బిగ్ బాస్ తెలుగు హౌస్లో రోజురోజుకూ డ్రామా, మైండ్ గేమ్లు పీక్స్కు చేరుకుంటున్నాయి. మూడో వారం నామినేషన్లు, ఎలిమినేషన్ల చుట్టూ జరుగుతున్న ప్రచారం షోను మరింత ఉత్కంఠభరితంగా మార్చేసింది. అంతే కాదు ‘అగ్నిపరీక్ష’ కంటెస్టెంట్లు అపూర్వ, మిథిలేష్లు ఊహించని విధంగా వైల్డ్ కార్డ్ ఎంట్రీలు ఇచ్చి హౌస్మెట్స్కు చెమటలు పట్టిస్తున్నారు. ఈ వారం ఎలిమినేషన్ గండం ఎవరికి పొంచి ఉందో అన్న దానిపై ఉత్కంఠ నెలకొంది.
డెంజర్ జోన్లో వంశీ..
హౌస్లోకి అడుగుపెట్టినప్పటి నుంచి తన అగ్రెసివ్ గేమ్తో, ముక్కుసూటి తనంతో కాకరేపిన టెంపర్ వంశీ ప్రస్తుతం తీవ్రమైన ఎలిమినేషన్ ముప్పును ఎదుర్కొంటున్నట్లు సోషల్ మీడియా ఓటింగ్ ట్రెండ్స్ చెబుతున్నాయి. టాస్కుల్లో తన అభిప్రాయాలను గట్టిగా చెప్పడం ఒకవైపు అతనికి విపరీతమైన స్క్రీన్ స్పేస్ తెచ్చిపెట్టినప్పటికీ.. అతిగా చూపించిన దూకుడు ప్రేక్షకుల్లో కొంత ప్రతికూల ప్రభావాన్ని (Negative Impression) చూపించిందనే కామెంట్స్ వస్తున్నాయి. నామినేషన్ల రగడలో వంశీ పాయింట్లు ఎంత వ్యాలిడ్గా ఉన్నా.. ఆయన మాట తీరు కొందరిని అసంతృప్తికి గురిచేసింది.
ఊహించని ట్విస్ట్!..
మరోవైపు, హౌస్ మొదటి కెప్టెన్గా ప్రత్యేక గుర్తింపు తెచ్చుకున్న ఝాన్సీ కూడా ఈ వారం బాటమ్ రేసులోనే కొనసాగుతుంది. కెప్టెన్సీ లభించిన ఆనందం ముగియకముందే ఆమె నామినేషన్లలోకి రావడం, ఓటింగ్ సాధించడంలో వెనుకబడటం అందరినీ ఆశ్చర్యపరిచింది. ఒకవేళ సోషల్ మీడియా లీక్స్ నిజమై, శని-ఆదివారాల్లో వంశీ ఎలిమినేట్ అయితే హౌస్ సభ్యులకు ఇది అతిపెద్ద షాక్ కానుంది..
మారిన గేమ్ ప్లాన్..
ఇదిలా ఉంటే, షో రసవత్తరంగా సాగుతున్న తరుణంలో ‘అగ్నిపరీక్ష’ కంటెస్టెంట్లు అపూర్వ, మిథిలేష్ల రూపంలో హౌస్లోకి ఊహించని వైల్డ్ కార్డ్ ఎంట్రీలు ఇచ్చారు. బయట జరుగుతున్న పరిస్థితులను, ప్రేక్షకుల పల్స్ను పసిగట్టి వచ్చిన ఈ ఇద్దరూ రాగానే తమ ఆటతీరుతో హౌస్మెట్స్కు చెమటలు పట్టిస్తున్నారు.
ALSO READ : నాని ‘ప్యారడైజ్’ బాక్సాఫీస్ అంచనాలు తారుమారు..
సామాన్యుల మధ్య చిచ్చు..
బిగ్బాస్ ఇక్కడే ఒక మాస్టర్ ప్లాన్ అమల్లోకి తెచ్చాడు. హౌస్లోని సామాన్య (Commoner) కంటెస్టెంట్ల మధ్య ఉన్న ఐక్యతను దెబ్బతీసేలా ఒక ఆసక్తికరమైన ట్విస్ట్ ఇచ్చాడు. వైల్డ్ కార్డ్ ఎంట్రీలు ఇద్దరూ సామాన్యుల గ్రూప్లో ఉన్న విభేదాలను, ఒకరిపై ఒకరికి ఉన్న అసహనాన్ని వేళ్లూడగొట్టేలా తెలివిగా వ్యాఖ్యలు చేశారు. దీంతో ఫ్రెండ్షిప్స్ కాస్తా అనుమానాలుగా మారి, కామనర్ల మధ్య సీక్రెట్ వార్ మొదలైంది.
ప్రస్తుతం నామినేషన్ల భయం, వైల్డ్ కార్డ్ల అలజడి, బిగ్బాస్ ఆడుతున్న మైండ్ గేమ్లతో హౌస్లో ఎప్పుడు ఏం జరుగుతుందో తెలియని వాతావరణం నెలకొంది. శనివారం నాగార్జున ఎవరికి క్లాస్ పీకుతారు? ఓటింగ్ ట్రెండ్స్ మారి వంశీ సేవ్ అవుతాడా లేక ఎలిమినేట్ అయి హౌస్ నుంచి బయటకు వెళ్తాడా అనేది వేచి చూడాల్సిందే..