India vs West Indies schedule: భారత్, వెస్టిండీస్ మధ్య 8 మ్యాచ్ల వైట్-బాల్ క్రికెట్ సిరీస్ సెప్టెంబర్ 27 నుంచి అక్టోబర్ 17 వరకు జరగనుంది. భారతదేశంలో జరగనున్న ఈ సిరీస్లో ఇరుజట్లు 3 వన్డేలు, 5 టీ20లు ఆడనున్నాయి. షెడ్యూల్ ప్రకారం, మొదట వన్డేలు, ఆ తర్వాత టీ20 సిరీస్ జరగనుంది. వన్డే సిరీస్లో టీమిండియా దిగ్గజాలు రోహిత్ శర్మ, విరాట్ కోహ్లీ రీఎంట్రీ ఇవ్వనున్నారు. దీంతో అందరి చూపు వన్డేలపైనే నిలిచింది.
మైదానంలో రోహిత్-కోహ్లీ:
ఇంగ్లండ్తో జరిగిన వన్డే సిరీస్ తర్వాత టీమ్ ఇండియాకు దూరమైన రోహిత్ శర్మ, విరాట్ కోహ్లీ ఈ సిరీస్ ద్వారా మైదానంలోకి తిరిగి రానున్నారు. జరగబోయే వన్డే ప్రపంచకప్ దృష్ట్యా ఈ సిరీస్ టీమ్ ఇండియాకు చాలా కీలకం. ఎందుకంటే, 2027 వన్డే ప్రపంచకప్ కోసం బలమైన జట్టును నిర్మించడానికి, యువ ఆటగాళ్ల సామర్థ్యాలను పరీక్షించడానికి బీసీసీఐకి ఈ సిరీస్ ఒక ముఖ్యమైన వేదిక కానుంది. అందుకే వెస్టిండీస్తో జరిగే వన్డే సిరీస్ భారత జట్టుకు చాలా ముఖ్యమైంది.
భారత్, వెస్టిండీస్ సిరీస్ షెడ్యూల్:
వన్డే సిరీస్ షెడ్యూల్..
| తేదీ | మ్యాచ్ | సమయం (IST) | వేదిక |
|---|---|---|---|
| సెప్టెంబర్ 27, 2026 | మొదటి వన్డే | మధ్యాహ్నం 2:00 గంటలకు | తిరువనంతపురం |
| సెప్టెంబర్ 30, 2026 | 2వ వన్డే | మధ్యాహ్నం 2:00 గంటలకు | గౌహతి |
| అక్టోబర్ 3, 2026 | 3వ వన్డే | మధ్యాహ్నం 2:00 గంటలకు | చండీగఢ్ (ముల్లన్పూర్) |
| తేదీ | మ్యాచ్ | సమయం (IST) | వేదిక |
|---|---|---|---|
| అక్టోబర్ 6, 2026 | మొదటి టీ20 మ్యాచ్ | సాయంత్రం 7:00 | లక్నో |
| అక్టోబర్ 9, 2026 | రెండవ టీ20 మ్యాచ్ | సాయంత్రం 7:00 | రాంచీ |
| అక్టోబర్ 11, 2026 | 3వ టీ20 మ్యాచ్ | సాయంత్రం 7:00 | ఇండోర్ |
| అక్టోబర్ 14, 2026 | 4వ టీ20 మ్యాచ్ | సాయంత్రం 7:00 | హైదరాబాద్ |
| అక్టోబర్ 17, 2026 | 5వ టీ20 మ్యాచ్ | సాయంత్రం 7:00 | బెంగళూరు |
ఈ రెండు సిరీస్ల తర్వాత, టీమ్ ఇండియా న్యూజిలాండ్తో సిరీస్కు సన్నద్ధమవుతుంది. కివీ దేశంలో జరగనున్న ఈ సుదీర్ఘ సిరీస్లో భారత జట్టు 2 టెస్టులు, 5 వన్డేలు, 5 టీ20 మ్యాచ్లు ఆడనుంది. వీటిలో, ఐసీసీ ప్రపంచ టెస్ట్ ఛాంపియన్షిప్ (డబ్ల్యూటీసీ) దృష్ట్యా జరగనున్న 2 టెస్ట్ మ్యాచ్లు భారత్కు చాలా ముఖ్యమైనవి.
మరిన్ని క్రీడా వార్తల కోసం ఇక్కడ క్లిక్ చేయండి..