Shubman Gill: శ్రీలంకతో గాలే అంతర్జాతీయ స్టేడియం వేదికగా జరిగిన తొలి టెస్టులో భారత జట్టు 165 పరుగుల భారీ తేడాతో భారీ విక్టరీ సాధించడమే కాకుండా, యంగ్ కెప్టెన్ శుభ్మన్ గిల్ ఒక రేర్ రికార్డును తన ఖాతాలో వేసుకున్నాడు. టెస్టు కెప్టెన్గా తన తొలి 10 మ్యాచ్ల్లో ఏకంగా 6వ విజయాన్ని నమోదు చేసుకుని విరాట్ కోహ్లీ, రోహిత్ శర్మల ఆల్ టైమ్ రికార్డులను బద్దలు కొట్టేశాడు. గతంలో కోహ్లీ, రోహిత్ ఇద్దరూ తమ కెప్టెన్సీలోని మొదటి 10 టెస్టుల్లో చెరో 5 విజయాలు సాధించగా, గిల్ ఇప్పుడు 6వ గెలుపుతో వాళ్లిద్దరిని వెనక్కి నెట్టి సోషల్ మీడియాలో హాట్ టాపిక్గా నిలిచింది.
దాదా రికార్డ్ సమం.. ముందు వరుసలో ధోనీ ఒక్కడే:
ఈ విక్టరీతో టీమిండియా లెజెండరీ కెప్టెన్ సౌరవ్ గంగూలీ (తొలి 10 టెస్టుల్లో 6 విజయాలు) సరసన గిల్ నిలిచాడు. కాగా, భారత్ తరఫున కెప్టెన్గా మొదటి 10 టెస్టుల్లో అత్యధికంగా 7 విజయాలు సాధించిన రికార్డు మాత్రం మిస్టర్ కూల్ ఎంఎస్ ధోనీ పేరిట ఉంది. 2025లో ఇంగ్లాండ్ సిరీస్తో టెస్ట్ సారథ్య బాధ్యతలు చేపట్టిన గిల్, అక్కడ 2 విజయాలు, వెస్టిండీస్పై 2-0 క్లీన్ స్వీప్, అఫ్గానిస్థాన్పై ఏకైక టెస్టు గెలుపు, ఇప్పుడు శ్రీలంకపై విజయం సాధించి ఈ ఘనత సాధించాడు.
ఆల్ రౌండ్ షోతో లంకను కుమ్మేసిన భారత్:
ఈ మ్యాచ్లో ఇండియన్ టీమ్ తొలి ఇన్నింగ్స్లో దేవదత్ పడిక్కల్ (167), కేఎల్ రాహుల్ (82)ల క్లాస్ షోతో 462 రన్స్ చేసింది. శ్రీలంక తమ తొలి ఇన్నింగ్స్లో 284 పరుగులకే ఆలౌట్ కాగా, సోనాల్ దినుషా (100) సెంచరీతో ఆదుకున్నాడు. ఇక భారత బౌలర్లలో మానవ్ సుతార్ 4, జడేజా 3 వికెట్లు పడగొట్టారు. రెండో ఇన్నింగ్స్లో రిషభ్ పంత్ మెరుపు అర్థ శతకంతో టీమిండియా 193 పరుగులు చేసి శ్రీలంక ముందు 372 పరుగుల టార్గెట్ పెట్టింది. లక్ష్య ఛేదనలో మానవ్ సుతార్ (6/55) డెడ్లీ స్పిన్ మ్యాజిక్తో విజృంభించడంతో లంక 206 పరుగులకే కుప్పకూలింది.
డబ్ల్యూటీసీ 2027 ఫైనల్ ఆశలు ఇంకా ఆలైవ్:
ఈ ఘన విజయంతో డబ్ల్యూటీసీ 2027 ఫైనల్ చేరేందుకు భారత జట్టు ఆశలు సజీవమయ్యాయి. పాయింట్ల శాతంలో (PCT) ఏకంగా 53.55 శాతానికి దూసుకెళ్లిన టీమిండియా, పాయింట్ల పట్టికలో తమ స్థానాన్ని మరింత పటిష్టం చేసుకుంది. సిరీస్లోని తదుపరి రెండో టెస్టు ఆగస్టు 23వ తేదీ నుంచి కొలంబోలోని ఎస్ఎస్సీ స్టేడియంలో జరగనుంది. అనంతరం న్యూజిలాండ్ పర్యటన (2 టెస్టులు), ఆపై సొంతగడ్డపై ఆస్ట్రేలియాతో జరగబోయే 5 టెస్టుల బోర్డర్-గవాస్కర్ ట్రోఫీ సిరీస్లు భారత్ డబ్ల్యూటీసీ ఫైనల్ రూట్ను డిసైడ్ చేయనున్నాయి.
Most Wins in first 10 Tests as Indian Captain
◎ 7: MS Dhoni
◉ 6: Shubman Gill
◎ 6: Sourav Ganguly
◎ 5: Rohit Sharma
◎ 5: Virat Kohli pic.twitter.com/8TO66WS6T6— The Cricket Panda (@TheCricketPanda) August 19, 2026