పిల్లలే కాదు, పెద్దలు మెచ్చే కొబ్బరి హల్వ..ఇలా చేస్తే నోరూరిపోతుంది
కావాల్సిన పదార్థాలు : కొబ్బరి తురుము మూడు కప్పులు, నెయ్యి, పాలు, బెల్లం పొడి, జీడి పప్పు, బాదం, జీడిపప్పు, ఎండు ద్రాక్ష, యాలకుల పొడి, చిటికెడు ఉప్పు. ఈ చిన్న చిన్న పదార్థాలతో చాలా సులభంగా స్వీట్ తయారు చేసుకోవచ్చును.
తయారీ విధానం : ముందుగా ఒక కడాయి తీసుకోవాలి. అందులో రెండు టేబుల్ స్పూన్ల నెయ్యి వేసుకోవాలి. నెయ్యి వేడి అయిన తర్వాత అందులో జీడిపప్పు, బాదం, ఎండు ద్రాక్ష వేసి మంచిగా వేయించుకోవాలి. అవి బంగారు రంగు వచ్చే వరకు వేయించుకోవాలి. ఇవి ఎంత బాగా వేగితే, హల్వా రుచి చాలా అద్భుతంగా ఉంటుంది.
తర్వాత కొబ్బరి తురుము తీసుకోవాలి. అదే బౌల్లో నెయ్యి వేసి కొబ్బరి తురుము మంచిగా వేయించుకోవాలి. మంట లో ఫ్లేమ్లో పెట్టి కొబ్బరి తురుము కూడా బంగారు రంగు వచ్చే వరకు కలుపుతూ వేయించుకోవాలి. ఇలా వేయించి కాస్త పక్కన పెట్టుకోవాలి.
ఇప్పుడు స్టవ్ ఆన్ చేసుకోవాలి. అందులో సరిపడ నీళ్లు పోసి బాగా మరిగించుకోవాలి. తర్వాత అందులోనే పాలు కూడా పోసి బాగా మరగ బెట్టుకోవాలి. నీళ్లు, పాలు పూర్తిగా కలిసి చిక్కబడాలి, అదే సమయంలో అందులో కొబ్బరి పొడి వేయాలి. ఇది మొత్తం బాగా ఉడకాలి. తర్వాత అందులో బెల్లం తురుము వేసుకోవాలి. ఇవన్నీ వేసి మంచిగా, బాగా కలుపుకోవాలి.
తర్వాత బెల్లం, చక్కెర రెండు కూడా మంచిగా కలుపుకోవాలి. కొబ్బరి తురుము చిక్కటి ద్రావణంలా కలుపుకోవాలి. ఇదంతా మంచిగా కలిపి, దగ్గర పడ్డ తర్వాత, అందులో జీడిపప్పు, బాదం, ఎండు ద్రాక్ష అన్నీ వేసి బాగా కలుపుకోవాలి. తర్వాత దానిని దించి, పక్కన పెట్టుకోవాలి. అంతే టేస్టీ టేస్టీ కొబ్బరి హల్వా రెడీ.
