తమ కూతురు చదువులో రాణిస్తూ.. ఆటల్లో అద్భుత ప్రతిభ కనబరుస్తోందని మురిసిపోయిన ఆ తల్లిదండ్రుల సంతోషం ఎక్కువ రోజులు నిలువలేదు. గోల్డ్ మెడల్ సాధించిన రెండంటే రెండు రోజుల్లోనే ప్రమాదవశాత్తు చనిపోవడం ఆ కుటుంబంలో తీరని విషాదాన్ని నింపింది.
ఉత్తరప్రదేవ్ ఘజియబాద్ లో 12వ అంతస్తు పై నుంచి పడిపోయి 9వ తరగతి విద్యార్థిని చనిపోయింది. 2026 సెప్టెంబర్ 25వ తేదీ సాయంత్రం జరిగిన ఈ ఘటన రాష్ట్రవ్యాప్తంగా కలకలం రేపింది. సంజయ్ నగర్ లోని డెహ్రడూన్ పబ్లిక్ స్కూల్ లో 9వ తరగతి చదువుతున్న ప్రాచి (14) ప్రమాద వశాత్తు చనిపోయింది.
రాజేంద్ర నగర్ సొసైటీలోని టవర్ జీ లో రాత్రి 9 గంటలకు ఈ ఘటన జరిగింది. బట్టలు తీసుకొచ్చేందుకు బాల్కనీకి వెళ్లిన ప్రాచి.. 12 ఫ్లోర్ బాల్కనీ నుంచి పడిపోయింది. దగ్గర్లో ఉన్న యశోద ఆసుపత్రికి తరలించగా అప్పటికే చనిపోయినట్లు డాక్టర్లు నిర్ధారించారు.
పోస్ట్ మార్టం నిర్వహించి మృతదేహాన్ని కుటుంబ సభ్యులకు అప్పగించారు. ఘటన వెనుక ఉన్న కారణాలు పూర్తిగా తెలియలేదు. దర్యాప్తు ప్రారంభించిన పోలీసులు.. సీసీటీవీ ఫుటేజ్ ను పరిశీలిస్తున్నారు.
మహారాష్ట్రలోని శిరిడీలో నిర్వహించిన సీబీఎస్సీ నేషనల్ రోప్ స్కిప్పింగ్ గేమ్స్ లో గోల్డ్ మెడల్ సాధించిన ప్రాచీ.. రెండు రోజుల్లోప్రమాదానికి గురై చనిపోవడం బాధాకరం. డబుల్ డచ్ పెయిర్ ఫ్రీస్టైల్, డబుల్ డచ్ సింగ్ ఫ్రీస్టైల్ కేటగిరీలలో గోల్డ్ మెడల్ సాధించిన ప్రాచీ.. ఆ ఆనందం తనవి తీరక ముందే నిపోవడంతో కుటుంబ సభ్యులు కన్నీరుమున్నీరవుతున్నారు.