144Hz కర్వ్డ్ AMOLED డిస్ప్లే, 50MP ట్రిపుల్ కెమెరాతో Tecno Camon 50 Ultra 5G భారత్లో లాంచ్.. ధర ఎంతంటే?
Tecno Camon 50 Ultra 5G: టెక్నో (Tecno) భారత మార్కెట్లో ప్రీమియం స్మార్ట్ఫోన్ టెక్నో కామాన్ 50 అల్ట్రా 5G (Tecno Camon 50 Ultra 5G) ను లాంచ్ చేసింది. Camon 30 సిరీస్కు వారసుడిగా వచ్చిన ఈ ఫోన్లో 6.78 -అంగుళాల 1.5K 144Hz ProXDR కర్వ్డ్ AMOLED డిస్ప్లే, MediaTek Dimensity 7400 Ultimate ప్రాసెసర్, 50MP ట్రిపుల్ రియర్ కెమెరా సెటప్, 6500mAh బ్యాటరీ వంటి ప్రీమియం ఫీచర్లను అందించింది. అలాగే IP69K వరకు వాటర్, డస్ట్ రెసిస్టెన్స్తో పాటు మిలిటరీ-గ్రేడ్ డ్యూరబిలిటీ సర్టిఫికేషన్ను కూడా పొందింది.
144Hz AMOLED డిస్ప్లే:
Tecno Camon 50 Ultra 5Gలో 6.78 అంగుళాల 1.5K (1208×2644 పిక్సెల్స్) ProXDR కర్వ్డ్ AMOLED డిస్ప్లే ఉంది. ఇది 144Hz రిఫ్రెష్ రేట్, 2800Hz టచ్ శాంప్లింగ్ రేట్, కార్నింగ్ గొరిల్లా గ్లాస్ 7i ప్రొటెక్షన్ తో వస్తుంది. ఫోన్ ఆండ్రాయిడ్ 16 ఆధారిత HiOS 16పై పనిచేస్తుంది.
చిప్సెట్:
ఈ ఫోన్కు 4nm ప్రాసెస్పై రూపొందించిన MediaTek Dimensity 7400 Ultimate ఆక్టా-కోర్ ప్రాసెసర్ ఉంది. మెరుగైన పనితీరు, గేమింగ్ అనుభవం కోసం ఈ చిప్సెట్ను ఉపయోగించినట్లు కంపెనీ తెలిపింది.
50MP ట్రిపుల్ కెమెరా:
ఫోటోగ్రఫీ కోసం వెనుక భాగంలో 50MP సోనీ LYT-700C ప్రధాన కెమెరా, 50MP టెలిఫోటో కెమెరా (3x ఆప్టికల్ జూమ్), 8MP అల్ట్రా-వైడ్ కెమెరాతో ట్రిపుల్ రియర్ కెమెరా సెటప్ను అందించారు. సెల్ఫీలు, వీడియో కాల్స్ కోసం 50MP ఆటోఫోకస్ ఫ్రంట్ కెమెరా ఉంది. ఈ ఫోన్తో 4K@30fps వీడియో రికార్డింగ్ చేయవచ్చు.
6500mAh బ్యాటరీ, 45W ఫాస్ట్ ఛార్జింగ్:
ఫోన్లో 6500mAh భారీ బ్యాటరీను అందించారు. దీనికి 45W ఫాస్ట్ వైర్డ్ ఛార్జింగ్ సపోర్ట్ ఉంది. ఒక్కసారి ఛార్జ్ చేస్తే రెండు రోజులకుపైగా బ్యాటరీ బ్యాకప్ అందుతుందని టెక్నో తెలిపింది.
ప్రీమియం డ్యూరబిలిటీ:
Tecno Camon 50 Ultra 5Gకు IP66, IP68, IP69, IP69K డస్ట్, వాటర్ రెసిస్టెన్స్ రేటింగ్స్ లభించాయి. అదనంగా MIL-STD-810H మిలిటరీ-గ్రేడ్ సర్టిఫికేషన్ కూడా ఉంది. ఫోన్ మందం 7.75mm మాత్రమే.
ధర:
భారత్లో Tecno Camon 50 Ultra 5G ప్రారంభ ధర రూ.39,999గా నిర్ణయించారు. అయితే లాంచ్ ఆఫర్లో రూ.3,000 కూపన్ డిస్కౌంట్ లభించడంతో ధర రూ.36,999కు లభిస్తుంది. ఈ ఫోన్ సైప్రస్ గ్రీన్, మిస్టి పర్పుల్, నెబుల టైటానియం రంగుల్లో జూలై 21 నుంచి అమెజాన్ ద్వారా విక్రయాలకు అందుబాటులోకి రానుంది. అలాగే 6 నెలల వరకు నో-కాస్ట్ EMI ఆప్షన్ కూడా అందుబాటులో ఉంటుంది.
It’s showtime
Presenting CAMON 50 Ultra 5G. Now in three unique shades!
Packed with:
50MP Sony LYTIA 700C Camera
50MP 3X Optical Zoom + 8MP Ultra Wide and Macro
6.78-inch 1.5K 144Hz Pro XDR Curved AMOLED Display
6500mAh Battery
45W Fast Charge
Sale starts… pic.twitter.com/RUNK6zbOkf
— TECNO Mobile India (@TecnoMobileInd) July 17, 2026
