అమెరికాలోని న్యూయార్క్ సిటీని భారీ వరదలు ముంచెత్తాయి. కుండపోత వర్షాలు కారణంగా ఆకస్మిక వరదలు సంభవించాయి. దీంతో న్యూయార్క్ నగరమంతా స్తంభించిపోయింది. క్వీన్స్, బ్రూక్లిన్లలో రోడ్లు నీట మునిగాయి. సబ్వే లైన్లు నిలిచిపోయాయి. ప్రయాణికులు చిక్కుకుపోయారు. కేవలం ఒక్క గంటలోనే కొన్ని ప్రాంతాల్లో సుమారు 5 సెంటీమీటర్ల వర్షం కురిసిందని అధికారులు తెలిపారు.
కుండపోత వర్షాలు, ఆకస్మిక వరదల కారణంగా న్యూయార్క్ నగరం స్తంభించిపోయింది. క్వీన్స్, బ్రూక్లిన్లలో రోడ్లు నీట మునిగిపోయాయి, సబ్వే లైన్లు నిలిచిపోయాయి, ప్రయాణికులు చిక్కుకుపోయారు. ఆకస్మిక వరదలు ప్రధాన రహదారులను నదుల్లా మార్చేశాయి. వాహనాలను ముంచేశాయి. నగర రవాణా వ్యవస్థ అంతటా తీవ్ర గందరగోళాన్ని సృష్టించాయి. అత్యవసర సిబ్బంది సహాయక చర్యల కోసం హడావిడి పడుతుండగా.. ఇటీవల మాన్హాటన్లో జరిగిన మరో విషాదం తర్వాత నగర మౌలిక సదుపాయాలపై విమర్శలు వస్తున్నాయి. ఇక న్యూయార్క్ నగరంలో వరద నీటిలో కొట్టుకుపోయిన మహిళ వీడియో వైరల్ అవుతోంది.
బ్రూక్లిన్, క్వీన్స్ ప్రాంతాల్లో ప్రభావం అత్యంత తీవ్రంగా కనిపించింది. వీధులు, అండర్పాస్లు వేగంగా నీటితో నిండిపోయాయి. పెరుగుతున్న వరదల్లో అనేక వాహనాలు చిక్కుకుపోవడంతో సహాయం అందే వరకు చిక్కుకుపోయిన కొందరు డ్రైవర్లు తమ కార్ల పైకప్పులపైకి ఎక్కవలసి వచ్చింది.
Woman got washed away in the NYC flood.
pic.twitter.com/KFWwASKwYW
— Rain Drops Media (@Raindropsmedia1) May 21, 2026
