Lucky Zodiacs: అబ్బబ్బా.. కుజుడితో ఆ రాశుల వారికి అదృష్టాల వెల్లువ..!

వృషభం: సప్తమాధిపతి కుజుడు లాభ స్థానంలో సంచారం చేయడం వల్ల ఈ రాశివారు పట్టిందల్లా బంగారం అవుతుంది. వ్యక్తిగత పురోగతికి అనేక అవకాశాలు లభిస్తాయి. అనేక మార్గాల్లో ఆదాయం వృద్ధి చెందే అవకాశం ఉంటుంది. సంపన్న కుటుంబానికి చెందిన వ్యక్తితో ప్రేమలో పడడం లేదా పెళ్లి కావడం జరుగుతుంది. ఆస్తి వివాదాలు అనుకూలంగా పరిష్కారమై ఆస్తి లాభంతో పాటు భూ లాభం కూడా కలుగుతుంది. నిరుద్యోగులకు ఇతర దేశాల ఆఫర్లు కూడా అందే అవకాశం ఉంది.

మిథునం: ఈ రాశికి దశమ స్థానంలో కుజుడి సంచారం వల్ల ఈ రాశివారికి దిగ్బల రాజయోగం కలిగింది. వృత్తి, ఉద్యోగాల్లో శుభ పరిణామాలు చోటు చేసుకుంటాయి. ఉద్యోగంలో ఊహించని పదోన్నతులు లభిస్తాయి. ఆర్థికంగా అనేక లాభాలు కలుగుతాయి. షేర్లు, స్పెక్యులేషన్ల వంటివి అంచనాలకు మించి లాభిస్తాయి. అత్యంత ప్రముఖులతో కూడా పరిచయాలు వృద్ధి చెందుతాయి. నిరుద్యోగులకు భారీ జీతభత్యా లతో కూడిన ఆఫర్లు అందే అవకాశం ఉంది. సొంత ఇంటి కల నెరవేరుతుంది.

కర్కాటకం: ఈ రాశికి అత్యంత శుభుడైన కుజుడు భాగ్య స్థానంలో సంచారం చేయడం వల్ల ఉద్యోగ, పెళ్లి ప్రయత్నాల్లో విదేశీ అవకాశాలు లభిస్తాయి. ఉద్యోగులు, నిరుద్యోగులకు విదేశీ ఆఫర్లు అందుతాయి. వృత్తి, వ్యాపారాలు బిజీగా సాగిపోతాయి. కొద్ది ప్రయత్నంతో ఆదాయం అంచనాలకు మించి వృద్ధి చెందుతుంది. సంపన్న కుటుంబానికి చెందిన వ్యక్తితో పెళ్లి సంబంధం కుదురుతుంది. నిరుద్యోగులకు, తండ్రి వైపు నుంచి సంపద లభిస్తుంది. వృత్తి, ఉద్యోగాలరీత్యా విదేశాలకు వెళ్లడం జరుగుతుంది.

వృశ్చికం: రాశ్యధిపతి కుజుడు ఈ రాశికి పంచమ స్థానంలో సంచారం వల్ల మనసులోని కోరికలు చాలా వరకు నెరవేరుతాయి. అభీష్ట సిద్ధియోగం కలుగుతుంది. ఇబ్బడిముబ్బడిగా ఆదాయం పెరుగు తుంది. షేర్లు, స్పెక్యులేషన్లు బాగా లాభిస్తాయి. ఆస్తి వివాదాలు, కోర్టు కేసులు బాగా అనుకూలంగా పరిష్కారమై, ఆర్థిక లాభాలు, ఆస్తి లాభాలు కలుగుతాయి. ఉద్యోగంలో పదోన్నతులకు అవకాశం ఉంది. వృత్తి, వ్యాపారాలు లాభాల బాటపడతాయి. సొంత ఇంటి ప్రయత్నాలు సఫలమవుతాయి.

మకరం: ఈ రాశికి తృతీయ స్థానంలో కుజ సంచారం వల్ల ఈ రాశివారు ఏ రంగంలో ఉన్నా ఉన్నత స్థితికి చేరే అవకాశం ఉంది. విదేశాల్లో స్థిరత్వం, ఆదరాభిమానాలు లభిస్తాయి. అనేక విధాలైన పురోగతి ఉంటుంది. ఆదాయం దినదినాభివృద్ధి చెందుతుంది. కొన్ని ప్రధానమైన ఆర్థిక, వ్యక్తిగత, అనారోగ్య సమస్యల నుంచి బయటపడతారు. ఎటువంటి పోటీనైనా ఎదుర్కోగల నైపుణ్యాలను సంపాదించు కుంటారు. ఉద్యోగంలో పదోన్నతి లభిస్తుంది. వృత్తి, ఉద్యోగాలరీత్యా విదేశాలకు వెళ్లడం జరుగుతుంది.

మీనం: ఈ రాశికి ధన, భాగ్యాధిపతిగా అత్యంత శుభుడైన కుజుడు ఇదే రాశిలో సంచారం వల్ల అనేక విధాలుగా అదృష్టాలు కలుగుతాయి. అనేక వైపుల నుంచి ఆదాయం వృద్ధి చెందుతుంది. ఉద్యోగంలో ఉన్నత పదవులు లభిస్తాయి. పోటీ పరీక్షలు, ఇంటర్వ్యూలలో ఘన విజయాలు సాధిస్తారు. షేర్లు, స్పెక్యులేషన్ల వల్ల బాగా లబ్ధి పొందుతారు. రాజకీయ నేతలకు రాజయోగాలు కలుగుతాయి. వృత్తి, వ్యాపారాలు బిజీగా సాగుతాయి. ప్రముఖులతో పరిచయాలు వృద్ధి చెందుతాయి.