Jaishankar: భారత విదేశాంగ మంత్రి ఎస్ జైశంకర్తో పెట్టుకుంటే ఎలా ఉంటుందో ఇప్పటికే వెస్ట్రన్ మీడియాకు చాలా బాగా తెలుసు. ఆయనను ప్రశ్నలు అడిగి తన్నించుకోవడం ఎందుకు అని ఒకటికి రెండుసార్లు ఆలోచించే పరిస్థితి వచ్చింది. అలాంటిది పాకిస్తాన్కు చెందిన ఓ జర్నలిస్ట్ అడిగిన ప్రశ్నకు జైశంకర్ ఘాటు కౌంటర్ ఇవ్వడం ఇప్పుడు వైరల్ అవుతోంది.
ఐక్యరాజ్యసమితి జనరల్ అసెంబ్లీ 81వ సమావేశం సందర్భంగా భారత విదేశాంగ మంత్రి ఎస్. జైశంకర్కు ఒక కార్యక్రమంలో పాల్గొన్న సమయంలో పాకస్తాన్ జర్నలిస్ట్ అకస్మాత్తుగా లేచి..‘‘ భారత్ పాకిస్తాన్లో ఉగ్రవాదానికి మద్దతు ఇవ్వడం ఎప్పుడు ఆపుతుంది? పాకిస్తాన్లో పరోక్ష ఉగ్రవాదానికి మీ ప్రభుత్వం మద్దతు ఇవ్వడం ఎప్పుడు ఆపుతుందో చెప్పగలరా?’’ అని ప్రశ్నించారు.
దీనికి జైశంకర్ తనదైన స్టైల్లో స్పందిస్తూ.. ‘‘ఒక ఉగ్రవాద దేశం నన్నే ఈ ప్రశ్న అడుగుతోంది’’ అని సమాధానం ఇచ్చారు. ఆ తర్వాత నవ్వుతూ అక్కడి నుంచి వెళ్లిపోయారు. గతంలో చాలాసార్లు ఉక్రెయిన్ యుద్ధం, భారత్ రష్యా నుంచి ఆయిల్ కొనుగోలు చేయడంపై వెస్ట్రన్ మీడియా జర్నలిస్టులు జైశంకర్ను ప్రశ్నించిన క్రమంలో ఇలాంటి సమాధానాలతో జైశంకర్ వారి నోర్లు మూయించారు.
#WATCH | 81st UNGA Session | “A terrorist country is asking me that question,” says EAM Dr S Jaishankar in response to a Pakistani’s attempt at heckling EAM with a terrorism ‘question’ pic.twitter.com/wIfu9OUhfO
— ANI (@ANI) September 25, 2026