IND vs ENG : ఒక్క మ్యాచులో రెండు రికార్డులు.. ధోని ఆల్-టైమ్ రికార్డులను బ్రేక్ చేసిన జోస్ బట్లర్, శ్రేయస్ అయ్యర్
IND vs ENG : భారత క్రికెట్ జట్టుకు విదేశీ పర్యటనలో ఓటముల పరంపర కొనసాగుతోంది. ఇంగ్లండ్తో జరిగిన ఐదో, చివరి టీ20 మ్యాచ్లోనూ భారత జట్టు 56 పరుగుల తేడాతో ఘోర పరాజయాన్ని చవిచూసింది. ఈ విజయంతో ఐదు మ్యాచ్ల సిరీస్ను ఇంగ్లండ్ 4-0తో సొంతం చేసుకుంది. తాజా మ్యాచ్లో భారత కెప్టెన్ శ్రేయస్ అయ్యర్ ఒక ప్రత్యేకమైన రికార్డును తన పేరిట లిఖించుకున్నప్పటికీ, గత ఏడు మ్యాచ్లుగా జట్టును వేధిస్తున్న ఓటముల సిరీస్కు మాత్రం బ్రేక్ వేయలేకపోయారు. ఇంగ్లండ్ బ్యాటర్లు హ్యారీ బ్రూక్, జోస్ బట్లర్ అద్భుతమైన బ్యాటింగ్తో భారత బౌలర్లపై విరుచుకపడటమే కాకుండా ఈ మ్యాచ్ ద్వారా పలు సరికొత్త రికార్డులను సృష్టించారు.
ఈ మ్యాచ్లో టాస్ ఓడి మొదట బ్యాటింగ్కు దిగిన ఇంగ్లండ్ జట్టుకు ఆరంభంలోనే గట్టి షాక్ తగిలింది. ఇన్నింగ్స్ రెండో ఓవర్లోనే భారత బౌలర్ ప్రసిద్ధ్ కృష్ణ ప్రమాదకరమైన ఫిల్ సాల్ట్ను అవుట్ చేసి భారత్కు మంచి బ్రేక్ ఇచ్చాడు. అయితే ఆ ఆనందం ఎంతోసేపు నిలవలేదు. ఆ తర్వాత క్రీజులోకి వచ్చిన కెప్టెన్ హ్యారీ బ్రూక్తో కలిసి ఓపెనర్ జోస్ బట్లర్ భారత బౌలర్లను ఉతికేసాడు. వికెట్ కోసం టీమిండియా బౌలర్లు తీవ్రంగా శ్రమించాల్సి వచ్చింది. వీరిద్దరూ కలిసి రెండో వికెట్కు ఏకంగా 233 పరుగుల భారీ భాగస్వామ్యాన్ని నెలకొల్పారు. అంతర్జాతీయ టీ20 క్రికెట్ చరిత్రలో ఏ వికెట్కైనా నమోదైన మూడో అత్యధిక భాగస్వామ్యంగా ఇది రికార్డు సృష్టించింది.
భారత్పై అత్యధిక టీ20 స్కోరు నమోదు చేసిన ఇంగ్లండ్
జోస్ బట్లర్, హ్యారీ బ్రూక్ అందించిన అద్భుతమైన ఇన్నింగ్స్ కారణంగా ఇంగ్లండ్ జట్టు నిర్ణీత 20 ఓవర్లలో 3 వికెట్ల నష్టానికి 257 పరుగుల కొండంత స్కోరును బోర్డుపై ఉంచింది. అంతర్జాతీయ టీ20 క్రికెట్లో భారత్పై ఒక జట్టు చేసిన అత్యధిక స్కోరు ఇదే కావడం గమనార్హం. విశేషం ఏంటంటే.. అంతకుముందు ఉన్న రికార్డు కూడా ఇంగ్లండ్ పేరిటే ఉండేది, ఇప్పుడు ఆ రికార్డును వాళ్లే మరింత భారీ స్కోరుతో బద్దలు కొట్టారు. ఇంగ్లండ్ కెప్టెన్ హ్యారీ బ్రూక్ కేవలం 5 పరుగుల తేడాతో తన సెంచరీని చేజార్చుకుని 95 పరుగులతో నాటౌట్గా నిలవగా, బట్లర్ మాత్రం సెంచరీ పూర్తి చేసి సరికొత్త చరిత్ర సృష్టించాడు.
