ఐచి-నగోయా 2026 ఆసియా క్రీడలలో (Aichi-Nagoya 2026) భారత పురుషుల కబడ్డీ జట్టు మరోసారి తన ఆధిపత్యాన్ని చాటుకుంది. ఉత్కంఠభరితంగా కొనసాగిన పురుషుల కబడ్డీ ఫైనల్లో ఇరాన్ను 39–34 తేడాతో మట్టికరిపించి డిఫెండింగ్ ఛాంపియన్గా నిలిచింది. హోరాహోరీగా సాగిన ఈ పోరులో అద్భుత ప్రతిభ కనబరిచిన టీమిండియా మరో స్వర్ణ పతకాన్ని (Gold Medal) సాధించి దేశం గర్వపడేలా చేసింది.
నువ్వా-నేనా అన్నట్లుగా సాగిన తుది పోరు:
ఫైనల్ మ్యాచ్ ప్రారంభం నుంచే ఇరు జట్ల మధ్య తీవ్రమైన పోరు కొనసాగింది. ఏ ఒక్క జట్టూ ప్రత్యర్థికి ఆధిపత్యం దక్కనివ్వకుండా ప్రతి పాయింట్ కోసం సర్వశక్తులూ ఒడ్డాయి. ఇరాన్ దూకుడుగా ఆడుతూ భారత్పై నిరంతరం ఒత్తిడి తెచ్చినప్పటికీ, ఇండియన్ ప్లేయర్స్ ఎక్కడా ఆత్మస్థైర్యం కోల్పోలేదు. నిర్ణయాత్మక క్షణాలకు చేరుకునేసరికి టీమిండియా ఆటగాళ్లు ఎంతో సంయమనం ప్రదర్శించి పాయింట్లు రాబట్టారు.
అదరగొట్టిన భారత డిఫెన్స్:
మ్యాచ్ ముగింపు దశకు వచ్చేసరికి ప్రతి రైడ్, ప్రతి ట్యాకిల్ స్టేడియంలో ఉత్కంఠను తారాస్థాయికి చేర్చాయి. ఇరాన్ ఆటగాళ్లు స్కోరు అంతరాన్ని తగ్గించేందుకు చివరి వరకు తెగ ప్రయత్నించినా, భారత డిఫెన్స్ విభాగం కీలక సమయాల్లో అద్భుతమైన స్టాప్స్తో వారిని కట్టడి చేసింది. ఒత్తిడిని సమర్థవంతంగా జయించి ఆఖరి క్షణాల వరకు ఆధిక్యాన్ని కాపాడుకున్న టీమిండియా, చివరకు 39–34 తేడాతో ఐదు పాయింట్ల అద్భుత విజయంతో మ్యాచ్ను సొంతం చేసుకుంది.
ఛాంపియన్గా భారత జట్టు:
గత ఆసియా క్రీడలలో సాధించిన స్వర్ణ పతకాన్ని మరోసారీ కాపాడుకుంటూ భారత్ తన సువర్ణాధ్యాయాన్ని కొనసాగించింది. డిఫెండింగ్ ఛాంపియన్లుగా బరిలోకి దిగిన టీమిండియా.. టోర్నమెంట్ ఆసాంతం కోట్లాది మంది అభిమానుల అంచనాలను అందుకుంటూ కబడ్డీలో స్వర్ణ పత్రాన్ని మరోసారి భారత్కు కానుకగా అందించింది.
India are Asian Games Kabaddi champions! A thrilling 40-34 victory over Iran in the men’s final at Aichi-Nagoya 2026. India held their nerve in a nail-biting finish to clinch Kabaddi gold! pic.twitter.com/1NiFk7nzaG
— IANS (@ians_india) September 26, 2026