Chennai Crime: ప్రియురాలి పుట్టినరోజుకు ఐఫోన్ బహుమతిగా ఇవ్వాలనే ఆశతో ఓ యువకుడు చైన్ స్నాచింగ్కు పాల్పడి చివరకు పోలీసులకు చిక్కాడు. ఈ ఘటనకు సంబంధించిన పూర్తి వివరాల్లోకి వెళ్తే.. చెన్నైలోని అమైందకరై ప్రాంతానికి చెందిన సరవణన్ అనే యువకుడు ఈ దొంగతనానికి పాల్పడినట్లు పోలీసులు వెల్లడించారు.
పోలీసుల వివరాల ప్రకారం, ఐఫోన్ కొనుగోలు చేసేందుకు డబ్బు సమకూర్చుకోవాలనే ఉద్దేశంతో సరవణన్ నంబర్ ప్లేట్ లేని బైక్పై తిరుగుతూ చైన్ స్నాచింగ్కు ప్రణాళిక రచించాడు. గుర్తుపట్టకుండా ఉండేందుకు ముఖానికి గుడ్డ కట్టుకుని మాధవరం, అన్నా నగర్ ప్రాంతాల్లో మూడు సార్లు ప్రయత్నించినప్పటికీ విఫలమయ్యాడు. అనంతరం నాలుగో ప్రయత్నంలో అమైందకరైలో మలర్విళి అనే మహిళ మెడలోని బంగారు గొలుసును అపహరించి అక్కడి నుంచి పరారయ్యాడు. అయితే దొంగతనం అనంతరం పోలీసులు సీసీటీవీ ఫుటేజీలను పరిశీలించగా, నిందితుడు ధరించిన జీబ్రా డిజైన్ చొక్కా కీలక ఆధారంగా మారింది.
ఇక, ఆ చొక్కా ఆధారంగా దర్యాప్తు చేపట్టిన అమైందకరై పోలీసులు సరవణన్ను గుర్తించి అరెస్ట్ చేశారు. ప్రేమను చాటుకునేందుకు చేసిన నేరం చివరకు అతడిని జైలు ఊచలు లెక్కబెట్టే పరిస్థితికి తీసుకెళ్లిందని పోలీసులు తెలిపారు. బర్త్ డే రోజు ఐఫోన్ గిఫ్ట్గా ఇచ్చి ప్రియురాలి కళ్లల్లో ఆనందం చూసుకుందామనుకున్న ఆ యువకు చివరకు.. ఆ గిఫ్ట్ కోసం చేసిన దొంగతనం ఇప్పుడు ఊచలు లెక్కపెట్టేలా చేసింది..