స్టార్ హీరోయిన్ సమంత (Samantha Ruth Prabhu) ప్రధాన పాత్రలో నటిస్తూ, తన హోమ్ బ్యానర్ ‘ట్రరాలా మూవీస్’ (Tralala Moving Pictures) పై స్వయంగా నిర్మిస్తున్న మోస్ట్ అవైటెడ్ లేడీ ఓరియెంటెడ్ ఫిల్మ్ ‘మా ఇంటి బంగారం’ (Maa Inti Bangaram). ‘ఓ బేబీ’ (Oh! Baby) వంటి క్లాసిక్ బ్లాక్బస్టర్ హిట్ తర్వాత సమంత – టాలెంటెడ్ లేడీ డైరెక్టర్ నందినీ రెడ్డి కాంబినేషన్లో వస్తున్న సినిమా కావడంతో దీనిపై టాలీవుడ్లో భారీ అంచనాలు ఉన్నాయి. తాజాగా ఈ చిత్రానికి సంబంధించిన అఫీషియల్ పవర్ప్యాక్డ్ ట్రైలర్ను మేకర్స్ విడుదల చేశారు. ఫ్యామిలీ ఎమోషన్స్ మరియు ఊహించని హై-వోల్టేజ్ యాక్షన్ ఎలిమెంట్స్తో సాగిన ఈ ట్రైలర్ గురించి మాట్లాడుకుంటే..
ముందు నుండి కూడా సమంత ఎంచుకునే కథలు ఎప్పుడూ వైవిధ్యంగా ఉంటాయి. ‘యశోద’, ‘శాకుంతలం’ చిత్రాల తర్వాత ఆమె నటిస్తున్న ఈ సరికొత్త యాక్షన్ ఫ్యామిలీ డ్రామా ట్రైలర్ ప్రేక్షకులను విపరీతంగా ఆకట్టుకుంటోంది. కేవలం గృహిణిగా మాత్రమే కాకుండా, ఫ్యామిలీ కోసం ఆయుధం పట్టే ఒక పవర్ఫుల్ ఉమెన్ క్యారెక్టర్లో సమంత ఈ ట్రైలర్లో విశ్వరూపం చూపించింది. ట్రైలర్ ప్రారంభంలో సమంత ఒక పక్కా సాంప్రదాయబద్ధమైన, అమాయకపు పల్లెటూరి కోడలిగా కనిపిస్తుంది. ఉమ్మడి కుటుంబంలో భర్త, అత్తమామలతో కలిసి ఎంతో సర్దుకుపోతూ.. అందరి మనసులు గెలుచుకునే ఒక సాధారణ గృహిణి పాత్రలో ఆమె ఒదిగిపోయింది. కథ అంతా ప్రశాంతంగా సాగుతుందనుకున్న సమయంలో అసలు ట్విస్ట్ రివీల్ అవుతుంది. ఈ హోమ్లీ లుక్ వెనుక ఎవరికీ తెలియని ఒక పవర్ఫుల్ యాక్షన్ బ్యాక్గ్రౌండ్, ఒక రహస్య మిషన్ దాగి ఉంటాయి.
తన భర్త కుటుంబానికి ఒక పెద్ద ఆపద, శత్రువుల నుండి ముప్పు ఎదురైనప్పుడు.. ఆ అమాయకపు కోడలే ఒక ఆయుధంగా మారి శత్రువులపై ఎలా తిరగబడింది, వారిని ఎలా వేటాడింది అనే ఇంట్రెస్టింగ్ లైన్తో ట్రైలర్ సాగింది. ముఖ్యంగా క్లైమాక్స్ సీన్లలో సమంత చేసిన యాక్షన్ స్టంట్స్, గన్ ఫైట్స్ థియేటర్లలో పూనకాలు తెప్పించేలా ఉన్నాయి. మొత్తనికి డైరెక్టర్ నందినీ రెడ్డి మార్క్ క్లీన్ ఫ్యామిలీ ఎమోషన్స్తో పాటు సమంత రేంజ్ ఇంటెన్స్ యాక్షన్ తోడవడంతో ఈ సినిమా బాక్సాఫీస్ వద్ద సరికొత్త రికార్డులు సృష్టించడం ఖాయంగా కనిపిస్తోంది. ప్రస్తుతం ఈ ట్రైలర్ యూట్యూబ్లో (YouTube) మిలియన్ల వ్యూస్తో దూసుకుపోతూ నెంబర్ వన్ స్థానంలో ట్రెండింగ్ అవుతోంది. ఈ చిత్రానికి సంబంధించిన విడుదల తేదీ, ఇతర నటీనటులు మరియు సాంకేతిక నిపుణుల పూర్తి వివరాలను చిత్రబృందం త్వరలోనే అధికారికంగా ప్రకటించనుంది.