Team India : భారత క్రికెట్లో తీవ్ర దుమారం.. హెడ్ కోచ్ గౌతమ్ గంభీర్పై బీసీసీఐ వేటు వేయనుందా?
ధోని రికార్డు బద్దలు కొట్టిన జోస్ బట్లర్
ఓపెనర్గా వచ్చిన జోస్ బట్లర్ కేవలం 64 బంతుల్లోనే 12 ఫోర్లు, 8 సిక్సర్ల సాయంతో 131 పరుగుల విధ్వంసకర ఇన్నింగ్స్ ఆడాడు. అంతర్జాతీయ టీ20ల్లో భారత్పై ఒక బ్యాటర్ చేసిన అత్యధిక వ్యక్తిగత స్కోరు ఇదే. అంతకుముందు 2017లో వెస్టిండీస్ ఆటగాడు ఎవిన్ లూయిస్ చేసిన 125 పరుగుల రికార్డును బట్లర్ అధిగమించాడు. ఇదే ఇన్నింగ్స్ ద్వారా బట్లర్ మరో అరుదైన మైలురాయిని అందుకున్నాడు. అంతర్జాతీయ క్రికెట్లో అత్యధిక సిక్సర్లు కొట్టిన వికెట్ కీపర్ బ్యాటర్గా మహేంద్ర సింగ్ ధోని పేరిట ఉన్న రికార్డును బద్దలు కొట్టాడు. ధోని తన కెరీర్లో 359 సిక్సర్లు కొట్టగా, బట్లర్ ఇప్పుడు 360 సిక్సర్లతో అగ్రస్థానానికి చేరుకున్నాడు.
ధోని ఆల్-టైమ్ రికార్డును సమం చేసిన శ్రేయస్ అయ్యర్
ఈ మ్యాచ్లో టీమిండియా కెప్టెన్ శ్రేయస్ అయ్యర్ కూడా ఒక విచిత్రమైన రికార్డును తన ఖాతాలో వేసుకున్నాడు. అంతర్జాతీయ క్రికెట్లో వరుసగా అత్యధిక సార్లు టాస్ గెలిచిన భారత కెప్టెన్గా మహేంద్ర సింగ్ ధోని రికార్డును అయ్యర్ సమం చేశాడు. ధోని 2010 నుంచి 2012 మధ్య కాలంలో వరుసగా 7 సార్లు టాస్ గెలిచాడు. ఇప్పుడు శ్రేయస్ అయ్యర్ కూడా ఐర్లాండ్ పర్యటనలోని రెండు మ్యాచ్లతో పాటు, ఇంగ్లండ్తో జరిగిన ఐదు మ్యాచ్లలోనూ వరుసగా టాస్ గెలిచి ఈ రికార్డు సాధించాడు. అయితే దురదృష్టవశాత్తూ ఈ 7 మ్యాచ్లలో టాస్ గెలిచినప్పటికీ భారత్ ఒక్క మ్యాచ్లో కూడా విజయం సాధించలేకపోయింది.
టీమిండియా నంబర్-1 స్థానానికి ఎసరు
గత 2022లో ఐసీసీ టీ20 ర్యాంకింగ్స్లో భారత జట్టు నంబర్-1 స్థానాన్ని కైవసం చేసుకుంది. ఆ తర్వాత 2024, ఈ ఏడాది 2026లో జరిగిన టీ20 వరల్డ్ కప్లను గెలుచుకుని ఈ ఫార్మాట్లో తిరుగులేని ఆధిపత్యాన్ని ప్రదర్శించింది. కానీ, ఐర్లాండ్, ఇంగ్లండ్ పర్యటనలలో వరుసగా ఎదురైన 6 ఓటముల కారణంగా భారత జట్టు తన అగ్రస్థానాన్ని కోల్పోయింది. ఐసీసీ తాజా ర్యాంకింగ్స్లో టీమిండియా మొదటి స్థానం నుంచి రెండో స్థానానికి పడిపోగా, సిరీస్ గెలిచిన ఇంగ్లండ్ జట్టు నంబర్-1 టీ20 జట్టుగా అవతరించింది.
మరిన్ని క్రీడా వార్తల కోసం ఇక్కడ క్లిక్ చేయండి..
