Naman Dhir: వెస్టిండీస్తో జరుగుతున్న తొలి వన్డే మ్యాచ్తో టీమిండియా తరఫున పంజాబ్కు చెందిన యువ ఆల్ రౌండర్ నమన్ ధీర్ (Naman Dhir) ఇవాళ (సెప్టెంబర్, ఆదివారం) తన తొలి వన్డే మ్యాచ్ను ఆడబోతున్నాడు. దేశీయ క్రికెట్, ఐపీఎల్లో విధ్వంసకర బ్యాటింగ్తో అదరగొట్టిన ఈ 26 ఏళ్ల యంగ్ టాలెంటెడ్ ప్లేయర్.. హెడ్ కోచ్ గౌతమ్ గంభీర్ ప్రణాళికలకు సరిగ్గా సరిపోవడంతో తుది జట్టులో చోటు దక్కించుకున్నాడు. లోయర్ ఆర్డర్లో మ్యాచ్లను ఫినిష్ చేయడంతో పాటు అవసరమైనప్పుడు ఆఫ్స్పిన్ బౌలింగ్ చేయగల నమన్ ధీర్ ఎంట్రీ ఇప్పుడు క్రికెట్ వర్గాల్లో హాట్ టాపిక్గా మారింది. అసలు ఎవరీ నమన్ ధీర్? అతని అద్భుత రికార్డులని ఇక్కడ చూద్దాం.
డొమెస్టిక్ క్రికెట్ లో నమన్ ఊచకోత:
* విజయ్ హజారే ట్రోఫీ (2025-26): ఈ టోర్నీలో 270 పరుగులు సాధించిన నమన్.. 103.85 స్ట్రైక్ రేట్తో బ్యాటింగ్ చేశాడు.
* సయ్యద్ ముస్తాక్ అలీ ట్రోఫీ: ఇందులో 235 పరుగులు చేసినప్పటికీ, అతని స్ట్రైక్ రేట్ ఏకంగా 152.60గా ఉంది.
* షేర్-ఇ-పంజాబ్ టీ20 లీగ్: ఈ టోర్నీలో నమన్ ధీర్ సృష్టించిన విధ్వంసం అంతా ఇంతా కాదు. కేవలం 10 ఇన్నింగ్స్ల్లోనే 655 రన్స్ చేశాడు. ఇందులో అతని స్ట్రైక్ రేట్ ఏకంగా 217.61గా ఉండటం విశేషం. ముఖ్యంగా 64 బంతుల్లోనే 173 పరుగులతో ఇన్నింగ్స్ ఆడి తన పవర్-హిట్టింగ్ ఎంటో ప్రపంచానికి చాటాడు.
ముంబై ఇండియన్స్ తరఫున అదరగొట్టిన నమన్:
దేశీయ లీగ్స్లో చూపిన ఫామ్ను ఐపీఎల్లోకి కూడా తీసుకెళ్లిన నమన్ ధీర్.. ముంబై ఇండియన్స్ (MI) జట్టు తరఫున కీలక పాత్ర పోషించాడు. ఐపీఎల్ 2026 సీజన్లో 318 రన్స్ చేసిన అతను, 147.22 స్ట్రైక్ రేట్తో బ్యాటింగ్ చేసి ఒత్తిడిలోనూ మ్యాచ్లను ఫినిష్ చేయగల సత్తా ఉన్న ఆటగాడిగా పేరు తెచ్చుకున్నాడు. వివిధ స్థానాల్లో బ్యాటింగ్ చేయడమే కాకుండా, అవసరమైనప్పుడు బౌలింగ్తోనూ వికెట్లు తీసి పర్ఫెక్ట్ ఆల్ రౌండర్గా నిరూపించుకున్నాడు.
గౌతమ్ గంభీర్ వ్యూహంలో పర్ఫెక్ట్ ఫిట్:
* హెడ్ కోచ్ గౌతమ్ గంభీర్ ఎప్పుడూ ఒకే నైపుణ్యం కాకుండా, జట్టుకు బహుముఖ సేవలు అందించగల (Multi-skilled) ఆటగాళ్లకే ఎక్కువ ప్రాధాన్యత ఇస్తారు. నమన్ ధీర్ ఎంపిక కూడా సరిగ్గా అదే కోవలోకి వస్తుంది.
* స్టార్ బ్యాటర్లతో నిండిన భారత టాప్ ఆర్డర్కు తోడుగా.. డెత్ ఓవర్లలో వచ్చి ఎదురుదాడి చేయగల మిడిలార్డర్ ఫినిషర్ నమన్ రూపంలో భారత్కు దక్కాడు.
* కేవలం బ్యాటింగ్ మాత్రమే కాకుండా, అదనపు ఆఫ్స్పిన్ ఆప్షన్ను కూడా కెప్టెన్కు అందించగలగడం అతని అతిపెద్ద ప్లస్ పాయింట్. ఈ వర్సటైలిటీ భారత ప్లేయింగ్ ఎలెవన్ను మరింత సమతుల్యంగా మార్చనుంది. మరి తన అరంగేట్ర మ్యాచ్లోనే ఈ యువ సంచలనం ఏ విధంగా రాణిస్తాడో చూడాల్సి ఉంది.
Nothing tops this feeling 🤌💙
📸 Naman Dhir receives his maiden ODI cap from skipper Shubman Gill 🧢
Drop a 💙 in the replies to wish him the very best on his international debut 👇🇮🇳#TeamIndia | #INDvWI pic.twitter.com/qgCRZN7ujo
— BCCI (@BCCI) September 27, 2026