రాంచీ: జార్ఖండ్లో ఘోర రోడ్డు ప్రమాదం జరిగింది. రాంచీ-జంషెడ్పూర్ హైవేపై అతివేగంగా దూసుకెళ్లిన కారు రోడ్డుపై నిలిపి ఉన్న ట్రక్కును ఢీకొట్టింది. ఈ ప్రమాదంలో నలుగురు మృతి చెందారు. మృతుల్లో కాంగ్రెస్ సీనియర్ నాయకురాలు, జార్ఖండ్ గ్రామీణాభివృద్ధి శాఖ మంత్రి దీపికా పాండే సింగ్ కుమార్తె త్రిషా సింగ్ ఉన్నట్లు పోలీసులు గుర్తించారు.
జంషెడ్పూర్లోని సోనారి పోలీస్ స్టేషన్ పరిధిలోని డోముహాని మెరైన్ డ్రైవ్ సమీపంలో గురువారం (సెప్టెంబర్ 24) తెల్లవారుజూమున ఈ ఘటన చోటు చేసుకుంది. రిపేర్ రావడంతో రోడ్డు మధ్యలోనే ట్రక్ను నిలిపి వెళ్లిపోయాడు డ్రైవర్. ఈ క్రమంలో అతివేగంగా దూసుకొచ్చిన కారు ట్రక్ను ఢీకొట్టింది.
ఈ ప్రమాదంలో మంత్రి దీపికా కుమార్తె త్రిషాతో సహా నలుగురు మరణించారు. స్థానికుల ద్వారా సమాచారం అందుకున్న పోలీసులు ఘటన స్థలానికి చేరుకుని సహయక చర్యలు చేపట్టారు. గ్యాస్ కట్టర్తో కారును కోసి వాహనంలో ఉన్న నలుగురినీ బయటకు తీశారు. అనంతరం వారిని మహాత్మా గాంధీ మెమోరియల్ మెడికల్ కాలేజ్ అండ్ హాస్పిటల్ కు తరలించగా.. అప్పటికే వారు మరణించినట్లు మరణించినట్లు ప్రకటించారు.
పోలీసులు ఈ ఘటనపై కేసు నమోదు చేసుకుని దర్యాప్తు చేపట్టారు. జార్ఖండ్ సీఎం హేమంత్ సొరెన్తో పాటు మంత్రులు, పలువురు రాజకీయ నేతలు మంత్రి దీపికా సింగ్ కుమార్తె త్రిషా మరణంపై దిగ్భ్రాంతి వ్యక్తం చేశారు. దీపికా కుటుంబానికి ప్రగాఢ సానుభూతి తెలియజేస్తున్నానని.. ఈ క్లిష్ట సమయంలో వారి కుటుంబానికి శక్తిని ప్రసాదించాలని భగవంతున్ని కోరకుంటున్నానని తెలిపారు.