వినాయక చవితి 2026 సందర్భంగా ఈ సారి లడ్డూ వేలంలో రికార్డు ధరలు పలికాయి. హైదరాబాద్ గణేష్ నిమజ్జన వేడుకల్లో భాగంగా నిర్వహించే లడ్డూల వేలంలో అత్యధిక ధర పలికిన టాప్ 5 లడ్డూ వేలం పాటల వివరాలు ఇలా ఉన్నాయి.
1. కీర్తి రిచ్మండ్ విల్లాస్ (బండ్లగూడ) :
హైదరాబాద్ లడ్డూ వేలం చరిత్రలోనే సరికొత్త రికార్డు సృష్టిస్తూ కీర్తి రిచ్మండ్ విల్లాస్ సొసైటీకి చెందిన 5 కిలోల లడ్డూ ప్రసాదం ఏకంగా 1.01 కోట్ల రూపాయల భారీ ధర పలికింది. విల్లా నివాసితులంతా కలిసి గ్రూపుగా ఈ వేలం పాటలో పాల్గొని దీనిని దక్కించుకున్నారు. లాస్ట్ ఇయర్ ఇక్కడి లడ్డూ 2.32 కోట్ల రూపాయలు పలికిన సంగతి తెలిసిందే.
2. బాలాపూర్ గణేష్ లడ్డూ:
తెలంగాణలోనే అత్యంత ప్రసిద్ధి చెందిన, చారిత్రాత్మక బాలాపూర్ లడ్డూ వేలంలో సరికొత్త ఆల్-టైమ్ రికార్డు నమోదైంది. అర్బన్ రియాల్టీ గ్రూప్ వ్యవస్థాపకుడు సామ ప్రణీత్ రెడ్డి ఈ 21 కిలోల బంగారు పూత పూసిన లడ్డూ ప్రసాదాన్ని 39 లక్షలకు దక్కించుకున్నారు. 1994లో కేవలం 450 రూపాయలతో ప్రారంభమైన బాలాపూర్ లడ్డూ ప్రస్థానం ప్రస్తుతం 39 లక్షలకు చేరడం విశేషం.
3. ది కోహినూర్ (అరో రియాల్టీ) :
హైదరాబాద్లోని మరో లగ్జరీ రెసిడెన్షియల్ కమ్యూనిటీ ది కోహినూర్ బై అరో రియాల్టీ లో సైతం భక్తులు పోటీపడి వేలం పాడారు. ఇక్కడి వినాయకుడి లడ్డూ ప్రసాదం అత్యధికంగా 30.50 లక్షల రూపాయల ధర పలికి అందరినీ ఆకర్షించింది.
4. మై హోమ్ భుజా (రాయదుర్గం) :
ఐటి కారిడార్లోని ప్రముఖ గేటెడ్ కమ్యూనిటీ మై హోమ్ భూజా లో గణేష్ లడ్డూ వేలానికి విపరీతమైన పోటీ లభించింది. లడ్డూ ప్రసాదం ఈ ఏడాది 25 లక్షల భారీ ధర పలికి టాప్ 4లో నిలిచింది.
5. మై హోమ్ మంగళ:
టాప్ లడ్డూ వేలాల జాబితాలో ప్రముఖ మై హోమ్ మంగళ అపార్ట్మెంట్స్ కూడా నిలిచింది. ఇక్కడి భక్తులు, నివాసితుల ఉత్సాహభరితంగా పోటీలో పాల్గొన్నారు. హోరాహోరీగా సాగిన పోటీలో గణేష్ ప్రసాదం 21.11 లక్షల మార్కును అందుకుంది.