ఆరోగ్యంగా ఉండాలంటే రోజూ జిమ్కు వెళ్లాలి, మంచి డైట్ ఫాలో అవ్వాలి అని మనందరం అనుకుంటాం. కానీ, తాజా అధ్యయనాలు ఒక షాకింగ్ విషయాన్ని చెబుతున్నాయి. మనం ఎంత ఫిట్గా ఉన్నా సరే, మన చుట్టూ మంచి స్నేహితులు, ప్రేమించే వ్యక్తులు లేకపోతే ఆరోగ్యం దెబ్బతింటుందట. అంటే, కండరాలు పెంచడం ఎంత ముఖ్యమో, మనసును నలుగురితో పంచుకోవడం కూడా అంతే ముఖ్యం. అప్పుడే మనం సంపూర్ణ ఆరోగ్యవంతులుగా ఉండగలం. ఆ వివరాలు చూద్దాం..
ఒంటరితనం ఒక పెద్ద జబ్బు: ప్రస్తుత రోజుల్లో చాలామంది గంటల తరబడి సోషల్ మీడియాలో గడుపుతూ, పక్కన ఉన్నవారితో మాట్లాడటం తగ్గించేస్తున్నారు. దీనివల్ల లోపల లోపలే ఒంటరితనం పెరుగుతోంది. రీసెర్చ్ ప్రకారం, ఒంటరిగా ఉండే వారిలో గుండె సంబంధిత వ్యాధులు మరియు ఒత్తిడి వచ్చే అవకాశాలు చాలా ఎక్కువ. నలుగురితో కలిసి నవ్వడం వల్ల కలిగే హాయి, ఏ వ్యాయామం ఇవ్వలేదని సైంటిస్టులు అంటున్నారు.
సోషల్ కనెక్షన్ ఒక మెడిసిన్: మంచి స్నేహితులతో కబుర్లు చెప్పడం, ఫ్యామిలీతో క్వాలిటీ టైమ్ స్పెండ్ చేయడం వల్ల మన బాడీలో ‘ఆక్సిటోసిన్’ వంటి హ్యాపీ హార్మోన్లు విడుదలవుతాయి. ఇక ఇవి మనల్ని రిలాక్స్గా ఉంచుతాయి. ఒక కష్టమైన ప్రాబ్లం వచ్చినప్పుడు మనకు అండగా ఎవరైనా ఉన్నారనే భరోసా ఉంటే, అది మన రోగ నిరోధక శక్తిని కూడా పెంచుతుందట.
ఆయుష్షును పెంచే స్నేహాలు: హార్వర్డ్ యూనివర్సిటీ జరిపిన ఒక సుదీర్ఘ అధ్యయనంలో ఆశ్చర్యకరమైన విషయం బయటపడింది. ఎనభై ఏళ్ల పైబడి ఆరోగ్యంగా జీవించే వారిలో కామన్ పాయింట్ ఏంటంటే.. వారందరికీ చాలా బలమైన సామాజిక సంబంధాలు ఉన్నాయి. ఇక జిమ్, యోగా మన బాడీని కాపాడితే, మన అనుబంధాలు మన ఆయుష్షును పెంచుతాయి.
మొబైల్కు దూరంగా: మన స్మార్ట్ఫోన్లలో వందల మంది కాంటాక్ట్స్ ఉండవచ్చు, కానీ అవసరమైనప్పుడు మన పక్కన కూర్చునే స్నేహితుడు ఒక్కడైనా ఉండాలి. అప్పుడప్పుడు స్నేహితులతో కలిసి వాకింగ్కు వెళ్లడం లేదా ఒక కప్పు కాఫీ తాగుతూ మనసు విప్పి మాట్లాడటం వల్ల మెంటల్ హెల్త్ అద్భుతంగా ఇంప్రూవ్ అవుతుంది. ఇక ఇది మనల్ని డిప్రెషన్ నుండి దూరంగా ఉంచుతుంది.
సంబంధాలలో క్వాలిటీ ముఖ్యం: ఎంతమంది తెలుసు అన్నది కాదు, వారితో మీకు ఎంత డీప్ కనెక్షన్ ఉందనేదే పాయింట్. నెగెటివిటీని పంచే వారికంటే, మిమ్మల్ని ఎంకరేజ్ చేసే మంచి వ్యక్తులతో స్నేహం చేయండి. ఇతరులకు సాయం చేయడం, మనసులో భారం లేకుండా ఉండటం వల్ల బాడీలోని ఇన్ఫ్లమేషన్ తగ్గి, దీర్ఘకాలిక రోగాలు దరిచేరవు.
హెల్తీ లైఫ్ అంటే కేవలం సిక్స్ ప్యాక్ లేదా డైట్ చార్ట్ మాత్రమే కాదు. మనల్ని ప్రేమించే మనషులు, మనం ప్రాణం ఇచ్చే స్నేహితుల మధ్య సంతోషంగా గడపడం కూడా. సో, ఈ రోజు నుండే మీ పాత స్నేహితులకు ఒక కాల్ చేయండి లేదా మీ కుటుంబంతో కలిసి భోజనం చేయండి. అదే అసలైన ఆరోగ్యం!
The post హెల్తీ లైఫ్కు జిమ్ ఒక్కటే కాదు.. స్నేహాలు, సంబంధాలూ కీలకం appeared first on Manalokam – Latest Telugu News & Updates.