Shubman Gill Catch: గాలె టెస్టులో టీమిండియా సారథి శుభ్మన్ గిల్ నభూతో నభవిష్యత్ అనే రీతిలో విన్యాసం చేశాడు. శ్రీలంకతో జరుగుతున్న తొలి టెస్టు మూడో రోజు ఆటలో అసాధ్యమైన బంతిని ఒంటిచేత్తో ఒడిసిపట్టి, మైదానంలో అందరినీ నిశ్చేష్టులను చేశాడు.
గాల్లో తేలియాడిన భారత సారథి..
శ్రీలంక రెండో ఇన్నింగ్స్ సమయంలో కుల్దీప్ యాదవ్ వేసిన బంతిని కమిందు మెండిస్ ఎక్స్ట్రా కవర్స్ దిశగా గాల్లోకి లేపాడు. బంతి కాస్త దూరంగా వెళ్తుండటంతో అది ఖచ్చితంగా బౌండరీకి చేరుతుందని అందరూ భావించారు.
అదే సమయంలో కవర్స్ వద్ద కాపలా ఉన్న కెప్టెన్ శుభ్మన్ గిల్ మెరుపు వేగంతో తన ఎడమ వైపునకు గాల్లోకి డైవ్ చేశాడు. ఒంటిచేత్తో ఆ బంతిని అద్భుతంగా ఒడిసిపట్టి కిందపడ్డాడు. గిల్ చేసిన ఈ సూపర్ మ్యాన్ ఫీట్ చూసి బ్యాటర్ కమిందు మెండిస్ నమ్మలేక క్రీజులోనే బిత్తరపోయాడు.
చరిత్ర సృష్టిస్తున్న ఫీల్డింగ్ గణాంకాలు..
ఈ క్యాచ్తో భారత సారథి సరికొత్త మైలురాళ్లను అందుకున్నాడు. టెస్టు క్రికెట్లో గిల్కు ఇది 32వ క్యాచ్ కాగా, నాయకుడిగా పది మ్యాచ్ల్లోనే 7 క్యాచ్లను తన ఖాతాలో వేసుకున్నాడు.
పరిమిత ఓవర్ల ఫార్మాట్లలో కూడా చురుకైన ఫీల్డర్గా పేరున్న గిల్, వన్డేల్లో 40, పొట్టి క్రికెట్లో 9 క్యాచ్లు అందుకున్నాడు. భారత టెస్టు సారథుల జాబితాలో దిగ్గజ వికెట్ కీపర్ మహేంద్ర సింగ్ ధోని 187 క్యాచ్లతో అగ్రస్థానంలో కొనసాగుతున్నాడు. ఆ తర్వాత విరాట్ కోహ్లీ 71 క్యాచ్లు, మహ్మద్ అజహరుద్దీన్ 50 క్యాచ్లు, సునీల్ గవాస్కర్ 45 క్యాచ్లు, సౌరవ్ గంగూలీ 37 క్యాచ్లతో తర్వాతి స్థానాల్లో నిలిచారు.
పీకల్లోతు కష్టాల్లో ఆతిథ్య జట్టు..
— crictalk (@crictalk7) August 17, 2026
గిల్ పట్టిన ఈ అద్భుత క్యాచ్ మ్యాచ్ను భారత్ వైపు తిప్పేసింది. అంతకుముందే నిషాన్ మదుష్క, లహిరు ఉదార, దినేష్ చండిమాల్ పెవిలియన్ చేరగా, మెండిస్ నిష్క్రమణతో శ్రీలంక 59 పరుగులకే 4 కీలక వికెట్లు కోల్పోయి తీవ్ర ఒత్తిడిలో పడింది. భారత స్పిన్నర్లు లంక బ్యాటర్లను ముప్పుతిప్పలు పెడుతుండటంతో మ్యాచ్పై పర్యాటక జట్టు పట్టు బిగించింది.
మరిన్ని క్రీడా వార్తల కోసం ఇక్కడ క్లిక్ చేయండి.