రంతా రైలు ప్రయాణం కొనసాగుతుంది.
డే 2 – శనివారం: ఉదయం 7:10 గంటలకు నాగర్సోల్ రైల్వే స్టేషన్ చేరుకుంటారు. అక్కడి నుంచి హోటల్కు రవాణా ఏర్పాటు చేస్తారు. షిర్డీలో హోటల్లో చెక్-ఇన్ అనంతరం ప్రయాణికులు తమ స్వంతంగా షిర్డీ సాయిబాబా ఆలయ దర్శనం చేసుకోవచ్చు. గమనిక: సాయిబాబా దర్శన టికెట్లు ప్యాకేజీలో భాగం కావు. సాయంత్రం షిర్డీలో స్వేచ్ఛా సమయం ఉంటుంది. రాత్రి షిర్డీలోనే బస చేస్తారు.
డే 3 – ఆదివారం: ఉదయం హోటల్ నుంచి చెక్అవుట్ చేసి సుమారు 90 కిలోమీటర్ల దూరంలోని నాసిక్కు బయలుదేరుతారు. ముందుగా ప్రసిద్ధ త్రయంబకేశ్వర్ జ్యోతిర్లింగ ఆలయాన్ని సందర్శిస్తారు. అనంతరం నాసిక్లోని పంచవటి ప్రాంతానికి చేరుకుంటారు. పంచవటిలో పెద్ద వాహనాలకు కొన్ని ప్రాంతాల్లో అనుమతి ఉండకపోవచ్చు. అందువల్ల అక్కడి ముఖ్య దర్శనీయ ప్రాంతాలను సందర్శించేందుకు ప్రయాణికులు స్థానిక ఆటోలు లేదా ఇతర స్థానిక రవాణాను వినియోగించాల్సి ఉంటుంది.
సాయంత్రం 8:30 గంటలలోపు నాగర్సోల్ రైల్వే స్టేషన్కు చేరుకుంటారు. అక్కడి నుంచి రాత్రి 9:20 గంటలకు బయలుదేరే రైలు నంబర్ 17063 అజంతా ఎక్స్ప్రెస్లో తిరుగు ప్రయాణం ప్రారంభమవుతుంది.
డే 4 – సోమవారం: ఉదయం 9:45 గంటలకు కాచిగూడ రైల్వే స్టేషన్ చేరుకోవడంతో షిర్డీ–నాసిక్–త్రయంబకేశ్వర్ యాత్ర ముగుస్తుంది.
ప్యాకేజీలో ఏమేమి ఉన్నాయి?
- Standard కేటగిరీలో స్లీపర్ క్లాస్ రైలు ప్రయాణం
- Comfort కేటగిరీలో 3AC రైలు ప్రయాణం
- ప్రయాణ ప్రణాళిక ప్రకారం షేరింగ్ ప్రాతిపదికన AC వాహన సౌకర్యం
- 2 రోజుల బ్రేక్ఫాస్ట్
- ట్రావెల్ ఇన్సూరెన్స్
- ప్యాకేజీలో పేర్కొన్న అన్ని సందర్శనా స్థలాలు, విహార ప్రదేశాల సందర్శన
- వర్తించే పన్నులు
ప్యాకేజీలో లేనివి
- ఆలయ దర్శన టికెట్లు
- లంచ్, డిన్నర్, అదనపు ఆహారం
- రైలులో ఆహారం
- సందర్శనా ప్రదేశాల ప్రవేశ రుసుములు
- టూర్ గైడ్ సేవలు
- ప్యాకేజీలో పేర్కొనని వ్యక్తిగత ఖర్చులు, ఇతర సేవలు
వసతి సౌకర్యం
షిర్డీలో Sapphero Resorts లేదా సమానమైన హోటల్లో వసతి కల్పిస్తారు.
ఒక్కో గదికి గరిష్ఠంగా ఒక అదనపు వ్యక్తిని మాత్రమే అనుమతిస్తారు. ట్రిపుల్ షేరింగ్ లేదా అదనపు వ్యక్తికి అదనపు మ్యాట్రెస్ను నేలపై ఏర్పాటు చేసే అవకాశం ఉంటుంది. అదనపు కాట్ లభ్యత హోటల్ విధానంపై ఆధారపడి ఉంటుంది. 12 ఏళ్లలోపు పిల్లలకు ప్రత్యేక బెడ్ అవసరమైతే అదనపు వ్యక్తి ఛార్జీలు వర్తించవచ్చు.
సీట్ల లభ్యత
ప్రస్తుతం ప్రతి శుక్రవారం ప్రయాణానికి..
- Standard Class (Sleeper Non-AC): 16 సీట్లు
- Comfort Class (3 Tier AC): 6 సీట్లు అందుబాటులో ఉన్నాయి.
ప్రయాణికులు గమనించాల్సిన విషయాలు
ఆన్లైన్ రైలు టికెట్లు ప్రయాణ తేదీకి 4 రోజుల ముందు రూపొందించి జారీ చేస్తారు. టికెట్లు కేంద్రీకృత PRS ద్వారా జారీ కావడం వల్ల ముందుగా బెర్త్ ఎంపిక లేదా తరువాత బెర్త్ మార్పు కోరుకునే అవకాశం ఉండదు. ప్రయాణికులు తమకు కేటాయించిన బెర్త్ ప్రకారమే ప్రయాణించాల్సి ఉంటుంది.
హోటల్ చెక్-ఇన్ సమయం మధ్యాహ్నం 12 గంటలు. అంతకంటే ముందుగా చెక్-ఇన్ చేయడం హోటల్లో గది అందుబాటుపై ఆధారపడి ఉంటుంది.
షిర్డీ సాయిబాబా దర్శనం, త్రయంబకేశ్వర్ జ్యోతిర్లింగ దర్శనంతో పాటు నాసిక్లోని పుణ్యక్షేత్రాలను ఒకే పర్యటనలో సందర్శించాలనుకునే భక్తులకు ఈ ప్యాకేజీ అనుకూలంగా ఉంటుంది. అయితే ప్రయాణానికి ముందు సీట్ల లభ్యత, ధరలు, రైలు సమయాలు, హోటల్ వివరాలు వంటి తాజా సమాచారాన్ని సంబంధిత టూర్ ఆపరేటర్ వద్ద నిర్ధారించుకోవడం మంచిది.
ఐఆర్సీటీసీ సాయి శివమ్ టూర్ ప్యాకేజీ వివరాలు, బుకింగ్ కోసం ఇక్కడ క్లిక్ చేయండి.