యాదాద్రి, వెలుగు : బస్వాపురం రిజర్వాయర్ కోసం భూములిచ్చిన నిర్వాసితుల ఇండ్లకు రూ. 45 కోట్లతో మౌలిక వసతులు కల్పిస్తున్నామని భువనగిరి ఎమ్మెల్యే కుంభం అనిల్కుమార్ రెడ్డి తెలిపారు. మున్సిపాలిటీ పరిధిలోని ఆర్ అండ్ ఆర్ కాలనీలో నిర్మిస్తున్న ఇండ్లకు మౌలిక వసతుల పనులను ఆయన ప్రారంభించి మాట్లాడారు. వసతుల కల్పనతో పాటు కాలనీలో అభివృద్ధి పనులు చేపడతామని తెలిపారు.
రోడ్లు, డ్రైనేజీ, తాగునీరు, విద్యుత్ ఏర్పాటు చేయిస్తామన్నారు. కొత్తగా స్కూల్ కూడా ఏర్పాటు చేస్తామని చెప్పారు. సర్పంచ్ ఎడ్ల వెంకటరెడ్డి, మున్సిపల్ చైర్పర్సన్ తంగళ్లపల్లి శ్రీవాణి-, లైబ్రరీ చైర్మన్ అవేస్ చిస్తి, పీఏసీఎస్ చైర్మన్ పక్కిరి కొండల్ రెడ్డి ఉన్నారు.