మహేష్ బాబు హీరోగా రాజమౌళి దర్శకత్వంలో రాబోతున్న భారీ పాన్ వరల్డ్ చిత్రం ‘వారణాసి’పై ఇప్పటికే భారీ అంచనాలున్నాయి. అయితే, ఈ భారీ చిత్రం పూర్తయిన తర్వాత మహేష్ బాబు నెక్స్ట్ సినిమా ఎవరితో ఉండబోతుందనే దానిపై నెట్టింట ఓ క్రేజీ న్యూస్ తెగ వైరల్ అవుతోంది. ‘సరిలేరు నీకెవ్వరు’ సినిమాతో మహేష్ కు అదిరిపోయే హిట్టిచ్చిన బ్లాక్ బస్టర్ డైరెక్టర్ అనిల్ రావిపూడితో ముచ్చటగా మరో ప్రాజెక్ట్ ఫిక్స్ అయిందని, సంక్రాంతి 2028 బరిలో ఈ సినిమా దిగబోతోందంటూ వార్తలు షికారు చేస్తున్నాయి. ఈ పుకార్లపై దర్శకుడు అనిల్ రావిపూడి పీఆర్ (PR) టీమ్ సంప్రదించగా ఆ వార్త కేవలం ఫేక్ న్యూస్ మాత్రమేనని వారు తేల్చి చెప్పారు. ఈ రూమర్స్ ని కొట్టిపారేసిన పీఆర్ టీమ్.. ఆ ప్రచారంలో ఏమాత్రం వాస్తవం లేదని స్పష్టం చేసింది.
సూపర్ స్టార్ మహేష్ బాబుతో దర్శకుడు అనిల్ రావిపూడికి చాలా మంచి అనుబంధం ఉన్న మాట వాస్తవమే అయినా.. ప్రస్తుతానికి వాళ్ళిద్దరి కాంబినేషన్ లో ఏ ప్రాజెక్టు సెట్ అవ్వలేదని, సినిమా తీసే ఆలోచనలో ఎటువంటి ముందడుగు పడలేదని టీమ్ వివరణ ఇచ్చింది. దర్శకుడు అనిల్ రావిపూడి ప్రస్తుతం తన పూర్తి ఫోకస్ అంతా విక్టరీ వెంకటేష్, నందమూరి కళ్యాణ్ రామ్ కాంబోలో రాబోతున్న మల్టీస్టారర్ మూవీ ‘జనవరి 12 విడుదల’ పైనే పెట్టినట్లు స్పష్టం చేశారు. సో, ఇప్పటికైతే మహేష్ – అనిల్ రావిపూడి కాంబోపై వస్తున్న వార్తలన్నీ వట్టి పుకార్లేనని క్లారిటీ వచ్చేసింది!