Gold, Silver Prices Today: నిన్న బులియన్ మార్కెట్లో 10 గ్రాముల బంగారం ధరలు స్వల్పంగా రూ.200 పెరిగి రూ.1,52,680 కు చేరాయి. దీంతో వరుసగా నాలుగు సెషన్ల నష్టాల పరంపరకు తెరపడింది. వారం రోజుల తర్వాత తగ్గుతున్న ముడిచమురు ధరలు, బలహీనపడుతున్న డాలర్ పెట్టుబడిదారులకు కొంత ఉపశమనం కలిగించాయి. అలాగే వారం రోజుల్లో వెండి ధర రూ. 10,000 మేర తగ్గుముఖం పట్టింది. బంగారం మాత్రం వారం రోజుల్లో రూ.4 వేల వరకు తగ్గింది.
ఇక తాజాగా సెప్టెంబర్ 27న దేశీయంగా బంగారం, వెండి ధరలు ఎలా ఉన్నాయో చూద్దాం..
హైదరాబాద్లో 24 క్యారెట్ల 10 గ్రాముల బంగారం ధర రూ.1,52,680 ఉండగా, అదే 22 క్యారెట్ల 10 గ్రాముల ధర రూ.1,39,950 వద్ద కొనసాగుతోంది.
గురువారం 99.9 శాతం స్వచ్ఛత గల బంగారం 10 గ్రాములకు రూ. 1,52,400 వద్ద ముగిసిందని బులియన్ వ్యాపారులు తెలిపారు. స్థానిక వ్యాపారుల ప్రకారం, వెండి ధరలు కిలోగ్రాముకు రూ. 2.37 లక్షల వద్ద స్థిరంగా ఉన్నాయి. పెట్టుబడిదారులు తక్కువ స్థాయిలలో కొనుగోలు చేయడంతో, వరుసగా నాలుగు సెషన్ల క్షీణత తర్వాత బంగారం ధరలు మెరుగుపడ్డాయని వ్యాపారులు తెలిపారు. అయితే, ఈ వారంలో బంగారం ధరలు రూ. 4,000 వరకు తగ్గగా, వెండి ధరలు రూ. 10,000 తగ్గింది.
విలువైన లోహానికి ఉన్న కొన్ని కీలక సవాళ్లు సడలడంతో శుక్రవారం బంగారం ధరలు స్వల్పంగా మెరుగుపడ్డాయి. ముడి చమురు ధరలు, అమెరికన్ డాలర్ ఇటీవలి గరిష్టాల నుంచి పడిపోయాయని హెచ్డిఎఫ్సి సెక్యూరిటీస్ సీనియర్ అనలిస్ట్ (కమోడిటీస్) సౌమిల్ గాంధీ అన్నారు. ఈ మెరుగుదల ఉన్నప్పటికీ, వారం ప్రారంభంలో డాలర్ విలువలో వచ్చిన భారీ పెరుగుదల కారణంగా వారంవారీగా బంగారం ధరలు తగ్గాయని గాంధీ తెలిపారు.